Konor Makqreqor

Vikipediya, azad ensiklopediya
Jump to navigation Jump to search
Konor Makqreqor
Conor Anthony McGregor
Conor McGregor.jpg
Şəxsi məlumatları
Tam adı Konor Antoni Makqreqor
Doğum adı Conor Anthony McGregor[1]
Ləqəbi

The Notorious

Mystic Mac
Vətəndaşlığı İrlandiya İrlandiya
Doğum tarixi 14 iyul 1988 (1988-07-14) (31 yaş)
Doğum yeri Kramlin, Dublin, İrlandiya
Boyu 175 m
Çəkisi 70.1 kq
İdman növü MMA, Boks

Konor Antoni Makqreqor (irl. Conchúr Antóin Mac Gréagóir;[2] d. 14 iyul, 1988) — İrlandiyalı Qarışıq döyüş növləri döyüşçüsü və boksçu. Keçmiş Qəfəs döyüşləri yarım-yüngül və yüngül çəki çempionu. Makqreqor, 2013-cü ildə qəfəs döyüşlərinin təşkilatçılığı altında yarım-yüngül və yüngül çəkidə çempionu olarkən UFC ilə razılaşır. 2015-ci ilin dekabr ayında yarım-yüngül çəki çempionu Jose Aldunu 13 saniyədə nokaut edərək UFC yarım-yüngül çəki çempionu olur. Bu qalibiyyətlə o, UFC döyüş tarixində ən sürətli nokaut olaraq tarixə keçir. 2016-cı ilin noyabr ayında yüngül çəki çempionu olan Eddi Alvarezi məğlub edir və UFC tarixində eyni anda 2 fərqli çəkidə çempion olan ilk döyüşçü olaraq bir ilkə imza atır. 2017-ci ildə professional boks kariyerasının ilk döyüşündə Floyd Meyvezer ilə qarşı-qarşıya gəlir və döyüşü məğlub olaraq bitirir. Bu döyüşdən 4,3 milyon ödə və izlə (PPV) satışı edərək Şimali Amerikada ikinci ən yüksək satış rəqəminə çatır. Makqreqor, adını qarışıq döyüş sənətləri tarixinin ən populyar isimləri sırsasında ən başa yazdırır. Ən yüksək ödə və izlə satışı edilən 6 qarışıq döyüş sənətləri tədbirlərinin 5-i Makqreqorun əsas döyüşlərdə yer aldığı tədbirlərdir.

Həyatı[redaktə | əsas redaktə]

Konor Makqreqor, 14 iyul 1988-ci ildə Dublinin Kramlin bölgəsində Toni və Marqaret Makqreqorun oğlu olaraq anadan olub. Kramlin'də böyüyən Makqreqor, ibtidai və orta təhsilini bu şəhərdə alır. Kiçik yaşlarından idmana marağı olan Makqreqor, idmana ilk addımlarını Luders Seltik Futbol klubunda futbol oynayaraq atdı. 12 yaşında Makqreqor, Krumlin Boks Klubunda boksla tanış olur və həyatına bu idmanla davam etməyə başlayır. 2006-cı ildə Makqreqor ailəsi ilə birlikdə Dublin şəhərinin Lukan bölgəsinə köçür. Lukan'da olarkən gələcək UFC döyüşçüsü Tom Eqanla tanış olur və qısa müddətdə birlikdə qarışıq döyüş sənətləri (MMA) məşqlərinə başlayırlar.

Həvəskar qarışıq döyüş sənətləri karyerası[redaktə | əsas redaktə]

2007-ci il fevralın 17-də 18 yaşlı Makqreqor, ilk həvəskar qarışıq döyüş sənətləri döyüşünə çıxır. Kiran Kempbell ilə döyüşən Makqreqor, döyüşü texniki nokautla ilk raundda qazanır. Bu döyüşdən sonra professional kariyeraya keçir və Irish Cage of Truth təşkilatı ilə müqavilə imzalayır. 2008-ci ildə Con Kavananın Dublindəki məşq solunanda işləməyə başlayır.

Peşəkar qarışıq döyüş sənətləri karyerası[redaktə | əsas redaktə]

Kariyeranın başları (2008-2013)[redaktə | əsas redaktə]

2008-ci il martın 9-da professional qarışıq döyüş sənətləri kariyerasının ilk döyüşündə yüngül çəkidə Qeri Morris ilə qarşılaşır. Döyüşü 2-ci raundda texniki nakautla qazanır. İkinci döyüşündə Mo Teyloru məğlub edən Makqreqor, üçüncü döyüş üçün çəkisini azaldaraq yarım-yüngül çəkisinə enir. Yarım-yüngül çəkidə ilk döyüşündə Artemiy Sitenkov ilə qarşılaşan Makqreqor ilk məğlubiyyətini alır. İlk məğlubiyyətindən sonra yarım-yüngül çəkidə növbə ilə Stiven Beylini və Konnor Dillonu məğlub edir. Altıncı döyüşündə yüngül çəkiyə geri dönən Makqreqor, Cozef Daffi ilə qarşı-qarşıya gəlir və ikinci məğlubiyyətini alır. 2011 və 2012-ci ildə 8 oyunluq qalibiyyət seriyası ilə Makqreqor, Cage Warriors təşkilatçılığı altında həm yarım-yüngül, həm də yüngül çəki çempionluğu yaşayır. 2013-cü ilin fevral ayında UFC prezidenti Dana Uaytın Dublin səfərində Makqreqor haqqında eşitdikləri, Makqreqorun UFC ilə müqavilə imzalamasına səbəb olur.

Ultimate Fighting Championship (2013-cari)[redaktə | əsas redaktə]

İstinadlar[redaktə | əsas redaktə]

  1. http://boxing.nv.gov/uploadedFiles/boxingnvgov/content/results/2014_Results/09-27-14MMA.pdf
  2. "The most surprising stories behind Conor McGregor's incredible success". IrishCentral. 13 December 2016. İstifadə tarixi: 3 September 2017.

Həmçinin bax[redaktə | əsas redaktə]

Xarici keçidlər[redaktə | əsas redaktə]