KonoSuba

Vikipediya, açıq ensiklopediya
Jump to navigation Jump to search
KonoSuba
Kono Subarashii Sekai ni Shukufuku o! light novel volume 1 cover.jpg
1 oktyabr 2013-cü ildə buraxılmış ilk ranobe cildinin üzlüyü. Personajlar: Kazuma Sato (solda) və Akva (sağda).
この素晴らしい世界に祝福を!
(Kono Subarashii Sekai ni Shukufuku wo!)
Janr komediya, fentezi, isekay
Roman
Müəllif Citakukeybihey (Natsume Akatsuki)
Nəşriyyat Shōsetsuka ni Narō
Publikasiya tarixi 20 dekabr 201221 oktyabr 2013
Cild sayı 6
Ranobe
Müəllif Natsume Akatsuki
Rəssam Kurone Mişima
Nəşriyyat Kadokawa Shoten
Digər nəşriyyatlar
Məqsədli auditoriya kişilər
Nəşriyyat leyblı Kadokawa Sneaker Bunko
Publikasiya tarixi 1 oktyabr 2013 – hazırda
Cild sayı 15 (cild siyahısı)
Ranobe
Kono Subarashii Sekai ni Bakuen wo!
Müəllif Natsume Akatsuki
Rəssam Kurone Mişima
Nəşriyyat Kadokawa Shoten
Məqsədli auditoriya kişilər
Nəşriyyat leyblı Kadokawa Sneaker Bunko
Publikasiya tarixi 1 iyul 2014 – 1 iyun 2015
Cild sayı 3 (cild siyahısı)
Manqa
Yazıçı Natsume Akatsuki
Rəssam Masahito Vatari
Orijinal nəşriyyatı Fujumi Shobo
Tərcümələrin nəşriyyatları
Jurnal Monthly Dragon Age
Auditoriya şonen
Publikasiya tarixi 9 sentyabr 2014 – hazırda
Cild sayı 7 (cild siyahısı)
Anime serialı
Rejissor Takaomi Kanasaki
Prodüsser Rie Oqura
Ssenarist Makoto Uezu
Bəstəkar Masato Koda
Studiya Studio Deen
Digər lisenziatları Crunchyroll[1]
Kanal Tokyo MX, TVS, CTC, tvk, SUN, GBS, MTV, TVQ, BS11
Yayım tarixləri 14 yanvar 201616 mart 2017
Seriya sayı 20 + 2 OVA (seriya siyahısı)
Ranobe
Kono Kamen no Akuma ni Sōdan wo!
Müəllif Natsume Akatsuki
Rəssam Kurone Mişima
Nəşriyyat Kadokawa Shoten
Məqsədli auditoriya kişilər
Nəşriyyat leyblı Kadokawa Sneaker Bunko
Publikasiya tarixi 1 aprel 2016
Cild sayı 1 (cild siyahısı)
Manqa
Kono Subarashii Sekai ni Bakuen wo!
Yazıçı Natsume Akatsuki
Rəssam Kasumi Morino
Orijinal nəşriyyatı Kadokawa Shoten
Jurnal Monthly Comic Alive
Auditoriya şonen
Publikasiya tarixi 27 may 2016 – hazırda
Ranobe
Kono Subarashii Sekai ni Shukufuku o! Extra: Ano Orokamono ni mo Kyakkou wo!
Müəllif Hirukuma
Rəssam Uihime Haqure
Nəşriyyat Kadokawa Shoten
Məqsədli auditoriya kişilər
Nəşriyyat leyblı Kadokawa Sneaker Bunko
Publikasiya tarixi 1 avqust 2017 – hazırda
Cild sayı 2 (cild siyahısı)
Video oyun
Kono Subarashii Sekai ni Shukufuku o! -Kono Yokubukai Game ni Shinpan o!-
Hazırlayan(lar) 5pb.
Nəşr edən(lər) 5pb.
Ubisoft
Janr vizual roman
Platforma(lar) PlayStation Vita, Playstation 4
Buraxılış tarixi 7 sentyabr 2017[2]
Anime filmi
Kono Subarashii Sekai ni Shukufuku o! Kurenai Densetsu
Rejissor Takaomi Kanasaki
Ssenarist Makoto Uezu
Bəstəkar Masato Koda
Studiya J.C.Staff
İlk baxış 2019
Wikipe-tan face.svg  Anime və manqa portalı

