Kürdüvan
| Kənd
Kürdüvan
 Xəritəni aç/bağla
|
Kürdüvan — Azərbaycan Respublikasının İsmayıllı rayonunun inzibati ərazi vahidində kənd.
Basqal qəsəbəsi yaxınlığında kənd. Rayon mərkəzindən təqribən 30 km aralıda yerləşir. Kəndin Cənub Şərqində şəhər xarabalığı aşkar edilmişdir. Geniş sahəni tutan xarabalıqda daş və kərpicdən tikilmiş müxtəlif bina qalıqları var. Buradan müxtəlif əşyalar tapılmışdır. Xarabalıqdan bir qədər aralı qala divarları, habelə son orta əsrlərə aid müxtəlif binaların qalıqları aşkar olunmuşdur. Xarabalığın Cənub Qərbində Basqal çayının yuması nəticəsində əmələ gəlmiş yarğanda 3-4 metr qalınlığında antik dövrə aid mədəni təbəqə və qəbir abidələri aşkar edilmişdir. Oradan da müxtəlif əşyalar tapılmışdır. Tapıntılardan məlum olur ki, Kürdüvan 1 əsrdən son orta əsrlərə qədər yaşayış mövcud olmuşdur.[1]
Əhalisi[redaktə | əsas redaktə]
Əhalisi 264 nəfərdir ki onunda 133 nəfəri kişi, 131 nəfəri qadındır.Əhalisi kənd təsərrüfatı və əkinçilik ilə məşğul olur.
