Kakiçi Mitsukuri

Vikipediya, azad ensiklopediya
Jump to navigation Jump to search
Kakiçi Mitsukuri
yap. 箕作佳吉
Kakichi Mitsukuri (1857-1909).jpg
Doğum tarixi
Doğum yeri
Vəfat tarixi (52 yaşında)
Vətəndaşlığı
Təhsili
Fəaliyyəti zooloq, dəniz bioloqu
Vikianbarın loqosu Vikianbarda əlaqəli mediafayllar

Kakiçi Mitsukuri (箕作 佳吉, Mitsukuri Kakiçi?, 15 yanvar 1857, Edo – 16 sentyabr 1909)Yaponiya zooloqu.

Həyatı[redaktə | mənbəni redaktə et]

Kakiçi Mitsukuri 1857-ci ildə Yaponiyanın Edo şəhərində doğulmuşdur.[1] O, Tsuyama klanının xidmətçisi olan Şuheyin üçüncü oğlu idi.[2] KeyoTokio universitetlərinin sələfləri olan təhsil müəssisələrində oxumuşdur.[1] 1873-cü ildə ABŞ-a gedərək Yel Universitetinə daxil olmuş və 1879-cu ildə universitetin fəlsəfə doktoru dərəcəsini almışdır.[3] Daha sonra İngiltərənin Kembric Universitetində təhsil almışdır.[2]

Yaponiyaya qayıtdıqdan sonra 1881-ci ildə Tokio Universitetinin zoologiya üzrə ilk yapon professoru olmuşdur.[1][2] 1883-cü ildə Con Hopkins Universitetinin fəlsəfə doktoru dərəcəsini almışdır.[3] 1901–07-ci illərdə universitetin fizika fakültəsinin dekanı vəzifəsini tutmuşdur.[2] O, Yaponiya Elmlər Akademiyasının üzvü olmuş, Dəniz Məhsulları Bürosu və Dəniz Tədqiqatı İnstitutu təşkilatlarını qurmuşdur.[2]

Elmi töhfələri[redaktə | mənbəni redaktə et]

Mitsukuri taksonomiyaembriologiya sahələrində araşdırmalar aparmış, Yaponiyada bu sahələrin qabaqcılı olmuşdur.[1] O, Kanaqava prefekturasının Misaki şəhərində Tokio Universitetinin Misaki Dəniz Biologiyası Stansiyasının yaradılmasına kömək etmişdir.[1] Biologiya təhsilinin inkişafında da töhfələr vermişdir.[1]

Elmi adı Laphria mitsukurii olan bir milçək növü Mitsukurinin şərəfinə adlandırılmışdır.[3] Elmi töhfələrinə görə "Müqəddəs məbəd" ordeni ilə təltif edilmişdir.[3]

İstinadlar[redaktə | mənbəni redaktə et]

  1. 1 2 3 4 5 6 Kodansha Encyclopedia of Japan
  2. 1 2 3 4 5 The Japan Biographical Encyclopedia & Who's Who
  3. 1 2 3 4 "Kakichi Mitsukuri" (PDF). Fly Times (ingiliscə) (60): 38. aprel 2018. 2021-02-09 tarixində arxivləşdirilib (PDF). İstifadə tarixi: 15 oktyabr 2022.

Ədəbiyyat[redaktə | mənbəni redaktə et]