KonoSuba: God's Blessing on this Wonderful World! (azərb. KonoSuba: Tanrının bu möhtəşəm dünyaya lütfü!‎), Yaponiyada tanınan adı ilə Kono Subarashii Sekai ni Shukufuku wo! (この素晴らしい世界に祝福を! Kono Subarashii Sekai ni Shukufuku wo!?, azərb. Bu möhtəşəm dünyaya xeyir-dua ver!‎) və ya qısaca KonoSuba — Natsume Akatsuki tərəfindən yaradılmış və yazılmış komediya roman seriyası. Roman seriyası Kazuma Sato adlı oğlanın öldükdən sonra fentezi dünyasına düşməsindən, bu dünyada bir ilahə, bir sehrbaz və bir səlibçi ilə ittifaq yaradıb bədheybətlərə qarşı döyüşməsindən bəhs edir. Əsər ilk öncə veb-roman şəklində 2012-ci ilin dekabrından 2013-cü ilin oktyabrına qədər Shōsetsuka ni Narō veb-roman saytında yayımlanmışdır. Veb-roman daha sonra Kurone Mişimanın rəssamlığı ilə ranobe şəklinə salınmış və 2013-cü ilin oktyabrında Kadokawa Shoten nəşriyyatının Kadokawa Sneaker Bunko imprinti altında nəşr olunmağa başlamışdır.

Masahito Vatanarinin rəssamlığı ilə hazırlanan manqa adaptasiyası Fujimi Shobo nəşriyyatının "Monthly Dragon Age" jurnalında 2014-cü ilin oktyabrından nəşr olunur. 2015-ci ilin martında HobiRecords tərəfindən Drama CD buraxılmışdır. Studio Deen tərəfindən istehsal olunmuş anime serialı adaptasiyası Yaponiyada 2016-cı ilin yanvarından martına kimi yayımlanmışdır. Anime serialının ikinci mövsümü anons edilmiş və 11 yanvar 2017-ci ildən yayımlanması planlaşdırılır.[3] "Kono Subarashii Sekai ni Bakuen wo!" adlı spin-off manqası 2014-cü ilin iyulundan nəşr olunur. 2019-cu ildə "Kono Subarashii Sekai ni Shukufuku o! Kurenai Densetsu" adlı anime filmi adaptasiyası buraxılacaq.

Həm ranobe, həm də manqa Yen Press tərəfindən Şimali Amerika üçün lisenziyalaşdırılmışdır.

Məzmun[redaktə | əsas redaktə]

Vaxtsız və utandırıcı şəklildə öldükdən sonra adi bir hikikomori oğlan olan Kazuma Sato axirət dünyasında Akva adlı ilahə tanış olur. Akva ona MMORPG elementlərinə malik paralel dünyada reinkarnasiya olmağı və bu dünyada macəralara çıxıb bədheybətlərə qarşı döyüşməyi təklif edir. Akva bildirir ki, paralel dünyaya getməzdən əvvəl istədiyi bir şeyi seçib özü ilə apara bilər. Akvanın bəzi hərəkətlərindən əsəbləşən Sato onu seçir və Akva heç istəmədən onunla Aksel şəhərinə getməyə məcbur olur. Lakin Kazuma Akvanın əslində yararsız ilahə olduğunu dərk edir və onu seçdiyinə peşman olur.R 1.P Şeytan kral məğlub edilmədiyi müddətdə axirət dünyasına qayıda bilməyən Akva Kazuma ilə ittifaq bağlayır. Tezliklə qruplarına daha iki nəfər qatılır: partlayışlar törətməyi çox sevən sehrbaz Mequmin və mazoşist səlibçi Darkness.R 1.2 Lakin qrupun üzvləri çox yararsız olduğundan Kazuma Şeytan kralı məğlub etmək əvəzinə rahat yaşamaq qərarına gəlir. Lakin gündəlik həyatda qarşılaşdığı təhlükələrə görə Kazuma və dostları düşmənlərə qarşı döyüşməyə məcbur olurlar.R 2.3

Dünya[redaktə | əsas redaktə]

Paralel dünyada istifadə olunan pul vahidi eris (ilahə Erisin şərəfinə) adlanır. Akvaya görə 1 eris 1 yapon yeninə bərabərdir.

