Kouçinq

Vikipediya, açıq ensiklopediya
Keçid et: naviqasiya, axtar

Kouçinq (ing. Coaching) — insanların könüllü, şüurlu və planlı şəkildə daxil olduqları öyrənmə və şəxsi planlı fərdi inkişaf prosesidir.

Həyatlarında müsbət dəyişikliklərə qərar verən insanlar yüksəlmək istədikləri inkişaf pillələrinə çatmaq üçün Kouç (ing. Coach) adlanan şəxsi inkişaf müəlliminin müşayiəti ilə ruhi və zehni yolçuluğa başlayırlar.

Əsas məqsədi[redaktə | əsas redaktə]

Kouçinqin əsas məqsədi bu xidməti alan şəxsin (ing. coachee) potensialının kəşf olunması, özünə inamının və motivasiyasının artırılması, bacarıq və imkanlarının inkişaf etdirilməsi, ona mane olan sərhədlərin yıxılaraq performansının maksimuma çatdırılmasıdır. Kouçinq prosesinə daxil olan şəxslər həyatlarının, gələcəklərinin, düşüncə, davranış və addımlarının məsuliyyətini öz üzərinə götürərək, daha böyük özünəinam və həvəslə şəxsi həyatlarında nizam-intizam yaratmağa başlayırlar.

Fəlsəfəsi[redaktə | əsas redaktə]

Kouçinq fəlsəfəsinə görə:

  • Hər bir insan anadangəlmə bacarıqlı, yaradıcı və bütündür.
  • Kouçluq mənəvi, psixoloji və ya zehni təmir metodu deyildir. Problemli insan yoxdur, sadəcə nə istədiyinin və sahib olduğu güclü potensialın fərqində olmayan insan vardır.
  • İnsanlar axtardıqları sualların cavablarına sahibdirlər və ya bu sualların cavablarını necə və harada tapacaqlarını bilirlər. Kouçlar bu cavabların ortaya çıxa bilməsi üçün insanların düşüncələrini provakasiya edir, yəni düşünməyə sövq edir və onları baş verənlərə fərqli baxış bucaqlarından baxmağı dəvət edirlər.