Koiçi Fucii
| Koiçi Fucii | |
|---|---|
 | |
| Şəxsi məlumatlar | |
| Doğum tarixi | 24 sentyabr 1858 |
| Doğum yeri | |
| Vəfat tarixi | 9 iyul 1926 (67 yaşında) |
| Təhsili |
|
| Hərbi fəaliyyəti | |
| Rütbəsi | Admiral |
| Döyüşlər | |
| Təltifləri |
  |
Koiçi Fucii (藤井 較一, Fucii Koiçi?, 24 sentyabr 1858, Okayama – 9 iyul 1926) – Yaponiya İmperiya Donanmasının admiralı. Rus-yapon müharibəsi zamanı İkinci Donanma heyətinə başçılıq etmiş və növbəti illərdə Yaponiya İmperiya Donanmasının aparıcı üzvlərindən biri olmuşdur.
Həyatı və karyerası[redaktə | mənbəni redaktə et]
Koiçi Fucii 1858-ci ildə Yaponiyanın Okayama şəhərində doğulmuş, Yaponiya İmperiya Donanmasının Hərbi Akademiyasından yeddinci yeri tutaraq məzun olmuşdur. Donanmanın baş qərargahında müxtəlif vəzifələri tutmuş, Rusiya, Siam və İtaliyaya göndərilmiş nümayəndəliklərdə iştirak etmişdir.[1]
Birinci Çin-yapon müharibəsi zamanı donanmanın baş qərargahında, daha sonra "Soko" və "Oşima" kanonerlərində, eləcə də, "Musaşi" krayserində xidmət göstərmişdir. 1899-cu ildə kapitan rütbəsinə yüksəlmiş və bir krayserin komandirliyi ona həvalə olunmuşdur. O, Tayvandakı general-qubernatorluq qərargahında, Yaponiyanın Berlindəki səfirliyində və yenə donanmanın baş qərargahında işləmişdir.[1]
Rus-yapon müharibəsinin birinci ilində "Azuma" krayserinə komandanlıq etmiş və Koreya boğazı döyüşündə iştirak etmişdir. 1905-ci ilin yanvarında İkinci Donanmanın heyət başçısı təyin olunmuş, həmin ilin noyabr ayında kontr-admiral rütbəsinə yüksəlmişdir. 1909-cu ildə vitse-admiral, 1916-cı ildə isə admiral olmuşdur. 1915-ci ildə Birinci Donanmaya komandanlıq etmişdir. Karyerasının son illərində Fucii Yokosuka Donanma Rayonunun komandanı, 1916-cı ildə isə donanma müşaviri olmuşdur. 1920-ci ildə təqaüdə çıxmış, 1926-cı ildə ölmüşdür.[1]
İstinadlar[redaktə | mənbəni redaktə et]
Ədəbiyyat[redaktə | mənbəni redaktə et]
- Kowner, Rotem. Historical Dictionary of the Russo–Japanese War (ingiliscə). The Scarecrow Press. 2006. 125. ISBN 978-0-8108-4927-3. İstifadə tarixi: 6 may 2023.
Xarici keçidlər[redaktə | mənbəni redaktə et]
- Nishida, Hiroshi. "Yaponiya İmperiya Donanmasının şəxsləri". Yaponiya İmperiya Donanması. İstifadə tarixi: 6 may 2023.
Lüğətlər və ensiklopediyalar | |
|---|---|
| Şəcərə və nekropolistika | |
| Normativ yoxlama |
- 24 sentyabrda doğulanlar
- 1858-ci ildə doğulanlar
- 9 iyulda vəfat edənlər
- 1926-cı ildə vəfat edənlər
- 67 yaşında vəfat edənlər
- 1-ci dərəcəli "Doğan günəş" ordeni kavalerləri
- Əlifba sırasına görə hərbi xadimlər
- Rus-yapon müharibəsi iştirakçıları
- Yaponiya admiralları
- Yaponiya–Çin müharibəsi (1894–1895) iştirakçıları