II Con (Kastiliya kralı)

Vikipediya, azad ensiklopediya
Jump to navigation Jump to search
Kastilyalı II Con
Burgos - Cartuja de Miraflores - Tumba de Juan II de Castilla.jpg
Kastiliya və Leon kralı
25 dekabr 1406 — 20 iyul 1454
Sələfi III Henri
Xələfi IV Henri
Şəxsi məlumatlar
Doğum tarixi 6 mart 1405[1]
Doğum yeri
Vəfat tarixi 21 iyul 1454[1] (49 yaşında)
Vəfat yeri
Dəfn yeri
  • Miraflores Charterhouse[d]
Atası III Henri
Anası Lankasterli Ketrin
Həyat yoldaşları Araqonlu Mariya
Portuqaliyalı İzabella
Uşaqları IV Henri
I İzabella
Alfonso
Vikianbarın loqosu Vikianbarda əlaqəli mediafayllar

Kastiliyalı II Con (isp. Juan II) (d. 6 mart 1405 - ö. 20 iyul 1454) – Kastiliya kralı.

Kastiliya kralı III Henri və xanımı Lankasterli Ketrinin ən kiçik övladı idi və atasının ölümünün ardından hələ 1 yaşında ikən Kastiliya kralı elan edildi. Əmisi Araqon kralı I Ferdinand və anası isə taxt naibi oldular. 1416-cı ildə əmisinin, 2 il sonra isə anasının vəfatı ilə təkbaşına hakimiyyəti ələ aldı.

Həyatı[redaktə | mənbəni redaktə et]

II Conun 48 il davam edən səltənəti Kastiliya tarixinin ən uzun dönəmlərindən biridir. Bununla yanaşı, o, tarixdə güclü monarx olaraq tanınmadı. Belə ki, günlərini ibadətlə, ov əyləncələri və cəngavər yarışları tərtibləməklə keçirirdi. Ən yaxın adamı olan Alvaro Luna, kralın ikinci xanımı Portuqaliyalı İzabellanın sarayda güc qazandığı dönəmə qədər onu təsiri altında saxlayırdı. Kraliçanın da hazırladığı intriqalarla Alvaro Luna kral tərəfindən edam edildi və ömrünün sonuna qədər bu səbəblə özünü günahlandırdı.

1411-ci ildə II Conun naibləri bölgədə yəhudilər üzərində nəzarəti artıran Valyadolid qanunlarını elan etdi. Belə ki, verilən qərarla yəhudilər fərqli tərzdə geyinməli və dövlət vəzifələrindən uzaq tutulmalı idi. Buna baxmayaraq II Con 1418-ci ildə hakimiyyəti əlinə aldıqdan sonra yaxın adamı Alvaro Lunanın da təsiriylə yəhudilərə qarşı olan təzyiqləri azaltdı.

1431-ci ildə II Con Kastiliyanın vassalı olma və illik xərac vermə şərtləriylə, IV Yusifi Qranada əmiri olaraq təyin etdi. Bundan başqa onun səltənətində ölkədə memarlıq fəaliyyəti də sürətləndi.

20 iyul 1454-cü ildə Valyadoliddə vəfat etmişdir.

Ailəsi[redaktə | mənbəni redaktə et]

1418-ci ildə Con əmisi olan Araqon kralı Ferdinandın qızı Mariya ilə evləndi. Bu evlilikdən cütlüyün 4 övladı dünyaya gəlsə də, bunlardan yalnız oğlu yetkinlik yaşına çatdı:

  • Ketrin (1422-1424) - doğumundan ölümünədək Asturiya şahzadəsi.
  • Elyanora (1423-1425) - bacısının ölümündən qardaşının doğumunadək Asturiya şahzadəsi.
  • IV Henri (1425-1474)
  • Mariya (1428-1429)

1445-ci ildə Mariya vəfat etdi və Con Portuqaliya kralı I Conun nəvəsi İzabella ilə evləndi. Cütlüyün bu nigahdan 2 övladı dünyaya gəldi:

Mənbə[redaktə | mənbəni redaktə et]

  • Harvey, L. P. (1990). Islamic Spain, 1250 to 1500. University of Chicago Press.
  • Previte-Orton, C.W. (1912). The Shorter Cambridge Medieval History. Volume 2. Cambridge at the University Press.
  • Piferrer, F.; Busel, A.R. (1859). Nobiliario de los reinos y señorios de España (revisado por A. Rujula y Busel). Nobiliario de los reinos y señorios de España (in Spanish). p. 228.

İstinadlar[redaktə | mənbəni redaktə et]

  1. 1 2 3 4 Diccionario biográfico español (isp.)Real Academia de la Historia, 2011.