Kanti Əbdürəhmanov
| Kanti Əbdürəhmanov | |
|---|---|
| Doğum tarixi | 1916 |
| Doğum yeri | |
| Vəfat tarixi | 28 mart 2000 |
| Vəfat yeri | |
| Fəaliyyəti | hərbi qulluqçu |
Kanti Əbdürəhmanov — Sovet Ordusunun çavuşu, Böyük Vətən müharibəsinin iştirakçısı, Rusiya Federasiyasının Qəhrəmanı (1996).
Bioqrafiya
[redaktə | mənbəni redaktə et]1916-cı ildə Şali kəndində (digər mənbələrə görə Arqun şəhərində, indiki Çeçenistan) anadan olmuşdur. Erkən yaşlarında valideynlərini itirir. Əvvəlcə rəncbər, sonra kolxozda işləyir. 1941-ci ilin sentyabrında Abdurəhmanov könüllü olaraq Fəhlə və Kəndli Qırmızı Ordusunda xidmətə gedir. 1942-ci ilin iyununda Daşkənddəki kiçik artilleriya komandirləri məktəbini bitir. Orta Asiya Hərbi Dairəsində xidmət edir, sonra taqım komandirinin köməkçisi olur. 1943-cü ilin oktyabrından Böyük Vətən müharibəsi cəbhələrində: Nevel, Qorodok və Vitebsk şəhərlərinin azad edilməsində, Belarus və Baltikyanı əməliyyatlarda, alman qoşunlarının Kurland qrupunun məğlub edilməsində iştirak etmişdir. Döyüşlərdə dəfələrlə yaralanmışdır.
1943-cü ilin dekabrında Vitebskin qərbindəki hücum döyüşlərindən birində, sovet piyadaları böyük bir alman atəşi altında yatarkən, Əbdürəhmanov hesablanmış şəkildə silahını birbaşa atəş nöqtəsinə tuşlayır və bir neçə dəqiq atışla bunkeri məhv edir. Onun hərəkətləri düşmən xəttini ələ keçirməyə imkan verir. 1944-cü ilin iyununda, Qərbi Dvinanı keçərkən bənzər bir vəziyyətdə, Əbdürəhmanov bu şücaətini təkrarlayır. Eyni zamanda, qərb sahillərinə keçən ilk silahlılardan biri olur. Sovet qoşunlarının keçməsinə mane olan bir neçə düşmən atəş nöqtəsini məhv edir. Müharibə zamanı bir neçə alman tankını da məhv etdiyi məlumdur. 3-cü və 2-ci dərəcəli Şöhrət ordeni ilə təltif edilir. 1-ci dərəcəli Şöhrət Ordeninə namizəd göstərilie, amma mükafatı almır[1][2].
1946-cı ildə gizir rütbəsi ilə tərxis edilir və bir çeçen olaraq Orta Asiyaya sürgünə göndərilir. Qırğızıstan SSR-də yaşayır, 1967-ci ildə Çeçenistana qayıdır. Sürücü, sonra kombaynçı, Pişkemaş zavodunda fəhlə, qazma kəşfiyyat partiyasının ustası işləyir. Təqaüdçü olduqdan sonra Arqun şəhərində yaşayır.
28 mart 2000-ci ildə dünyasını dəyişir.
Mükafatlar
[redaktə | mənbəni redaktə et]Rusiya Federasiyası Prezidentinin 16 may 1996-cı il tarixli fərmanı ilə "1941–1945-ci illər Böyük Vətən Müharibəsində nasist işğalçılarına qarşı mübarizədə göstərdiyi şücaət və qəhrəmanlığa görə" gizir Kanti Əbdürəhmanova Rusiya Federasiyasının Qəhrəmanı adı verilir. O, həmçinin II və III dərəcəli Şöhrət Ordenləri və bir sıra medallarla təltif edilmişdir[1][3].
İstinadlar
[redaktə | mənbəni redaktə et]- ↑ 1 2 "Абдурахманов Канти". www.warheroes.ru. 2012-02-20 tarixində arxivləşdirilib. İstifadə tarixi: 2019-05-08.
- ↑ "Герой России Абдурахманов Канти". ИА Чеченинфо (rus). 2019-02-01 tarixində orijinalından arxivləşdirilib. İstifadə tarixi: 2019-05-08.
- ↑ "Герой из Аргуна Канти Абдурахманов | ИА Чечня Сегодня". chechnyatoday.com. 2019-05-08 tarixində arxivləşdirilib. İstifadə tarixi: 2019-05-08.