Lətifə Məmmədova
| Lətifə Məmmədova | |
|---|---|
| Doğum tarixi | 19 avqust 1961 (63 yaş) |
| Doğum yeri | |
| Elm sahələri | kitabxanaşünaslıq[1], informatika[1] |
| Elmi dərəcəsi | Tarix üzrə fəlsəfə doktoru |
| Təhsili | Azərbaycan Dövlət Universitetinin Tarix fakültəsi |
| Mükafatları |
 |
 Vikianbarda əlaqəli mediafayllar | |
Lətifə Adil qızı Məmmədova (19 avqust 1961, Bakı) — publisist, tarixçi, politoloq, kitabxanaşünas, Azərbaycan Jurnalistlər Birliyinin üzvü, Azərbaycan Respublikası Mədəniyyət Nazirliyi Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) direktoru, Azərbaycan Respublikası Mədəniyyət Nazirliyinin Kitabxana sektorun müdiri (2004–2018), UNESCO-nun "İnformasiya hamı üçün" Proqramının Azərbaycan Komitəsinin sədri (2011–2018), tarix üzrə fəlsəfə doktoru.
Həyatı və fəaliyyəti
[redaktə | mənbəni redaktə et]1961-ci ilin avqust ayının 19-da Bakı şəhərində anadan olmuşdur. 1986-cı ildə Azərbaycan Dövlət Universitetinin (h/h BDU) tarixçi, tarix müəllimi ixtisası üzrə bitirmiş, komsomol, sovet və partiya orqanlarında çalışmışdır.[2]
1980–1987-ci illərdə Bakı şəhər Sovetinin (XVII, XVIII, XIX çağırışlar) deputatı seçilmişdir.[3]
1985–1989-cu illərdə Bakı şəhər Əmircan qəsəbə Sovetinin deputatı (XIX və XX çağırışlar) və İcraiyyə Komitəsinin məsul katibi vəzifəsinə seçilmişdir.[4]
1989–1990-cı illərdə Bakı şəhər Ordconikidze (Suraxanı) rayon partiya komitəsinin təlimatçısı vəzifəsində işləmişdir.[5]
1980-ci ildən mətbuatda publisistik məqalələri dərc olunur ("Бакинский рабочий", "Respublika", "Вышка", "Azad Azərbaycan", "Dirçəliş", "Возрождение", "Hərbi bilik", "Mədəniyyət", "Mədəniyyət. Culture", "Carçı", "Elm və təhsil", "Tarixin səhifələri" və s.)
1990–1992-ci illərdə Bakı Ali Partiya Məktəbində, sonralar Bakı Sosial İdarəetmə və Politologiya İnstitutunda (BSİPİ) politologiya ixtisası üzrə təhsil almış və institutu fərqlənmə diplomu ilə bitirmişdir (Politoloq, ali məktəblərdə ictimai-siyasi fənlər müəllimi ixtisası üzrə).[5]
Həmin illərdə elmi işlə məşğul olmağa başlamış və 1997-ci ildə "Azərbaycanda erməni siyasi təşkilatlarının fəaliyyəti (1918–1920-ci illər)" mövzusunda namizədlik dissertasiyasını müdafiə edərək tarix elmləri namizədi elmi dərəcəsini almışdır.[6]
1992–1999-cu illərdə Bakı Sosial İdarəetmə və Politologiya İnstitutunun, 1999–2007-ci illərdə Azərbaycan Respublikasının Prezidenti yanında Dövlət İdarəçilik Akademiyasının (DİA) tarix kafedrasının baş müəllimi, dosenti, 2002–2004-cü illərdə DİA-nın Elmi Kitabxanasının müdiri vəzifəsində çalışmış, Elmi Şuranın üzvü olmuşdur. 2004-cü ilin dekabr ayında Azərbaycan Respublikası Mədəniyyət Nazirliyinin Kitabxana sektorun müdiri vəzifəsinə təyin olunmuşdur.[4] Mədəniyyət Nazirliyinin ləğvi ilə əlaqədar, aparılan struktur islahatları nəticəsində Kitabxana sektoru ləğv olunduğu səbəbindən 2018-ci ilin iyun ayından Yasamal rayon Mərkəzləşdirilmiş Kitabxana Sisteminin direktoru vəzifəsinə təyin olunmuşdur.
2011–2018-ci illərdə UNESCO-nun "İnformasiya hamı üçün" Proqramının Azərbaycan Komitəsinin sədri olmuşdur.[7]
Azərbaycan Respublikası Prezidentinin 2008-ci il 6 oktyabr tarixli 3072 nömrəli Sərəncamı ilə təsdiq edilmiş "Azərbaycan Respublikasında kitabxana-informasiya sahəsinin 2008–2013-cü illərdə inkişafı üzrə Dövlət Proqramı"nın həyata keçirilməsində müstəsna xidmətləri olmuşdur. Onun təşkilati dəstəyi ilə Mədəniyyət Nazirliyinin və digər nazirliklərin tabeliyində olan kitabxanalarda ilk Elektron kitabxanalar və Elektron kataloqlar yaradılmışdır.[3]
Dövlət Proqramı əsasında L. Məmmədovanın fəal iştirakı ilə AZLİBNET Milli Kitabxana-İnformasiya Mərkəzi təşkil olunmuş və onun nəzdində ölkədə ilk və yeganə Toplu kataloq istifadəyə verilmişdir.
Lətifə Məmmədova Azərbaycan Respublikası Prezidentinin "Azərbaycanda kitabxanaların fəaliyyətinin yaxşılaşdırılması haqqında" 2007-ci il 20 aprel tarixli Sərəncamına və Dövlət Proqramına əsasən "Azərbaycan ədəbiyyatının virtual kitabxanası"nı yaratmışdır.
