Kapital Bank
 | Bu məqalədə yalnız ilkin və ya onunla əlaqəli mənbələrdən istifadə olunur. Məlumatlar müstəqil ikinci mənbələrə əsaslanmalıdır, əks halda məqalənin neytrallığı və ya əhəmiyyəti ilə bağlı şübhələr yarana, bunun nəticəsində də silinə bilər. Məqaləyə etibarlı istinad və mənbələr əlavə etməklə onu təkmilləşdirə bilərsiniz. |
 | Bu səhifənin neytrallığı şübhə doğurur. Məqalədə tərəf tutma və ya pisləmək məqsədi daşıyan və doğruluğu sübut edilməyən fikirlər olduğu iddia edilir. Xahiş olunur bu məsələ ilə əlaqədar müzakirələrdə iştirak edəsiniz. |
| Kapital Bank | |
|---|---|
 | |
| Ümumi məlumatlar | |
| Tipi | Açıq Səhmdar Cəmiyyət |
| Sənaye | Bank sektoru |
| Məhsulları | Gündəlik tələbat krediti, Təcili pul krediti, BirKart, BirBank |
| Təsis tarixi | Rusiya Əmanət Bankının kassası: 24 iyul 1874 |
| Baş qərargahın yeri | |
| Struktur | |
| İşçi sayı | 2700-dən çox |
| Rəhbərlik | |
| Rəhbərlik |
Müşahidə Şurasının sədri Cəlal Qasımov İdarə Heyətinin sədri Rövşən Allahverdiyev |
| kapitalbank.az | |
 Vikianbarda əlaqəli mediafayllar | |
Kapital Bank — Azərbaycanda fəaliyyət göstərən kommersiya bankı.
Tarixçə[redaktə | mənbəni redaktə et]
1874-cü ilin 24 iyulunda Bakıda əmanət kassası yaradılıb. İlk əmanət kassaları Rusiya Dövlət Bankının Bakı şəhər şöbəsinin tərkibində fəaliyyət göstərirdi. Şöbənin icraçı rəhbəri İvan Samsonoviç Xandojevski adlı şəxs idi. Uçot Komitəsinin tərkibində isə Hacı Zeynalabdin Tağıyev, Hacı Baba Haşımov, Hacı Şıxəli Dadaşov kimi tanınmış azərbaycanlılar da təmsil olunurdu.
Azərbaycan Demokratik Respublikası elan edildikdən sonra 30 sentyabr 1919-cu ildə Azərbaycanda Dövlət Bankının açılışı oldu, 1 dekabr 1919-cu ildə əmanət kassalarının fəaliyyəti də bərpa edildi.
1920-ci ilin 28 aprelində ADR-in süqutunun ardınca Azərbaycan İnqilab Komitəsinin 9 iyun 1920-ci il tarixli qərarı ilə Rusiya Dövlət Bankının Bakı şöbəsi ləğv edildi və bütün bank-kredit təşkilatları kimi bu qurum da yeni yaradılmış Xalq Bankına birləşdirildi. 1924-cü ilin yanvarında Azərbaycanda SSRİ Dövlət Bankının tərkibində fəaliyyət göstərən dövlət əmək əmanət kassaları yaradıldı. 1988-ci ildə həmin kassalar SSRİ Əmanət Bankının Azərbaycan Respublikası Bankına çevrildi. 11 fevral 1992-ci ildə bu bankın bazasında Azərbaycan Respublikasının Əmanət Bankı formalaşdırıldı. Azərbaycan Respublikası Nazirlər Kabinetinin 21 fevral 2000-ci il tarixli 40 "s" nömrəli sərəncamı ilə Əmanət Bankının, Azərbaycan Aqrar-Sənaye Bankının və Azərbaycan Sənaye-İnvestisiya Bankının birləşdirilməsi nəticəsində Azərbaycan Birləşmiş Universal Səhmdar Bankı (BUSBank) yaradıldı.
29 dekabr 2004-cü il tarixində Bank səhmdarlarının növbədənkənar iclasında BUSBank adının dəyişdirilməsi və Banka "Kapital Bank" adının verilməsi qərara alındı.