Media[redaktə | əsas redaktə]

Roman[redaktə | əsas redaktə]

Natsume Akatsuki romanı ilk öncə veb-roman şəklində Shōsetsuka ni Narō veb-roman saytında 2012-ci ilin dekabrından 2013-cü ilin oktyabrına kimi yayımlamışdır.[4] Yazıçı Viz və Vanirin daxil olduğu yan hekayə də yazmışdır.[5] Kurone Mişimanın rəssamlığı ilə hazırlanan ranobe seriyası 1 oktyabr 2013-cü ildən Kadokawa Shoten nəşriyyatının Kadokawa Sneaker Bunko imprinti altında nəşr olunur. 1 iyul 2016-cı ilə qədər ranobenin 9 cildi buraxılmışdır.[6][7] Ranobenin hekayəsi 6-cı cilddən etibarən veb-romanın hekayəsindən ayrılır, eləcə də, personajların yaşlarında da fərqliliklər var. Akatsuki və Mişima tərəfindən yazılıb çəkilən "Kono Subarashii Sekai ni Bakuen wo!" (この素晴らしい世界に爆焔を!?, azərb. "Bu möhtəşəm dünyaya partlayışlar ver!"‎) adlı spin-off ranobe seriyası 1 iyul 2014-cü ildən nəşr olunur və 1 iyun 2015-ci ilə kimi 3 cildi buraxılmışdır.[8] Bu ranobedə əsas hadisələrin başlamasından 1 il əvvəl Mequminin macəralarından söz açır. Zoku: Kono Subarashii Sekai ni Bakuen wo! (続・この素晴らしい世界に爆焔を!?, azərb. "Sikvel: Bu möhtəşəm dünyaya partlayışlar ver!"‎) adlı sikvel romanı isə 28 dekabr 2016-cı ildə buraxılmışdır. Vanirdən bəhs edən "Kono Kamen no Akuma ni Sōdan wo!" (この仮面の悪魔に相談を!?, azərb. "Maskalı şeytan ilə məsləhətləşmək!"‎) adlı bir başqa spin-off ranobe seriyası 1 aprel 2016-cı ildən çap olunur.

Uihime Haqurenin rəssamlığı ilə Hirukuma tərəfindən yazılan üçüncü spin-off 1 2017-ci ildən nəşr olunur və "Kono Subarashii Sekai ni Shukufuku wo! Extra Ano Orokamono ni mo Kyakkou wo!" (この素晴らしい世界に祝福を!エクストラ あの愚か者にも脚光を!?, azərb. Bu möhtəşəm dünyaya xeyir-dua ver! Ekstra: Bu axmağa da diqqət!‎) adlanır.[9] İkinci cildi 1 dekabr 2017-ci ildə buraxılmışdır.[10]

Yen Press 20 may 2016-cı ildə ranobeni lisenziyalaşdırdığını açıqlamışdır.[11]

Manqa[redaktə | əsas redaktə]

Masahito Vatanarinin rəssamlığı ilə istehsal olunmuş manqa adaptasiyası Fujimi Shobo nəşriyyatının "Monthly Dragon Age" jurnalında 9 sentyabr 2014-cü ildən nəşr olunur.[12] 2017-ci ilin martına qədər 5 tankobon cildi buraxılmışdır. "A Spotlight For (Even) This fool! Gifting this Wonderful World with Blessings! Extra" adlı spin-off manqa ranobenin 12-ci cildi ilə birlikdə buraxılmışdır. Kuma HiruHaqure Yuki tərəfindən hazırlanan bu ranobe Vanirlə birlikdə problemlə üzləşən Dastdan bəhs edir.[13]

Yen Press manqa adaptasiyasını Şimali Amerika üçün lisenziyalaşdırdığını açıqlamışdır.[11]

Video oyun[redaktə | əsas redaktə]

