Hökümə Nəcəfova
| Hökümə Nəcəfova | |
|---|---|
| Ümumi məlumatlar | |
| Doğum adı | Hökümə Yusif qızı Nəcəfova |
| Doğum tarixi | |
| Doğum yeri | Bakı, Azərbaycan SSR |
| Vəfat tarixi | |
| Vəfat yeri | Bakı, Azərbaycan SSR |
| Musiqiçi məlumatları | |
| Fəaliyyəti | Bəstəkar |
| Mükafatları |
 |
Hökümə Nəcəfova — bəstəkar, ilk azərbaycan qadın tarzən. Müğənni Brilliant Dadaşovanın atasının və aktyor Məlik Dadaşovun xalası idi.
Həyatı
[redaktə | mənbəni redaktə et]Hökümə Yusif qızı Nəcəfova 19 noyabr 1915-ci ildə Bakıda ziyalı ailəsində anadan olmuşdur.Hələ uşaq yaşlarında Əbilov adına Mədəniyyət Evində Səid Rüstəmovun rəhbərliyi ilə fəaliyyət göstərən tar dərnəyində Qızbəs Əsədova və Ağabacı Rzayeva ilə birgə dərs alan H.Nəcəfovanı Üzeyir bəy Hacıbəyovla tanışlıq Asəf Zeynallı adına Musiqi Məktəbinə gətirir. Sonralar Dövlət Konservatoriyasında həm bəstəkarlıq, həm də tar bölmələrində təhsil alan Hökumə Nəcəfova Üzeyir bəyin sevimli tələbələrindən olub. Hətta dahi bəstəkarımız Hökumə xanıma və bir neçə imkansız qıza guya "dövlətin əli" ilə təqaüd də verirmiş. Üzeyir bəy rəhmətə gedən günə qədər onlar bu təqaüdünün onun tərəfindən verildiyini bilməyiblər. Üzeyir Hacıbəyov Hökumə xanım Nəcəfovanın istedadını, qabiliyyətini, bəstələrini və ifalarını yüksək qiymətləndirir, onun ictimai fəallığını, mədəniyyətimizin inkişafı işində fədakarlıq əzmini çox bəyənirdi. Hökumə Nəcəfova Azərbaycanın ilk qadın bəstəkarlarından biri olmaqla yanaşı, eyni zamanda ilk tarzən qadın idi.
Əsərləri
[redaktə | mənbəni redaktə et]Bir çox məşhur mahnıların müəllifidir: "Kaş ki, gözəl olmayaydım", "Həliməcan", "Səninləyəm", "Qaça bilməzsən məndən, ey yar", "Xalidəcan", "Ceyran balası" və s. Bir zamanlar bu mahnılar görkəmli sənətkarlarımız - Şövkət Ələkbərova, Sara Qədlmova, Zeynəb Xanlarova və Elmira Rəhimovanın ifasında da tez-tez səslənirdi. Həmçinin rəqslər də ("Şənlik rəqsi", "Rəqs melodiyası") bəstələmişdir.
Kitablar
[redaktə | mənbəni redaktə et]Mahnı və romanslar not kitablarının müəllifidir:
- Fortepiano üçün "Yarım gəldi" (1945)
- "Arzu" (1946)
- fortepiano ilə oxumaq üçün "Uşaq mahnıları" (1967)
- "Mahnılar" (1968, 1975)
- "Ana yurdum" (1986)
Mükafatları
[redaktə | mənbəni redaktə et]- "Şərəf nişanı" ordeni
- Azərbaycan Respublikası Prezidentinin fərdi təqaüdü — 11 iyun 2002[1]
İstinadlar
[redaktə | mənbəni redaktə et]- ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 05.10.2023.
Xarici keçidlər
[redaktə | mənbəni redaktə et]- Mobil Əhmədov - Tez gəl
- Brilliant Dadaşova - Ceyran bala
- Zeynəb Xanlarova - Səninləyəm, sözləri Ələkbər Ziyatayındır
- Kaş ki, gözəl olmayaydın. Sözləri: Aşıq Ələsgərindir [1].
- ↑ Maşallah Xudubəyli - Mənim sazlı-sözlü dünyam Arxivləşdirilib 2010-11-19 at the Wayback Machine. II cild (3 kitabda). Bakı: "Nurlan", 2010.