Jan-Klod Van Damm

Vikipediya, açıq ensiklopediya
Keçid et: naviqasiya, axtar
Jan-Klod Van Damm
ing. Jean-Claude van Damme
Van Damme Cannes 2010.jpg
İlk adı: Jan Klod Kamil Fransua Van Varenberq
Doğum tarixi: 18 oktyabr 1960 (1960-10-18) (54 yaş)
Doğum yeri: Flag of Belgium (civil).svg Belçika,Brüssel Berkem-Sent-Aqat
Atası: Oygen Van Varenberq
Anası: Eliana Van Varenberq
Vətəndaşlıq: Flag of Belgium (civil).svg Belçika
Flag of the United States.svg ABŞ
Flag of Hong Kong.svg Honkonq
Peşəsi: aktyor
IMDb: ID 0000241
http://www.jeanclaudevandamme.be/

Jan-Klod Van Damm (ing. Jean-Claude van Damme) - ABŞ aktyoru, ssenaristi, prodüseri və montajçısıdır.

Gənclik illəri[redaktə | əsas redaktə]

Jan Klod Van Damm 18 oktyabr 1960-cı ildə Belçikanən paytaxtı Brüsseldə holland (flamand) əsilli ailədə anadan olmuşdur.[1] Onun atası buxalter və gül dükanının sahibi idi.[2] 10 yaşından başlayaraq karateyə gedir.[3] 18 yaşında Avropa çempionu olaraq qara kəmər qazanır.[4] Van Damm 1978-1979-cu illərdə Professional Avropa Karate Federasiyasının orta çəki üzrə çempionu olmuşdur.[5]

Film karyerası[redaktə | əsas redaktə]

Jan-Klod Van Damma 1981-ci ildə Los Ancelesə köçür. İdman formasını qorumaq üçün bir idman salonunda ödənişsiz olaraq təmizlik işlərinə nəzarət edirdi. Həmin müddətdə taksi sürücüsü, gecə klublarında cangüdənlik, pizza satışı kimi işlərdə çalışırdı. 1983-cü ildə Fransız istehsalı olan "Barbar küçəsi" adlı filmdə polis rolunu canlandırdı. 1984-cü ildə "Breyk-dans: Film" adlı filmində rol aldı. Eyni il "Əbədi Monako" adlı parodiya filmində 5 dəqiqəlik qısa roluyla homoseksual karateçi rolunu canlandırdı. 1986-cı ildə "Nə geri çəkil, nə də təslim ol" filmində rol aldı. Bu filmdə onun rolu qısa idi və mənfi obraz kimi canlandırılmışdır. Lakin bu filmi bir çox rejissorların diqqətini cəlb edə bilir. 1988-ci ildə az büdcəli film olan "Qara Qartal" filmində rol alır.

Menahem Qolan adlı prodüserin sayəsind Van Damm 1988-ci ildə "Qanlı idman" filminə dəvət olunur. Bu filmdən sonra Van Damm tanınmağa başlanır. "Kikboksçu", "Kiborq", "Ölümcül order", "Şir ürəkli", "İkiqat zərbə", "Universal əsgər" kimi döyüş filmlərində karyerasının qızıl çağını davam etdirirdi. 1990-cı illərin sonlarına yaxın çəkildiyi filmlər ona populyarlıq qazandıra bilməmişdi. Çünki bu müddətdə narkotikdən asılı olmuş və uzun müddət bu xəstəliyi mübarizə edirdi. Van Damm 1996-1997-ci illər ərzində tam müalicə olunmuş, bir sıra filmlərə çəkilərək əvvəlki populyarlığını geri qaytarmağa çalışmışdı.