Tachi tərəfindən PC üçün istehsal olunmuş "Kono Subarashii Sekai ni Shukufuku o! In The Life" (この素晴らしい世界に祝福を!in the life?) adlı oyun 25 mart 2016-cı ildə anime serialının birinci BD / DVD cildi ilə birlikdə buraxılmışdır.[14] Oyun RPG Tsukūru VX proqram təminatı ilə hazırlanıb.[15] ledybug and Krobon tərəfindən istehsal olunmuş "KonoSuba: God's Blessing on this Wonderful World! Revival of Beldia" (Kono Subarashii Sekai ni Shukufuku o! Fukatsu no Verdier (この素晴らしい世界に祝福を!復活のベルディア?)) ikinci mövsümün birinci BD / DVD cildinin məhdud nəşri ilə 28 aprel 2017-ci ildə buraxılmışdır.[16] Sayd-skroller tərzində olan oyunun geympleyi "Mega Man" seriyasını xatırladır.[17]

5pb. tərəfindən PS Vita və PS4 platformaları üçün istehsal olunmuş "KonoSuba: God's Blessing on this Wonderful World! Judgment on this Greedy Game!" (Kono Subarashii Sekai ni Shukufuku o! -Kono Yokubukai Game ni Shinpan o!- (この素晴らしい世界に祝福を! -この欲深いゲームに審判を!-?)) vizual romanı 7 sentyabr 2017-ci ildə buraxılmışdır.[18] Oyun orijinal hekayəyə malikdir: Kazuma yaxınlıqdakı kimsənin alt paltarını oğurlamağa imkan verən lənətli üzük tapır. Lənəti qaldırmağın yeganə yolu puldur. Oyun "Alt paltarı mühakiməsi" sistemi təqdim edir, oyunçu alt paltarının kimə aid olduğunu müəyyənləşdirməlidir.[19] Maçiko oyunun açılış mahnısını ("Million Smile"), Amamiya, Takahaşo və Kayano oyunun bağlanış mahnısı ("101 Pikime no Hitsuji") ifa etmişdirlər.[20]

Anime[redaktə | əsas redaktə]

Studio Deen tərəfindən istehsal olunmuş anime serialı adaptasiyası[21] 14 yanvar 2016-cı ildən 16 mart 2016-cı ilə kimi Tokyo MX kanalı vasitəsilə yayımlanmışdır.[22] Daha sonrakı tarixlərdə isə 8 kanal və bir neçə sayt tərəfindən nümayiş etdirilmişdir.[22] Anime Crunchyroll tərəfindən Şimali Amerika kimi bir neçə regionda[23]AnimeLab tərəfindən Avstraliyada yayımlanmışdır.[24] Rejissoru Takaomi Kanasaki, ssenaristi Makoto Uezu, personaj dizayneri Koyçi Kikuta olmuşdur.[21] 24 iyun 2016-cı ildə OVA seriyası buraxılmışdır.[25] Animenin açılış mahnısı Maçiko tərəfindən ifa olunan "Fantastic Dreamer" mahnısı, bağlanış mahnısı isə Sora Amamiya, Rie Takahaşi və Ay Kayano tərəfindən ifa olunan "Chīsana Bōken-sha" (ちいさな冒険者?, azərb. "Kiçik macəraçı"‎) mahnısıdır.[26]

Animenin ikinci mövsümünün 11 yanvar 2017-ci ildən yayımlanması planlaşdırılır.[27] İkinci mövsüm Yaponiyada d Anime StoreNiconico vasitəsilə yayımlanacaq.[28] İkinci mövsümün açılış mahnısı Maçiko tərəfindən ifa olunan "Tomorrow" mahnısı, bağlanış mahnısı Amamiya, Takahaşi və Kayano tərəfindən ifa olunan "Ouchi ni Kaeritai" mahnısıdır.[29] 2017-ci ilin iyulunda ranobenin 12-ci cildi ilə birlikdə OVA seriyası buraxılmışdır.[30]

6 oktyabr 2018-ci ildə "KonoSuba" personajlarının "Isekai Quartet" adlı, "Re:Zero", "Overlord""The Saga of Tanya the Evil" personajlarını da özündə birləşdirən krossover animesində görünəcəyi açıqlanmışdır..[31]

