Joy Division

Vikipediya, açıq ensiklopediya
Jump to navigation Jump to search
Joy Division
Janr Post-punk
Fəaliyyət
illəri
1976 - 1980-cı illər arası
Ölkə Flag of England.svg İngiltərə
Şəhər Salford
Digər adı Warsaw
Leybl Factory Records
Heyət Ian Curtis
Bernard Sumner
Peter Hook
Stephen Morris
Əlaqəli
layihələr
New Order
VikiAnbarda Commons-logo.svg audio, foto və videofayllar

Joy Division 1976-cı ildə Salford şəhərində yaradılan ingilis rock qrupudur. İlk əvvəl Warsaw adlandırılan bu qrup ifaçı Ian Curtis, gitarist Bernard Sumner, bassist Peter Hook və barabançı Stephen Morris tərəfindən təşkil olunmuşdur.

Uşaqlıq dostları Sumner və Hook tərəfindən Sex Pistols konsertindən sonra yaradılan Joy Division qrupu öz punk kökünü aşıb post-punk hərəkatının aparıcılarından oldu. Onların hazırladığı birinci çıxış EP albumu An Ideal for Living Mançester televiziyasının və şəxsən Tony Wilson-un diqqətini çəkdi. Onların seçdiyi alman adı qrupun siyasi düşüncələri haqqında spekülyasiyalara və tənqidlərə yol açdı və bu qrupun adını dəyişməsindən sonra da dəyişmədi. Joy Division-ın debüt albumu 1979-cu ildə Wilson-un müstəqil leybl şirkəti Factory Records da çıxarıldı. Martin Hannett-in köməyi ilə bu album Britaniya musiqi mətbuatında ciddi uğur əldə etdi.

Bu uğurlara baxmayaraq, Curtis ağır depressiyadan, epilepsiya və boşanma kimi şəxsi problemlərdən əziyyət çəkirdi. Xüsusi olaraq o canlı ifa zamanı əziyyət çəkirdi və sudurğa tuturdu. 1980-ci ilin mayında, qrupun Amerika qastrolu zamanı Curtis 23 yaşında intihar etdi. Bu hadisədən 2 ay sonra qrupun yeni albumu Closer çıxarıldı və bu albumdakı Love Will Tear Us Apart sinqlı qrupun musiqi chartlarındakı ən uğurlu mahnısı oldu. Ian Curtis-in ölümündən sonra qrup üzvləri New Order adında yeni bir qrup qurub ciddi və kommersial uğur əldə etdilər. Bu gün Joy Division 1970-ci illərin ən uğurlu musiqi qruplarından hesab olunur.

Tarixi[redaktə | əsas redaktə]

Yaranması[redaktə | əsas redaktə]

Sumner və Hook 1976-cı ilin iyulundakı Sex Pistols konsertindən ilhamlanmışdı

1976-cı il iyulun 20-si uşaqlıq dostları Hook və Sumner ayrı-ayrılıqda Mançester Azad Ticarət zalındakı Sex Pistols konsertinə gəlmişdi.Sabahısı gün Hook anasından özünün ilk bass gitarını almaq üçün 35$ pul aldı.[1] Sumner daha sonra bu haqda Sex Pistols qrupunun pop ulduzu olub,hər hansısa ibadət olunacaq ilah mifini dağıtdığını hiss etdiyini dedi.Həmin çıxışdan ilhamlanan Sumner və Hook konsertə qatılan daha bir dostu Terry Mason-la yeni qrup qurdu.Sumner gitar, Mason isə baraban dəsti aldı.Onlar öz məktəb yoldaşı Martin Gresty ni vokalçı olaraq dəvət etsələr də, Martin yerli zavodların birində iş tapdığına görə bu təklifi qəbul etmədi.Mançesterdəki Virgin Records mağazasında bu haqda elan yerləşdirildi.Onları əvvəlki konsertlərdən də tanıyan Ian Curtis bu elana cavab verdi.

Buzzcocks qrupunun meneceri Richard Boon və solisti Pete Shelley yeni yaradılmış qrupa "Stiff Kittens" adının qoyulmasını təklif etdilər lakin, qrup öz ilk konsertindən sonra Devid Bouinin "Warszawa" adlı mahnısına istinad olaraq qrupa "Warsaw" adını qoydu.

İstinadlar[redaktə | əsas redaktə]