KonoSuba personajlarının siyahısı

"KonoSuba" Natsume Akatsuki tərəfindən yaradılmış və yazılmış komediya roman seriyası. Ranobe seriyası əsasında anime serialı da çəkilmişdir.

Əsas[redaktə | mənbəni redaktə et]

Kazuma Sato (佐藤和真, Satō Kazuma^?): Səsləndirən: Ryota Osaka (Drama CD), Cun Fukuşima (anime)^[1]^[2]; Baş qəhrəmandır. Orta məktəbdə bir dostu onun qəlbini qırdıqdan sonra oyunlara bağımlı olmuş 16 yaşlı oğlandır.^{R 5.2} Akut stres reaksiyasından öldükdən sonra paralel dünyaya göndərilir və onu ələ saldığına görə Akvanı da özü ilə aparır. Kazuma ən aşağı səviyyəli oyunçu — macəraçıdır. Lakin bu, ona müəyyən pul qarşılığından digər oyunçulardan müxtəlif bacarıqlar öyrənməyə imkan verir.^{R 1.2} Bunun sayəsində Kazuma oğurluq, oxatma, bədheybət müəyyənetmə və sehrbazlıq kimi sadə bacarıqlara yiyələnir.

Akva (アクア, Akua^?): Səsləndirən: Kaori Fukuhara (Drama CD), Sora Amamiya (anime)^[1]^[2]; İnsanları paralel dünyaya göndərməklə məşğul olan (Kazuma onu özü ilə aparana qədər) su ilahəsidir.^{R 1.P} Akva fəal və axmaq qızıdır, statusuna görə ehtiram görməyi sevir, qanı asanlıqla qaralır. Baş rahib və ilahə olduğundan iblislərə qarşı çox güclü və ölümsüzdür, ölmüş insanları dirildə və çirkli suyu toxunmaqla təmizləyə bilər. Akva bacarıq öyrənmək əvəzinə hiylə öyrənməyə üstünlük verir.

Mequmin (めぐみん^?): Səsləndirən: Maaya Uçida (Drama CD), Rie Takahaşi (anime)^[1]^[2]; Mequmin qara saçlara və qırmızı gözlərə malik sehrbazdır və bir az çuunibyo şəxsiyyətinə malikdir.^{R 5.5} Mequmin sadəcə bir sehr bilir: həddən artıq güclü olan partlayış törətmək. Bu sehrindən gündə ancaq bir dəfə istifadə edə bilir və günün qalan hissəsini dincəlməli olur. Mequmin başqa bacarıqlar öyrənməyi rədd edir.^{R 1.1}

Darkness (ダクネス, Dakunesu^?): Səsləndirən: Marina İnoe (Drama CD), Ay Kayano (anime)^[1]^[2]; Güclü hücuma və müdafiəyə malik səlibçidir, lakin bütün zərbələri həmişə yan keçir.^{R 1.2} Darkness mazoşist şəxsiyyətə malikdir: bədheybətlər tərəfindən əzilmək və alçaldıcı ərlə evlənmək arzusundadır. Buna baxmayaraq məsələ dostları olduqda ciddi olur. Daha sonra məlum olur ki, əsl adı Lalatina Dastiness Forddur (ダスティネス・フォード・ララティーナ, Dasutinesu Fōdo Raratīna^?) və Dastiness ailəsinin bir üzvüdür. Atasının arzularına qarşı çıxaraq səlibçi olubmuş.^{R 3.3}

Eris (エリス, Erisu^?): Səsləndirən: Ayaka Suva (anime); Bir döyüşdə öldükdən sonra Kazumanın axirət dünyasında qarşılaşdığı ilahədir. Eris mehriban və qəlbitəmiz ilahədir, lakin Akva həmişə ona qarşı sərt sözlər işlədir, çünki onu qısqanır. ^{R 2.1}

Viz (ウィズ, Wizu^?): Səsləndirən: Saori Hayami (Drama CD), Yui Horie (anime)^[1]^[2]; Şeytan kralın generallarından biri olmasına baxmayaraq güclü liç sehrbazıdır.^{LN 2.3} Viz mehriban şəxsiyyətə malikdir, güclərindən vətəndaşlara xidmət vermək və itmiş ruhlara axirət dünyasına yol göstərmək üçün istifadə edir.^{R 1.2} O, bir sehrbaz mağazası işlədir.^{R 4.1}

Verdiya (ベルディア, Berudia^?): Səsləndirən: Hiroki Yasumoto (anime); Dullahan və Şeytan kralın generallarından biridir. Mequmin məşq etmək məqsədilə onun qaldığı qalanı hər gün partlayış sehri ilə partlatdığından qəzəblənir və Mequminə meydan oxuyur. Suya qarşı həssasdır və Akvanın saflaşdırma sehri sayəsində məğlub olur.^{R 1}

Vanir (バニル, Baniru^?): Şeytan kralın generallarından biridir. Vizin sehr mağazasının növbəti sahibi olur.^{R 4.1}

Yunyun (ゆんゆん, Yun'yun^?): Səsləndirən: Kana Hanazawa (Drama CD),^[1] Aki Toyosaki (anime)^[3]; Mequminin keçmiş sinif yoldaşı və qırmızı iblislərin başçısının qızıdır. Çuunibyo şəxsiyyətinə malik həmkarlarından fərqli olaraq normal şəxsiyyətə malikdir. Yunyun güclü sehrbazdır, Mequminlə rəqabət etdiyini göstərərək əslində onunla dostlaşmaq istəyir. Spin-off romanlarından əsas personajlardan biridir.

Kris (クリス, Kurisu^?): Səsləndirən: Ayaka Suwa (anime); Darknessin dostu və oğrudur. Kazumaya oğurlama bacarığını öyrədir.

Kyoya Mitsuruqi (御剣響夜, Mitsurugi Kyōya^?): Səsləndirən: Kōsuke Toriumi (Drama CD), Takuya Eguchi (anime); Akva tərəfindən bu dünyaya göndərilmiş başqa bir şəxsdir. Bu dünyaya gələrkən ona Qram adlı qılınc verilmişdi, lakin Kazuma oğurlama bacarığı sayəsində qılıncı ondan oğurla bilir. Daha sonra Kazuma qılıncı pul qarşılığında satır.

Luna (ルナ, Runa^?): Səsləndirən: Sayuri Hara (anime); Aksel gildiya zalının rəsmi işçisidir.

Ruffian (荒らくれ者, Arakuremono^?): Səsləndirən: Tetsu Inada (anime); Ancaq animedə peyda olan personajdır. Kazumanın gildiya zalında söhbət etdiyi ilk şəxsdir.

↑ ¹ ² ³ ⁴ ⁵ ⁶ "KonoSuba Drama CD" (Japanese). Comic Toranoana. May 25, 2022 tarixində arxivləşdirilib. İstifadə tarixi: January 29, 2016.
↑ ¹ ² ³ ⁴ ⁵ "KonoSuba anime staff" (Japanese). KonoSuba.com. November 12, 2020 tarixində arxivləşdirilib. İstifadə tarixi: January 31, 2016.
↑ "KonoSuba Video Anime Casts Aki Toyosaki as Yunyun". Anime News Network. February 25, 2016. İstifadə tarixi: 22 iyul 2016.