Anime filmi[redaktə | əsas redaktə]

25 iyun 2018-ci ildə J.C.Staff studiyası tərəfindən "Kono Subarashii Sekai ni Shukufuku o! Kurenai Densetsu" (この素晴らしい世界に祝福を!紅伝説?) adlı anime filmi adaptasiyasının çəkiləcəyi anons edilmişdir. Seyyu və istehsalçı heyəti dəyişməyəcək.[32] 2019-cu ildə buraxılması planlaşdırılır.[33]

Digər[redaktə | əsas redaktə]

1 mart 2015-ci ildə HobiRecords tərəfindən Drama CD buraxılmışdır. Doramada personajları anime serialındakından fərqli şəxslər səsləndirmişdir.[34] Masato Kodanın bəstələdiyi saundtrekin və personaj mahnılarının daxil olduğu ikinci CD isə 2017-ci ilin martında buraxılmışdır.[35]

Qəbul[redaktə | əsas redaktə]

2 mart 2016-cı ilin məlumatına əsasən romanların ümumilikdə 11 cildinin ümumilikdə çapda 1,5 milyon nüsxəsi var və hər cild 136,000 nüsxə satmışdır.[36]

Ümumilikdə roman 2016-cı ildə satdığı 1.174.562 nüsxə ilə ilin ən yaxşı satan 2-ci ranobesi olmuşdur.[37] Birinci cildi 2016-cı ildə ən yaxşı satan 13-cü (155.634 nüsxə), ikinci cildi 17-ci (135.511 nüsxə), üçüncü cildi 20-ci (131.170 nüsxə), səkkizinci cildi 23-cü (122.772 nüsxə), dördüncü cildi 25-ci (120.767 nüsxə), beşinci cildi isə 28-ci (112.892 nüsxə) ranobe cildi olmuşdur.[38]

Anime adaptasiyası Akiba Souken tərəfindən 2016-cı ildə keçirilən sorğuda isə ən yaxşı 2-ci "hadisələri alternativ dünyada baş verən" anime seçilmişdir (277 səs).[39]

Anime serialının ilk bir neçə seriyasına rəy bildirən Anime News Network əməkdaşı Teron Martin animenin komediyasını tərifləmiş, ikinci seriyanı "Monthly Girls' Nozaki-kun" animesinin yayımlanmasından bəri gördüyü ən gülməli seriya hesab etmişdir. Martin animenin musiqisini də bəyənmiş, lakin bəzən personaj animasiyasındakı tutarsızlıqlara görə rəssamlığı tənqid etmişdir.[40]

Qeydlər və istinadlar[redaktə | əsas redaktə]

