IV Georq

Vikipediya, açıq ensiklopediya
Jump to navigation Jump to search

IV Georq ((ing. George IV, alm. Georg IV.‎);12 avqust 176226 iyun 1830)) - 19 yanvar 1820 - 26 iyun 1830-cu illəri arasında Britaniya kralı. Hannoverlər sülaləsinin nümayəndəsi. Faktiki olaraq şahzadə reqent kimi ölkəni atası III Georqun xəstəliyi ilə bağlı 1811-ci ildən idarə edirdi.

IV Georq
ing. IV George
George IV 1821 color.jpg
bayraqBritaniya və Irlandiya kralıbayraq
29 yanvar 1820 — 26 iyun 1830
Sələfi III Georq
Xələfi IV Vilhelm
bayraqHannover kralı
29 yanvar 1820 — 26 iyun 1830
Sələfi III Georq
Xələfi IV Vilhelm

Doğum tarixi 12 avqust 1762(1762-08-12)
Doğum yeri Böyük Britaniya, London
Vəfat tarixi 26 iyun 1830 (67 yaşında)
Vəfat yeri Böyük Britaniya , London
Dəfn yeri Vindzorlar sarayı
Atası III Georq
Anası Şarlotta Maklenburq Strelic
Həyat yoldaşı Korolina Braunşveyq
Uşaqları Şarlotta Avqusta

İmza
Commons-logo.svg Vikianbarda əlaqəli mediafayllar

Həyatı və hakimiyyəti[redaktə | əsas redaktə]

IV Georqun reqentliyi dövründə I Napaleon Bonapart məğlub edilir və uzunmüddətli müharibə Britaniyanın qələbəsi ilə bitir.

1795-ci ildə IV Georq Karolina Braunşveyqlə evlənir. Bu izdivacdan onun bir qızı - Şarlotta Avqusta dünyaya gəlir. IV Georq bütün Britaniya monarxları arasında ən populyar olmayanlarından idi. Onun haqqında çoxlu lətifələr gəzirdi. Xalq arasında IV Georqun həyat yoldaşı və qızı arasındakı problemləri haqqında rəvayətlər gəzirdi. IV Georqun formalaşan bu mənfi obrazı müxtəlif karikaturalarda təsvir edilmişdir. Lakin onu da qeyd etmək lazımdır ki, IV Georq çox alicənab , incəsənət sevən bir şəxs olub.

Artıq 1796-cı ildə IV Georq Karolinadan ayrılır. Bunun nəticəsidir 1820-ci ildə Georq-kiçik taxta çıxanda Karolinanın kraliça olmaq istəyi Lordlar palatasının etirazı ilə qarşılanır və buna icazə verilir. Çox keçmədən Karolina xəstəliyə tutularaq vəfat edir.

IV Georqun yeganə qızı,kralın varisi Şarlotta Avqust atasının hələ reqentliyi dövründə (1817) doğuş zamanı dünyasını dəyişir. IV Georq kral olduqdan sonra qardaşı Frederik vəliəhd seçilir. Lakin çoxuşaqlı III Georqun övladlarının ya evli olmaması , ya da uşaqsız olmaları nəsilin davamiyyətini təhlükə altına alırdı. Buna görə də kral sülalənin gənc üzvlərinə evlənəcəkləri təqdirdə maliyə yardımı ediləcəyini bildirdi.Bu qərar nəsillər arası çoxlu evliliklərin baş verməsinə səbəb oldu.Bu izdivaclar çox tez bir zamanda bağlandı.

Vəliəhd Frederik 1827-ci ildə vəfat etdi. IV Georqdan sonra hakimiyyətə III Georqun üçüncü oğlu Vilhelm gəlir. 1837-ci ildə IV Vilhelmdən sonra həmin çoxsaylı evliliklərdən dünyaya gələn , Eduard Avqustun və Viktoriya Saksen-Koburq-Zaalfeldin qızı Aleksandrina Viktoriya Britaniya tacına sahib çıxdı.