Katsumaro Akamatsu
Katsumaro Akamatsu | |
---|---|
yap. 赤松克麿 | |
| |
Doğum tarixi | 4 dekabr 1894 |
Doğum yeri | |
Vəfat tarixi | 13 dekabr 1955 (61 yaşında) |
Həyat yoldaşı |
|
Təhsili | |
Fəaliyyəti | siyasətçi |
![]() |
Katsumaro Akamatsu (赤松 克麿, Akamatsu Katsumaro?, 4 dekabr 1894, Yamaquçi prefekturası – 13 dekabr 1955) – Yaponiya proletar nasionalisti, siyasi lider.
İlk illəri
[redaktə | mənbəni redaktə et]Katsumaro Akamatsu 1894-cü ildə Yaponiyanın Yamaquçi prefekturasında doğulmuş,[1] 1919-cu ildə Tokio Universitetindən məzun olmuşdur.[2]
Fəaliyyəti
[redaktə | mənbəni redaktə et]Akamatsu fəaliyyətinə jurnalist kimi başlamışdır. "Minshu Shimbun" qəzetinin redaktoru işləmişdir.[1] Daha sonra 1922-ci ildə Yaponiya Kommunist Partiyasına qatılmış,[3] Yaponiya Əmək Partiyasında və 1923-cü ildə qurduğu Sosialist Xalq Partiyasında fəaliyyət göstərməyə başlamışdır. 1931-ci ildə baş verən Mancuriya insidentindən sonra dövlət sosializmini müdafiə edən Sosialist Xalq Partiyasından ayrılmış, nasionalizmə meyil etmişdir.[1] 1932-ci ildə Yaponiya Dövlətinin Sosialist Partiyasını qurmuşdur.[3]
Ənənəvi vətənpərvərliyə keçən Akamatsu 1933-cü ildə Kokumin Kyokay (azərb. Milliyyətçi Assosiasiya) təşkilatını yaradaraq imperatorun ilahiliyini müdafiə etməyə və milliyyətçiləri birbaşa hərəkətə keçməyə səsləmişdir.[1] 1937-ci ildə Yaponiya parlamentinə seçilmiş[2] və Yaponiya İslahat Partiyasının rəhbəri olmuşdur.[1]
1940-cı ildən İkinci Dünya müharibəsi]nin sonuna kimi İmperator Hakimiyyətinə Köməkli Assosiasiyasının planlaşdırma bölməsində işləmişdir.[2] Çində xidmət göstərmiş, Yaponiya militarizmini dəstəkləmişdir.[3] Müharibədən sonra siyasətdə iştirakına qadağa qoyulmuşdur.[1] Kiçik bacısı Tsuneko Akamatsu Yaponiya parlamentinin Müşavirlər palatasında fəaliyyət göstərmişdir.[2]
Əsərləri
[redaktə | mənbəni redaktə et]"Yaponiyada həmkarlar ittifaqı hərəkatının inkişaf tarixi" və "Yaponiya sosial hərəkatın tarixi" əsərlərinin müəllifi olmuşdur.[2]
İstinadlar
[redaktə | mənbəni redaktə et]Ədəbiyyat
[redaktə | mənbəni redaktə et]- Huffman, James. Modern Japan: An Encyclopedia of History, Culture, and Nationalism (ingilis). Nyu-York: Routledge. 2013. 7. ISBN 978-0-815-32525-3. İstifadə tarixi: 29 iyul 2024.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 18. İstifadə tarixi: 29iyul 2024.
- Frédéric, Louis. Japan Encyclopedia (ingiliscə). Harvard University Press. 2002. səh. 17. ISBN 9780674017535. İstifadə tarixi: 29 iyul 2024.