Qeydlər
  • ^R ranobe seriyasını X.Y formatında təqdim edir: X cildi, Y fəsli göstərir. P fəsli proloqu, A fəsli ranobenin son sözünü göstərir.
İstinadlar
  1. "Crunchyroll Announces Winter 2017 Anime Lineup". Crunchyroll (January 20, 2017).
  2. "KonoSuba game for PS4, PS Vita launches September 7 in Japan - Gematsu". gematsu.com (10 May 2017).
  3. "KonoSuba TV Anime's 2nd Season Premieres in January". Anime News Network (June 24, 2016).
  4. "KonoSuba web novel". Syosetu. 27 noyabr 2013 tarixində arxivləşdirilib. İstifadə tarixi: 22 iyul 2016.
  5. "The Masked Demon's Dream Watching". Syosetu. 29 iyul 2013 tarixində arxivləşdirilib. İstifadə tarixi: 22 iyul 2016.
  6. "Book Announcement". Syosetu (August 26, 2013).
  7. "この素晴らしい世界に祝福を!". Kadokawa Shoten.
  8. "この素晴らしい世界に爆焔を!". Kadokawa Shoten.
  9. "この素晴らしい世界に祝福を!エクストラ あの愚か者にも脚光を!". Kadokawa Shoten.
  10. "この素晴らしい世界に祝福を!エクストラ あの愚か者にも脚光を!2". Kadokawa Shoten.
  11. 11,0 11,1 "Yen Press Licenses Konosuba, Death March to the Parallel World Rhapsody Manga, Light Novels". Anime News Network (May 20, 2016).
  12. "Omamori Himari, Milan Matra's New Series". Natalie (September 9, 2014).
  13. Green, Scott ""Konosuba" Anticipates Humiliation, a New OVA and Cover Previews". Crunchyroll (June 16, 2017).
  14. "KonoSuba's 1st Blu-ray/DVD to Include PC Game". Anime News Network (February 13, 2016). 2 avqust 2017 tarixində arxivləşdirilib.
  15. "Blu-ray限定版&DVD限定版 第1巻 超豪華5大特典!!". アニメ『この素晴らしい世界に祝福を!』公式サイト. Kadokawa Corporation.
  16. "「この素晴らしい世界に祝福を!2」 Blu-ray & DVD 第1巻". アニメ『この素晴らしい世界に祝福を!2』公式サイト.
  17. "KonoSuba’s Season 2 Limited Blu-ray Bonus Is A Sweet Mega Man-Style Side-Scroller". Siliconera (February 1, 2017).
  18. "KonoSuba’s New Game Releases September 7 In Japan, Comes With Bonus KonoSuba Shooting Game". Siliconera (May 10, 2017).
  19. Romano, Sal "KonoSuba game launches for PS4 and PS Vita this summer in Japan". Gematsu.
  20. Green, Scott "Hear Cast And Machico Sing "Konosuba" Game Themes". Crunchyroll (July 23, 2017).
  21. 21,0 21,1 "KonoSuba TV Anime Announcement". Anime News Network (May 25, 2015).
  22. 22,0 22,1 "KonoSuba Network Information". KonoSuba.com. — "TOKYO MX – 1月13日より毎週水曜 – 25:05 ~ 25:35".
  23. "Crunchyroll to Stream KonoSuba". Anime News Network (January 12, 2016).
  24. "New Titles for AnimeLab 2016 Winter Simulcast Season". Anime News Network (December 21, 2015).
  25. "KonoSuba Light Novel Bundles Original Anime Blu-ray". Anime News Network (December 21, 2015).
  26. "KonoSuba anime staff". KonoSuba.com.
  27. "KonoSuba Season 2 Reveals Video, Song Artists, Title, January 11 Debut". Anime News Network (24 oktyabr 2016).
  28. "KonoSuba 2 Anime's Promo Video Previews Machico's Opening Theme". Anime News Network (12 dekabr 2016).
  29. "KonoSuba 2 Anime's Promo Video Previews Machico's Opening Theme". Anime News Network (December 12, 2016).
  30. "KonoSuba Light Novel to Bundle Original Anime Blu-ray". Anime News Network (December 26, 2016).
  31. "New Isekai Quartet Anime Project Crosses Over Overlord, Re:Zero, Tanya, Konosuba Franchises". Anime News Network (October 6, 2018).
  32. "Konosuba - God's Blessing on This Wonderful World! Anime Gets Film Project". Anime News Network (June 25, 2018).
  33. "KONOSUBA - God's blessing on this wonderful world! Anime Film Opens in 2019". Anime News Network (October 20, 2018).
  34. "KonoSuba Drama CD". Comic Toranoana.
  35. "March Is KonoSuba Month - New Original Soundtrack, Drama CD & Character Song Album Slated for Release!". Tokyo Otaku Mode News (February 2, 2017).
  36. Komatsu, Mikikazu "'KonoSuba' Novel Sales Increases Three Times Thanks to TV Anime". Crunchyroll (March 2, 2016).
  37. "Top-Selling Light Novels in Japan by Series: 2016". 'Anime News Network' (30 noyabr 2016).
  38. "Top-Selling Light Novels in Japan by Volume: 2016". 'Anime News Network' (30 noyabr 2016).
  39. "Başka Dünyada Geçen En İyi Animeler". Anime Fantastica (19 avqust 2016). 25 avqust 2016 tarixində arxivləşdirilib. İstifadə tarixi: 25 avqust 2016.
  40. Martin, Theron "KonoSuba – God's blessing on this wonderful world!! Episodes 1-2". Anime News Network (January 21, 2016).

Xarici keçidlər[redaktə | əsas redaktə]

Vikianbarda KonoSuba ilə əlaqəli mediafayllar var.