Koimbralı İzabella

Vikipediya, azad ensiklopediya
Jump to navigation Jump to search
Koimbralı İzabella
Isabel de Coimbra.PNG
Portuqaliya kralının xanımı
6 may 1447 - 2 dekabr 1455
Sələfi Araqonlu Elyanora
Xələfi Kastiliyalı Yuanna
Şəxsi məlumatlar
Doğum tarixi 1 mart 1432
Doğum yeri
Vəfat tarixi 2 dekabr 1455 (23 yaşında)
Vəfat səbəbi zəhər[d]
Atası İnfant Pyotr
Anası Kataloniyalı İzabella
Həyat yoldaşı V Afonso
Uşaqları İnfanta Yuanna
II Con
Vikianbarın loqosu Vikianbarda əlaqəli mediafayllar

Koimbralı İzabella (port. Isabel de Coimbra) (1 mart 1432, Portuqaliya2 dekabr 1455) — Portuqaliya kralı V Afonsonun ilk xanımı, Portuqaliyanın kraliça-konsortu.

Həyatı[redaktə | mənbəni redaktə et]

İzabella 1432-ci ildə dünyaya gəldi. Atası Portuqaliya kralı I Conun oğlu İnfant Pyotr, anası isə Araqon kralı IV Pyotrun nəvəsi Kataloniyalı İzabelladır. Atası İnfant Pyotr azyaşlı kral V Afonsonun taxt naibi idi. Rəvayətə görə, eyni yaşda olan İzabella və kral V Afonso bir-birini çox sevirdi. Bu səbəblə 1445-ci ildə cütlük nişanlandı. Ancaq bu nişan kralla qohum olmaq istəyən ögey əmisi Braqanzalı Afonsonun etirazına səbəb oldu. Etirazlara baxmayaraq, cütlük 6 may 1447-ci ildə evləndi. Cütlüyün bu nigahdan 3 övladı dünyaya gəlsə də, ilk övladı 1 ay sonra vəfat etdi.

Ancaq çox keçmədən atası İnfant Pyotr saraydakı nüfuzunu itirdi. 1448-ci ildə Braqanzalı Afonso kral naibi elan edildi. Onun təhrikləriylə, İzabellanın atası müəmmalı şəkildə öldü və qardaşı Con sürgün edildi. Buna baxmayaraq, İzabella öz nüfuzunu qoruyub saxladı. Hətta qardaşının sürgündən dönüşünədək Koimbra hersoqluğunun idarəsini öz əlinə aldı.

Saraydakı nüfuzundan istifadə edərək 1454-cü ildə qardaşını sürgündən geri döndürdü və ertəsi il atasına bəraət qazandıraraq onun adına şərəfli cənazə mərasimi keçirdi. Ancaq çox keçmədən, İzabella, ehtimal ki, zəhərlənərək vəfat etdi.

Övladları[redaktə | mənbəni redaktə et]

Mənbə[redaktə | mənbəni redaktə et]

  • Anne Commire; Deborah Klezmer (2000). Women in World History: A Biographical Encyclopedia. Yorkin Publications. p. 702. ISBN 978-0-7876-4066-8

İstinadlar[redaktə | mənbəni redaktə et]