Ölkə başçısının müvafiq Fərmanının icrasını təmin etmək məqsədilə "Azərbaycanın kitab abidələri"nin reyestrinin yaradılması işinə başlamış və kitab abidələri haqqında CD hazırlamışdır.
L. Məmmədovanın təşəbbüsü və fəal iştirakı ilə bir çox sosial yönümlü davamlı layihələr gerçəkləşmişdir: "Kitabsevər uşaqlar" (YouTube kanalı və Facebook səhifəsi), "Sərhədsiz informasiya tribunası" (Facebook səhifəsi), "Şair və yazıçı tribunası", "Yaradıcı oxucularımız", "Kitabxanaya kitab hədiyyə edirik", "Şəhidlər ölməz, Vətən bölünməz" və s.
Lətifə Məmmədova Azərbaycan Respublikasını bir çox beynəlxalq tədbirlərdə təmsil edir.
Azərbaycan Jurnalistlər Birliyinin üzvüdür.
ELNİT (ЭБНИТ) Beynəlxalq Assosiasiyasının İdarə həyətinin üzvüdür.[8]
Ailəlidir. Üç övladı və iki nəvəsi var.
Təltif və mükafatları
[redaktə | mənbəni redaktə et]Lətifə Məmmədova kitabxana sahəsində göstərdiyi xidmətlərə görə müxtəlif illərdə Mədəniyyət və Turizm Nazirliyinin, habelə Mədəniyyət İşçilərinin Həmkarlar İttifaqının Fəxri fərmanları ilə mükafatlandırılmışdır. 2016-cı ildə Azərbaycan Respublikası Prezidentinin Sərəncamı ilə "Dövlət qulluğunda fərqlənməyə görə" medalı[9], habelə Mədəniyyət və Turizm Nazirliyinin "Fəxri Mədəniyyət İşçisi" döş nişanı ilə təltif olunmuşdur.
Kitabları və elmi əsərləri
[redaktə | mənbəni redaktə et]Lətifə Məmmədova kitabxana-informasiya sahəsinin inkişafına dair 5 kitabın və 50-dən çox məqalənin müəllifidir.
L. Məmmədovanın rəhbərliyi ilə aşağıdakı toplular nəşr edilmişdir:
- "Heydər Əliyev və mədəniyyət" üçcildlik. Bakı, 2007 (redaktor), "Prezident İlham Əliyev və mədəniyyət 2003–2008" ikicildlik. Bakı,2008 (həmtərtibçi)
- Azərbaycanın birinci xanımı, Heydər Əliyev Fondunun prezidenti, UNESCO və ICESCO-nun xoşməramlı səfiri Mehriban xanım Əliyevanın mədəniyyət sahəsində çoxşaxəli fəaliyyətini əks etdirən "Mədəniyyətimizin və mədəni incilərimizin hamisi". Bakı, 2007. Azərbaycan, rus, ingilis, ərəb dillərində (redaksiya şurasının sədri)
- "Prezident İlham Əliyev və mədəniyyət (2003–2008)" Bakı, 2013 (həmtərtibçi)
- "Prezident İlham Əliyev və mədəniyyət (2008–2013)" ikicildlik. Bakı, 2013 (həmtərtibçi)
- "Prezident İlham Əliyev və mədəniyyət (2013–2018)" ikicildlik. Bakı, 2018 (həmtərtibçi)
L. Məmmədova ümumilikdə 70-dən çox kitab hazırlayıb, 150-dən çox qəzet və jurnal məqələsinin müəllifidir.
İstinadlar
[redaktə | mənbəni redaktə et]- ↑ 1 2 3 4 Çex Milli Hakimiyyət Məlumat bazası.
- ↑ "Lətifə Məmmədova". Elm və Təhsil (45). 15 dekabr 2018. səh. 19.
- ↑ 1 2 Azərbaycan Kitabxana Ensiklopediyası. Bakı: Azərbaycan Respublikası Mədəniyyət Nazirliyi. 2015. səh. 418. ISBN 978-9952-504-27-9.
- ↑ 1 2 Azərbaycan qadınları. II. Bakı. 2002. səh. 164.
- ↑ 1 2 Teymur Əhmədov. XX əsr Azərbaycan yazıçıları. Bakı: «Nurlar» Nəşriyyat-Poliqrafiya Mərkəzi. 2004. səh. 515. ISBN 9952-403-38-0.
- ↑ "Мамедова, Лятифа Адиль кызы. Деятельность армянских политических организаций в Азербайджане (1917-1920 гг.)" (rus). mydisser.com. 2019-04-02 tarixində arxivləşdirilib. İstifadə tarixi: 2 aprel 2019.
- ↑ "YUNESKO üzrə Azərbaycan Respublikasının Milli Komissiyası yanında YUNESKO-nun "İnformasiya hamı üçün" proqramının Azərbaycan Komitəsinin fəaliyyətinə dair qısa hesabatın xülasəsi" (az.). AZLİBNET Milli Kitabxana-İnformasiya Mərkəzi. 2019-04-02 tarixində orijinalından arxivləşdirilib. İstifadə tarixi: 2 aprel 2019.
- ↑ "Правление - Мамедова Лятифа" (rus). elnit.org. 2018-12-20 tarixində arxivləşdirilib. İstifadə tarixi: 15 Aprel 2019.
- ↑ "Dövlət qulluqçularının təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI" (az.). e-qanun.az. 2018-08-14 tarixində arxivləşdirilib. İstifadə tarixi: 1 aprel 2019.
