Leyla ilə Məcnun personajlarının siyahısı

Vikipediya, azad ensiklopediya
Jump to navigation Jump to search

"Leyla ile Mecnun" obrazlarının siyahısı. TRT 1-də yayımlanmış "Leyla ilə Məcnun" serialının obrazlarının göstərildiyi siyahıdır. Serialın əsas obrazları Ezgi Asaroğlu ilə Ali Atayın canlandırdıqları Leyla ilə Məcnun obrazlarıdır.

  • Mecnun Çınar (Ali Atay) — Ortasinifli ailə olan İskender və Pakizenin oğlu. Çox sevdiyi Leylanı maşın qəzasında itirdikdən sonra Sedef ilə Şirin arasında qalmışdır. Sonra isə Sedef və Şirin onu tərk edirlər. Kireçburnu məhəlləsinin sakini olan Mecnun distant təhsil alır. Yuxusundan həyatına keçən Ak Sakallı Dede ilə yatağını, Az Sakallı Dede ilə yeməyini bölüşür. İsmail Abi ilə qardaş kimidir.
  • Leyla Yılmaz (Ezgi Asaroğlu) — Dövlətli ailə olan Metin və Sevimin qızı. Varlı olmasına baxmayaraq ətrafındakı digər qızlar kimi dəcəl deyil. 30-cu bölümdə serialdan ayrılmışdır.
  • Leyla Yedinci (Melis Birkan) — İskenderin əvvəlki dostu olan Ömerin təşkilatçı qızı. Mecnunla ilk görüşdə Mecnun ona vurulmuşdur. 3-cü mövsümdə seriala qatılmışdır.
  • Ak Sakallı Dede (Köksal Engür) — Yol göstərmək üçün Mecnunun yuxularına girən şəxs. Bir müddət sonra Mecnunun yuxusundan çıxıb real həyata girmişdir. Mecnunun Leylaya qovuşması üçün kömək edir, sonra Leyla ölərkən onun orqanlarının Sedefe və Şirinə bağışlanılmasında iştirak edir. Karabasanla olan mübarizəsində ona qalib gəlir, amma həmin vaxt məhəllə sakinləri məhəllədən ayrılmış olurlar. Onları qaytarıb məhəllədəki sülhün bərpasına çalışır.
  • Erdal Bakkal (Cengiz Bozkurt) — Məhəllənin ərzaq satıcısı. "Bakkalım ben, bakkal!" ən çox işlətdiyi cümlədir. Eqoistdir və hər kəsin əhvalını korlamağı bacarır. 3-cü mövsümün sonunda həyat yoldaşı Nurten doğarkən uşağı ilə birlikdə vəfat edir. Nurtenin qohumu Leyla Joker ilə birlikdə gedirlər. Erdal yalnız qalır.
  • İskender Çınar (Ahmet Mümtaz Taylan) — Mecnunun atası. Əvvəl taksi sürücüsü idi. Sonra həyat yoldaşı Pakize Almaniyaya getdikdə onun arxasınca getmək istəyir. Lakin İskender infarkt keçirir və xəstəliyə tutulur. Daha sonra isə həm ev işləri ilə həm də taksi sürücülüyü ilə məşğul olur.
  • İsmail (Serkan Keskin) — Mecnunun uşaqlıq dostu. Hər dəfə fərqli işlərlə məşğuldur. Gəmilərə əl silkələyib atasının gələcəyini fikirləşir. Şekerpareni unutmur. Hətta arxasınca İzmirə gedir. Şekerpareni tapanda isə Mecnunun başı bəlada olduğu üçün İstanbula qayıtmışdır. "Laaps!", "hooop!", "senin ağzından çıkanla kulağının duyduğunun aynı olmadığının farkında değil misin acaba?", "benim büyük büyük dedelerim hep şuydu, buydu..." kimi cümlələrlə özünəməxsus danışıq üslubu var. Tez-tez sadəliyi xoşladığını desə də həmişə rəngli, parlaq kostyumlar geyinir.

Mənbə[redaktə | əsas redaktə]