Hicran Bağırova

Vikipediya, azad ensiklopediya
Jump to navigation Jump to search
HİCRAN BAĞIROVA
Hicran Firudin qızı Bağırova
Hicran Bağırova.jpg
Doğum tarixi 1951
Elmi dərəcəsi tibb elmləri doktoru
Elmi adı professor
İş yeri Azərbaycan Tibb Universiteti
Mükafatları "Əməkdar həkim"

Hicran Firudin qızı Bağırova (1951) — Azərbaycan Tibb Universitetinin II mamalıq-ginekologiya kafedrasının müdiri, Azərbaycanın Əməkdar həkimi (2008)[1], tibb elmləri doktoru (2000), professor.

Həyatı[redaktə | əsas redaktə]

Bağırova Hicran 1951-ci ildə anadan olub. 1967-ci ildə N.Nərimanov adına Azərbaycan Dövlət Tibb İnstitutunun müalicə-profilaktika fakultəsinə daxil olmuş və 1973-cü ildə institutu bitirmişdir. 1975-1977-ci illərdə Moskva şəhərində Ümumittifaq Onkologiya Elmi Mərkəzində kliniki ordinatura keçmiş və 1977-ci ildən 1993-cü ilə qədər həmin Elmi mərkəzin ginekologiya şöbəsində baş laborant, həkim, kiçik elmi işçi vəzifəsində çalışmışdır. 1984-cü ildə namizədlik dissertasiyasını müdafiə etmişdir. 1991-ci ildə SSRİ Elmlər Akademiyası tərəfindən "ali dərəcəli həkim" adı verilmişdir. 1993-cü ildə Azərbaycan Tibb Universitetinin II mamalıq-ginekologiya kafedrasında assistent, 1998-ci ildə dosent vəzifəsinə seçilmiş, 2003-cü ildən hal-hazıra qədər kafedra müdiri vəzifəsinə təyin edilmişdir[2].

ATU-nini Böyük Elmi Şurasının, II Müalicə-profilaktika fakultəsinin Elmi Şurasının üzvüdür, Respublika mama-ginekoloqlarının elmi cəmiyyətinin sədr müavinidir, ATU-nun nəzdindəki D.03.011 Dissertasiya Şurasının üzvü, ETMGİ-nin Elmi Şurasının üzvüdür, Azərbaycan Respublikası Səhiyyə Nazirliyi Elmi tibbi Şuranın plenum üzvüdür, Alman-Azərbaycan mama-ginekoloqlar cəmiyyətinin sədridir.

2000-ci ildə doktorluq dissertasiyasını müdafiə etmişdir.

Azərbaycan Respublikası Prezidentinin sərəncamı ilə 2008-ci ildə “Azərbaycan Respublikasının əməkdar həkimi” fəxri adına layiq görülmüşdür.[1]

İstinadlar[redaktə | əsas redaktə]

  1. 1 2 "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin 25 sentyabr 2008-ci il tarixli, 3062 nömrəli Sərəncamı" (azərb.). e-qanun.az. 2008-09-25. 2020-04-08 tarixində orijinalından arxivləşdirilib. İstifadə tarixi: 2020-04-08.
  2. Azərbaycan Tibb Universiteti II mamalıq-ginekologiya kafedrası

Xarici keçidlər[redaktə | əsas redaktə]

  1. Kafedra müdiri, professor, t.e.d. Hicran Bağırova
  2. Estetik və Anti-age təbabət üzrə I Azərbaycan Konqresi- tibb elmləri doktoru, professor Hicran Ağayeva
  3. Bağırova Hicran - "Mamalıq", Kitab-2007, 368 səh. "Təbib" nəşriyyatı.