Leyla Şəripova

Vikipediya, azad ensiklopediya
Naviqasiyaya keçin Axtarışa keçin
Leyla Şəripova
tac. Лайло Шарифова
Ümumi məlumatlar
Doğum tarixi 28 yanvar 1930(1930-01-28)[1]
Doğum yeri
Vəfat tarixi 19 fevral 2024(2024-02-19)[2] (94 yaşında)
Vəfat yeri
Vətəndaşlığı
Musiqiçi məlumatları
Fəaliyyəti musiqiçi, müğənni
Janr xalq musiqisi
Mükafatları Azərbaycan SSR xalq artisti Tacikistan SSR xalq artisti

Leyla Rəcəb qızı Şəripova (tac. Лайло Шарифова; 28 yanvar 1930[1], Moskva – 19 fevral 2024[2], Düsseldorf[3]) — müğənni, bəstəkar, nəğməkar şair, Tacikistan SSR (1965) və Azərbaycan SSR xalq artisti (1977).

Həyatı[redaktə | mənbəni redaktə et]

1930-cu il yanvarın 28-də Bakıda anadan olub. Atası İzmir türkü, anası isə azərbaycanlıdır.[4]

Bir müddət Sədrəddin Əyni adına Tacikistan Opera və Balet Teatrında solist kimi fəaliyyət göstərib. 1978-ci ildə Bakıya köçüb və 1980-ci ildən Azərbaycan Dövlət Televiziya və Radio Verilişləri Komitəsinin aparıcı solisti işləyib. Leyla Şəripova Yevgeni Jıvayevin rəhbərliyi ilə Özbəkistan Televiziya və Radio xalq çalğı alətləri ansamblının, Adil Bağırovun rəhbərliyi ilə "Xatirə" xalq çalğı alətləri ansamblının və Gülarə Əliyevanın rəhbərliyi ilə "Dan ulduzu" instrumental ansamblının müşayiəti ilə çıxış edib. 1988-ci ildən Almaniyanın Düsseldorf şəhərində yaşayıb.[5]

Şəripovanın repertuarında türk, əfqan, azərbaycan, erməni, türkmən, ərəb, fars, özbək və ispan mahnıları olub. Müğənninin ifaları nüfüzedici lirizim ilə, şeriyyətlə fərqlənir. Leyla Şəripovanın ustalığı və zərif vokal mədəniyyəti dinləyicilərin məhəbbətini qazanmışdır. Şəripova həm də bəstəkar və nəğməkar şair olub, 10 mahnının sözlərini yazıb, "Qara gözlər" və "Badam çiçəyi" adlı fars mahnıların müəllifi olub.[6]

2024-cü il fevral ayının 24-də Almaniyanın Düsseldorf şəhərində vəfat edib. Vəsiyyətinə uyğun olaraq cənazəsi yandırılıb.[7]

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 Azadlıq radiosu. Praqa: 1949.
  2. ↑ 1 2 Qafqazinfo. 2010.
  3. ↑ 1 2 https://qafqazinfo.az/news/detail/leyla-seripova-almaniyada-vefat-edib-427739.
  4. ↑ "Xalq artistini İran şahı ilə nə birləşdirirdi?". 2023-01-15 tarixində arxivləşdirilib. İstifadə tarixi: 2023-01-11.
  5. ↑ "Bakının məşhur qonaqları: Xalq artisi Leyla Şərifovanın Bakıya sirli gəlişi, həmişəlik gedişi - FOTOLAR+VİDEO". 2019-04-18 tarixində arxivləşdirilib. İstifadə tarixi: 2018-09-08.
  6. ↑ "ШАРИПОВА Лейла". 2023-07-26 tarixində arxivləşdirilib. İstifadə tarixi: 2018-09-08.
  7. ↑ "Azərbaycanın Xalq artistinin cənazəsi yandırıldı - FOTO". Oxu.Az (az.). 2024-02-23. 2024-02-23 tarixində arxivləşdirilib. İstifadə tarixi: 2024-02-23.
Mənbə — "https://az.wikipedia.org/w/index.php?title=Leyla_Şəripova&oldid=7502711"