Kuremaa gölü

Vikipediya, açıq ensiklopediya
Jump to navigation Jump to search
Kuremaa gölü
est. Kuremaa järv
Kuremaa järv (mai 2012).JPG
58°43′00″ şm. e. 26°33′00″ ş. u.
Ölkə Estoniya Estoniya
Mütləq hündürlüyü 83 m
Eni 1,3 km
Uzunluğu 4,3 km
Sahil uzunluğu 11,245 km
Sahəsi 3,984 km²
Həcmi 0,023423 km³
Su tutumu 25,4 km²
Dərin yeri 13,8 m
Orta dərinliyi 5,9 m
Kuremaa gölü xəritədə
Kuremaa gölü
Kuremaa gölü
Commons-logo.svg Vikianbarda əlaqəli mediafayllar

Kuremaa gölü (est. Kuremaa jär) — Estoniyanın şərqində yerləşən kiçik göl. Göl düzənlik ərazidə yerləşir. İnzibati baxımından Estoniyanın Yıgevamaa vilayətinə daxildir. Estoniyanın orta ölçülü göllərindəndir. Vilayətin mərkəzi olan Yıgevamaa şəhərindən şərqdədir. Tıstamaa volosu, Enkkyula kəndinin ərazisində daxildir. Gölün sahəsi 398,4 ha-dır[1]. Bu göstəriciyə görə Estoniyanın 10 ən iri göllərindən biridir. Yıgevamaa vilayətinə daxil olan ÇudSaadyarv göllərindən sonra sahəsinə görə 3-cü ən böyük göldür. Göl dəniz səviyyəsindən 83 metr yüksəklikdə yerləşir. Göldən Amme çayı başlayır. O isə öz növbəsində Emayıqi çayına tökülür. Amme çayı 59 km uzunluğa və 501 km² hövzəyə sahibdir. Göl axarlı olması səbəbindən şirinsuludur. Gölün sahil xəttinin uzunluğu 11.245 km-dir. Əsasən uzunsov formaya malikdir. Göl buzlağın ekzarasiya fəaliyyəti nəticəsində meydana gəlmişdir. Belə göllər çaylara bənzəyir. Əsasən uzunsov, dar və dərin olurlar. Onun maksimal dərinliyi 13,8 metr təşkil edir. Gölün orta dərinliyi isə 5,9 metrə bərabərdir. Göl daxilində ada yoxdur. Onun uzunluğu 4,3 km, eni isə 1,3 km-dir. Hövzəsinin sahəsi 25,4 km²-dir. Gölün şimal-qərb sahillərində eyni adlı yaşayış məntəqəsi vardır. 2 km cənubda isə Palamuse yaşayış məntəqəsi yerləşir. Sahillərinin böyük qismi sıx meşəliklərlə örtülüdür. Bəzi sahilə yaxın hissələrdə sıx bitən su bitkiləri, əsasən qamışlıqlar yayılmışdır. Göl ətrafı olduqca gözəl görünüşə malikdir. Gölün sularında adi durnabalığı, adi ilanbalığı, Alburnoides bipunctatus, Rutilus, Squalius cephalus, çay xanısı, Lota lota, Gymnocephalus cernuus kimi balıq növlərini müşahidə etmək olar.

Gölün sahilində Oscar Luts şərəfinə xatirə abidəsi ucaldılmışdır.

Gölün panoraması.

İstinadlar[redaktə | əsas redaktə]

  1. "Kuremaa järv" (Estonian). EELIS – Estonian Nature Infosystem.