Kikboksçu (film, 1989)

Vikipediya, açıq ensiklopediya
Keçid et: naviqasiya, axtar
Kikboksçu
Kikboksçu (film, 1989).jpg
Orijinal ad: ing. Kickboxer
Rejissor: Mark Disalle
Ssenari müəllifi: Mark Disalle
Jan-Klod Van Damm
Operator: Con Krenhaus
Prodüser: Mark Disalle
Rollarda: Jan-Klod Van Damm
Mişel Kissi
Dennis Çan
Dennis Aleksio
Roşel Aşana
Stiv Li
Dil: İngilis dili
Ölkə: Flag of the United States.svg ABŞ
İstehsalçı qurum: The Cannon Group
Vaxt: 97 dəqiqə
İl: 1989
Büdcəsi: $1.5 milyon[1]
Gəliri: $14,697,005[2]
IMDb səhifəsi

Kikboksçu (ing. Kickboxer) - Jan-Klod Van Dammın məşhur filmlərindən biridir. Filmdə səhvən göstərilmişdir ki, Tanq Po öz rolunu oynayır. Əslində isə Tanq Po rolunu canlandıran Van Dammın uşaqlıq dostu Mişel Kissidir.

Məzmun[redaktə | əsas redaktə]

Kikboks üzrə çempion Erik Sloan Tailandda keçiriləcək turnirə hazırlaşır. Onun məqsədi turnirdə Tanq Po üzərində qələbə qazanaraq Tailandda çempion olmaqdır. Erik Slounun valideynləri boşanmışdır. Erik atasının yanında, kiçik qardaşı Kurt isə anasının yanında böyümüşdür. Kurt Erikin yanında köməkçi olaraq onunla birlikdə Tailanda yola düşür. Döyüşdən əvvəl Kurt qardaşının rəqibi olacaq Tanq Ponun divara dayanmadan çoxlu zərbə endirməsini görərək qardaşını fikrindən daşındırmaq istəyir, amma buna nail ola bilmir. Döyüşdə Kurt Erikin məğlub olacağını görərək döyüş meydanına dəsmal atır. Amma Tanq Po onu kənara tullayaraq Erikin onurğa sütununu sındırır. Bu zaman Kurt müqavimət göstərmək istəsə də, Tanq Po ilə bacara bilmir. Kurtun qardaşını xəstəxananın yerinə küçəyə qoyurlar. Teylor adlı keçmiş qaradərili hərbçi onun qardaşının xəstəxanaya getməsin kömək edir. Kurt xəstəxanada qardaşının gəzə bilməyəcəyini öyrənir. Bir müddət sonra Teylor Kurtla görüşərək onu Ziyan adlı keçmiş kikboks ustasının yanına aparır. Kurt Ziyanla razılaşdıqdan sonra çətin məşqlərə başlayır. Kurt məşqlərdə çətinliklər çəksə də, bir müddət sonra qardaşının intiqamını düşünərək müvəffəqiyyət qazanar. Kurt hazırlaşdıqdan sonra turnirə qatılaraq, rəqibini məğlub edir. Bu zaman Kurt Tanq Ponun menecerlərindən olan Freddi Liyə, onun Tanq Po ilə döyüşmək istədiyini bildirir. Freddi Li onunla razılaşır.

Bir müddət sonra Tanq Ponun əməkdaşları xəstəxanadan yenicə qayıtmış Eriki oğurlayır. Baş menecer Freddi Li qardaşının sağ qalması üçün ondan turnirdə məğlub olmasını tələb edir. Kurt isə onunla razılaşmağa məcbur olur. Turnir başlanan zaman Kurt Maylinin Tanq Po tərəfindən oğurlanılaraq, onun yanında bir müddət qaldığını öyrənər və bundan daha da qəzəblənir. Bu zaman onun qardaşı Ziyan və Teylor tərəfindən xilas olunur. Kurt qardaşını müşahidə edən zaman ruhlanaraq döyüşün sonunda Tanq Po üzərində qələbə qazanır və Freddi Liyə təpiklə zərbə endirir. Bu zaman ətrafdakılar onu alqışlayırlar.

İstinadlar[redaktə | əsas redaktə]

  1. "Kickboxer (1989) - Box office / business". Internet Movie Database. Amazon.com. http://www.imdb.com/title/tt0097659/business. İstifadə tarixi: September 24, 2013.
  2. "Kickboxer (1989)". Box Office Mojo. Internet Movie Database. http://www.boxofficemojo.com/movies/?id=kickboxer.htm. İstifadə tarixi: September 24, 2013.

Xarici keçidlər[redaktə | əsas redaktə]