Xidmət şəbəkəsi[redaktə | mənbəni redaktə et]
Hazırda "Kapital Bank" ASC-nin səhmlərinin 99,87%-i "Paşa Holdinq"-ə məxsusdur. Bankın nizamnamə kapitalı 185 mln AZN-dir. 113 filialı və 24 şöbəsi ilə Kapital Bank Azərbaycanda ən böyük xidmət şəbəkəsinə malik maliyyə qurumudur.[1] 3 milyondan çox aktiv ödəniş kartlarının sayı ilə də Bank Azərbaycanda liderdir.[2]
Universal bank olan Kapital Bank həm fiziki, həm də korporativ müştərilərə xidmət göstərir. Bank tərəfindən 3 milyondan çox fiziki və 22 mindən çox korporativ müştəriyə xidmət göstərilir. Eyni zamanda, Kapital Bank dövlətin həyata keçirdiyi bir sıra sosial proqramlarda da yaxından iştirak edir.
Reytinqi[redaktə | mənbəni redaktə et]
2019-cu ildə Kapital Banka beynəlxalq reytinq agentlikləri Standard & Poor's və Moody’s tərəfindən reytinqlar verilmişdir. Standard & Poor's agentliyi Kapital Banka uzunmüddətli "BB-/B" reytinqini vermiş, Bankın reytinq proqnozunu "pozitiv" kimi müəyyənləşdirmişdir. Qısamüddətli reytinq "BB-/B" olmuşdur. Moody’s İnvestors Service isə Kapital Bankın xarici valyutada olan depozitlərinin uzunmüddətli reytinqini "Ba3" səviyyəsində təyin etmişdir. Bütün reytinqlərə "sabit" proqnozu verilmişdir.[3]
Müşahidə Şurası[redaktə | mənbəni redaktə et]
- Müşahidə Şurasının sədri — Cəlal Ələkbər oğlu Qasımov
- Müşahidə Şurasının üzvü — Fərid Usad oğlu Məmmədov
- Müşahidə Şurasının üzvü — Rauf Yusif oğlu Hacıyev
- Müşahidə Şurasının üzvü — Kəmalə Həsən qızı Nuriyeva
- Müşahidə Şurasının üzvü — Oqtay Arif oğlu Həsənov
Audit Komitəsi[redaktə | mənbəni redaktə et]
- Audit komitəsinin sədri — Pərvin Şirəli oğlu Əhədzadə
- Audit komitəsinin üzvü — Murad Faiq oğlu Əhmədov
- Audit komitəsinin üzvü — Cəmil Vahid oğlu Məmmədov[4]
Rəhbərlik[redaktə | mənbəni redaktə et]
- İdarə Heyətinin Sədri —Allahverdiyev Rövşən Şamil oğlu (10 iyun 2013-cü ildən) [5]
- İdarə Heyəti sədrinin birinci müavini — Hüseynov Fərid Arif oğlu
- İdarə Heyəti sədrinin müavini, Baş İnformasiya İnzibatçısı — Zeynalov Nahid Vidadi oğlu
- İdarə Heyəti sədrinin müavini — Məmmədov Yaşar Zeynalabdı oğlu
- İdarə Heyətinin üzvü, Baş Maliyyə İnzibatçısı — Məmmədov Emin Ağaverdi oğlu[6]
İstinadlar[redaktə | mənbəni redaktə et]
 | Bu məqalədəki istinadlar müvafiq istinad şablonları ilə göstərilməlidir. |
- ↑ "Kapital Bank şəhid əməkdaşının adını daşıyan filialının açılışını etdi". Kapital Bank (az.). İstifadə tarixi: 2022-11-17.
- ↑ "Arxivlənmiş surət". 2020-04-18 tarixində orijinalından arxivləşdirilib. İstifadə tarixi: 2019-11-26.
- ↑ https://kapitalbank.az/about-bank/ratings[ölü keçid]
- ↑ https://kapitalbank.az/about-bank/corporate-governance[ölü keçid]
- ↑ "Rəhbərlik" Arxivləşdirilib 2022-04-29 at the Wayback Machine. Kapitalbank.az
- ↑ https://kapitalbank.az/about-bank/management[ölü keçid]
Həmçinin bax[redaktə | mənbəni redaktə et]
Xarici keçidlər[redaktə | mənbəni redaktə et]
| Foto, video və audio |
|---|
