Brilliant Dadaşova

Vikipediya, açıq ensiklopediya
Jump to navigation Jump to search
Picto infobox music.png
Brilliant Dadaşova
azərb. Brilliant Süleyman qızı Dadaşova
Fotoqrafiya
Sənətçi məlumatları
Doğum tarixi
15 sentyabr 1965 (1965-09-15) (53 yaş)
Doğum yeri Bakı, Flag of the Azerbaijan Soviet Socialist Republic.svg Azərbaycan SSR, Flag of the Soviet Union.svg SSRİ
Vətəndaşlığı Flag of the Soviet Union.svg SSRİFlag of Azerbaijan.svg Azərbaycan
Peşəsi müğənni, pianoçuaparıcı

Üslub pop-musiqiestrada
LəqəbiСуперстар Бриллиант
Mükafatları"Azərbaycan Respublikasının xalq artisti" fəxri adı

Brilliant Süleyman qızı Dadaşova (15 sentyabr 1965[1][2], Bakı, Azərbaycan SSR, SSRİ) — Azərbaycan müğənnisi, Azərbaycan Respublikasının əməkdar artisti (1998)[3]; Azərbaycan Respublikasının xalq artisti (2008)[4].

Həyatı[redaktə | əsas redaktə]

Brilliant Dadaşova 15 sentyabr 1965-ci ildə (bəzi mənbələrə görə 1959-cu ildə[5][6]) Bakı şəhərində anadan olub. Onun anası avtomobil qəzasında həlak olmuş məşhur Azərbaycan qarmon ifaçısı Qızxanım Dadaşovadır. Brilliant Dadaşovanın musiqi karyerası 1983-cü ildə Eldar Mansurovun mahnıları ilə başlandı. 1985-ci ildə Brilliant Dadaşova Moskvada keçirilən Ümumdünya Gənclər Festivalında ilk dəfə böyük səhnəyə gəldi. 1986-cı ildə Brilliant Dadaşova və Akif İslamzadə "Hər şey gözəldir həyatda" adlı mahnını yazdırırlar və bu mahnı Azərbaycanda çox məşhur olur. Həmin ildə Dadaşovanın eyni adlı musiqi albomu çıxır. 1987-ci ildə o, sovet ifaçıları arasında keçirilən müsabiqədə birinci yerə nail ola bildi. 1989-cu ildə Brilliant Dadaşovanın çox məşhur "Bayatılar" adlı mahnısı işıq üzü görür.

Daha sonra Brilliant Dadaşova Azərbaycanı İsveç, Avstriya, Almaniya, Böyük Britaniya, Amerika Birləşmiş Ştatları və digər dövlətlərdə uğurla təmsil etməyə başladı. Sovet İttifaqı dağıldıqdan sonra Rusiyada solo konserti ilə çıxış edən ilk Azərbaycan müğənnisi məhz Brilliant Dadaşova oldu. O, Rusiyanın ən iri iki şəhərində - MoskvadaSankt-Peterburqda çıxış etdi.

Brilliant Dadaşovanın 1994-cü ildə "Sevəcəyəm" adlı musiqi albomu çıxır. Bu disk həm Azərbaycanda, həm də Türkiyədə çox uğurlu olur. 1995-ci ildə "Züleyxa" mahnısına çəkilmiş videoklip Rusiya kanalında nümayiş etdirilməyə başladı və kanalın qızıl onluğunda uzun müddət ərzində ön cərgələrdə sabit qaldı. Həmin o ildə, müğənninin "Züleyxa" adlı diski çıxır. 1998-ci ildə "Dərdimdən öləcəksən" adlı disk çıxır.

1997-ci ildə Brilliant Dadaşovaya Azərbaycanın əməkdar artisti adı verildi. Həmin ildə o, bir sıra Azərbaycan müğənnisi və Norveçin SKRUK ansamblı ilə birlikdə "Landet vi kommer fra" Azərbaycan-Norveç layihəsində iştirak edirdi. 1999-cu ildə Brilliant Dadaşova bələdiyyə seçkilərində qalib gələrək Bakı şəhəri Səbayıl rayon bələdiyyəsinə üzv seçildi. 2000-ci ildən 2005-ci ilədək o, Azərbaycanın Space TV kanalında "Gözəllik dünyanı xilas edəcək" adlı veriliş aparırdı. Hazırda müğənni musiqi istedadı olan gənclərə karyera qurmaqda yardımçı olan "Akademiya" layihəsində iştirak edir. 2008-ci ildə Brilliant Dadaşovanın iki diskdən ibarət "Masal Dünyam" adlı musiqi albomu çıxır. Bu albom Türkiyədə yazılır və çox uğurlu olur. Həmin il Brilliant Dadaşova Azərbaycanın Xalq artisti fəxri adına layıq görülür.

Ailəlidir, bir oğlu var. Həm Azərbaycan, həm də Türkiyə vətəndaşıdır.

Filmoqrafiya[redaktə | əsas redaktə]

  1. Yaramaz (film, 1988)
  2. Kənar adamlar (film, 1992)
  3. Haray (film, 1993)
  4. Bir cənub kəndində (film, 1997)
  5. Əzizə Cəfərzadə (film, 1999)
  6. Dəvətnamə (film, 2003)

Maraqlı faktlar[redaktə | əsas redaktə]

  • Boyu: 164 sm[7]
  • Çəkisi: 58 kq[7]

İstinadlar[redaktə | əsas redaktə]

  1. Kim harada və nə vaxt doğulub? (SİYAHI). anspress.com
  2. 23 saylı Nəsimi-Səbayıl seçki dairəsi üzrə seçicilərin daimi siyahısı.
  3. ""Əməkdar artist" fəxri adının verilməsi haqqında" Azərbaycan Respublikası Prezidentinin 24 may 1998-ci il tarixli, 711 nömrəli Fərmanı  (azərb.)
  4. "Azərbaycan Respublikasının mədəniyyət xadimlərinə fəxri adların verilməsi haqqında" Azərbaycan Respublikası Prezidentinin 17 sentyabr 2008-ci il tarixli, 3045 nömrəli Sərəncamı  (azərb.)
  5. Бриллиант Дадашева подтверждает свое турецкое гражданство. Arxivləşdirilib.
  6. Brilliant Dadaşova bu gün 50 yaşını qeyd edir
  7. 7,0 7,1 Tac.az :Şou-biznes ulduzlarımızın boy və çəkiləri

Xarici keçidlər[redaktə | əsas redaktə]