Kobus maqnoliyası

Vikipediya, açıq ensiklopediya
Jump to navigation Jump to search
Kobus maqnoliyası
Kobus maqnoliyası
Elmi təsnifat
Aləmi: Bitkilər
Şöbə: Örtülütoxumlular
Fəsilə: Maqnoliyakimilər
Cins: Maqnoliya cinsi
Növ: Magnolia kobus DC
Elmi adı
Magnolia kobus DC

Təbii yayılması:[redaktə | əsas redaktə]

Vətəni Yaponiya və Koreyadır.

Botaniki təsviri:[redaktə | əsas redaktə]

Ən iri və soyuğadavamlı maqnoliya növlərindən biridir. Vətənində hündürlüyü 25-30 m-ə, mədəni şəraitdə hündürlüyü 10 m-ə çatan, yarpağı tökülən ağacdır. Təbii şəraitdə çayların ətrafında, bəzən bataqlıq sahələrdə digər yarpağı tökülən ağaclarla birgə bitir. Cavanlıqda çətiri ensiz-piramidal, sonra şarşəkilli olur. Çiçəkləri ağ rəngli, diametri 10 sm-ə qədər, xoş ətirlidir. Yazda yarpaqların açılmasına qədər çiçəkləyir. Tez böyüyür. Yarpaqları enli, yumurtaşəkilli, uzunluğu 10-12 sm, eni 4-6 sm, üst tərəfi parlaq yaşıl, alt tərəfi açıq yaşıl rənglidir. Saplaqların uzunluğu 2,5 sm-dir. Meyvələri qırmızı rəngli, uzunluğu 12 sm-ə qədər, qozaşəkillidir.

Ekologiyası:[redaktə | əsas redaktə]

İşıqsevəndir, nəmişli, yaxşı drenajlı torpaq tələb edir. Çox soyuq illərdə çiçək tumurcuqları donur.

Azərbaycanda yayılması:[redaktə | əsas redaktə]

Respublikamızda park və bağlarda rast gəlinir.

İstifadəsi:[redaktə | əsas redaktə]

Bu növ şəhərlərin yaşıllaşdırılması, parklarda, bağlarda əkilməsi üçün məsləhət görülür.

Mənbə[redaktə | əsas redaktə]

Azərbaycan Dendroflorası III cild-Bakı:"Elm",2016,400 səh. T.S.Məmmədov


Məlumat mənbələri[redaktə | əsas redaktə]

  • Tofiq Məmmədov, Elman İsgəndər, Tariyel Talıbov. "Azərbaycanın Nadir Ağac və kol bitkiləri", Bakı: "Elm", 2014, 380 səh.

İstinad[redaktə | əsas redaktə]

  • Флoрa Aзeрбaйджaнa. т.5. 1954; Флoрa Kaвkaзa. т.5. 1954;
  • Azərbaycanın ağac və kolları. I cild. 1961;
  • Azərbaycan flora-sının konspekti. I-III cildlər. 2005; 2006; 2008;
  • Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri", Bakı: "Elm", 2014, 380 səh