Şəxsi həyatı[redaktə | əsas redaktə]

Jan Klod Van Dammın ilk həyat yoldaşı olan venesuelalı Mariya Rodriges olub. Onlar 1981-ci ildə boşanmışlar. 1985-ci ildə Sintiya Derdian ilə ailə həyatı qurmuş, lakin bir müddət keçdikdən sonra 1986-cı ildə onlar boşanmışlar. Həmin ildə model olan Qladis Portiqeslə evlənmişdir. Van Dammın bu nigahdan Kristofer və Bianka adlı övladı olur. Lakin onlar 1992-ci ildə boşanırlar. Van Damm 1994-cü ildə model olan Derci La Piyer ilə evlənir. Onların Nikolas adlı övladı olur. 1996-cı ildə onlar boşanırlar və bu müddətdən başlayaraq Van Damm narkotikdən asılı vəziyyətə düşür. 1996-1997-cı illər ərzində müalicə olunduqdan sonra narkotikdən imtina etmişdir. 1999-cu ildə isə Van Damm və Qladis Portiqes yenidən ailə həyatı qurmuşlar.

Mükafatları[redaktə | əsas redaktə]

"MTV Movie Awards" kinomükafatının "The most desirable man" (azərb. Ən arzu olunan kişi) kateqoriyasına görə 3 dəfə (1992, 19931994) nominasiyaya layiq görülmüşdür. 2010-cu ildə "The Grand World Prize" (azərb. Böyük Dünya Mükafatı) mükafatı və "Golden Talents Of The Planet" (azərb. Planetin Qızıl İstedadları) mükafatının qızıl ordeninə layiq görülmüşdür.

Filmoqrafiya[redaktə | əsas redaktə]

İl Film Orijinal adı Rol Qeydlər
1984 Barbar küçəsi Rue Barbare
1984 Breyk-dans: Film Breakin'
1984 Əbədi Monako Monaco Forever
1984 İtkin düşmüşlər Missing in Action
1986 Nə geri çəkil, nə də təslim ol No Retreat , No Surrender İvan İlk seçilən rolu
1988 Qara qartal Black Eagle
1988 Qanlı idman Bloodsport Frenk Dyuks
1989 Kikboksçu Kickboxer Kurt Sloan
1989 Kiborq Cyborg
1990 Ölümcül order Death Warrant
1990 Şir ürəkli Lionheart Lion Filmin digər adı: A.W.O.L. – absent without leave (Böyük Britaniya versiyası)
1991 İkiqat zərbə Double İmpact
1992 Universal əsgər Universal Soldier Lyuk
1993 Çətin hədəf Hard Target
1993 Heç bir yerdə qaçmaq Nowhere To Run
1994 Küçə döyüşçüsü Street Fighter Gil
1994 Kikboksçu 4 Kickboxer 4
1994 Zaman polisi Time Cop
1995 Qəfil ölüm Sudden Death
1996 Maksimal risk Maximum Risk
1996 Axtarış The Quest
1997 İkiqat komanda Doeble Team
1998 Legioner Legionnaire
1999 Axırıncı vuruşma Last to fight
1999 Səhranın hərarəti Desert Heat
1999 Universal əsgər 2: Qayıdış Universal Soldier 2: The Retume Lyuk
2001 Sifariş The Order Rudi Cafmeyer
2001 Replikant Replicant
2002 Aşağı buraxılan Derailed
2003 Cəhənnəmdə In Hell
2004 Ölümün izi Wake Of Death
2004 Narko Narco
2006 Möhkəm müdafiə Hard Corps
2006 Komandirin müavini Second in Command
2006 İmtahan The Examen
2007 Ölümə kimi Until Death
2008 JVCD JVCD
2009 Universal əsgər 3 : Regenerasiya Universal Soldier 3 : Regeneration Lyuk
2009 Əjdaha gözləri Dragon Eyes
2011 Kunq-fu Panda 2 Kung Fu Panda 2
2012 Əjdaha gözləri 2 Dragon Eyes 2
2012 Qabağıalınmazlar 2 The Expendables 2
2012 Universal əsgər: İntiqam günü Universal Soldier: Day of Reckoning Lyuk

İstinadlar[redaktə | əsas redaktə]

Xarici keçidlər[redaktə | əsas redaktə]

VikiAnbarda Jan-Klod Van Damm ilə əlaqəli mediafayllar var.