Lifli yukka
| Lifli yukka | |||||||||||||||
 | |||||||||||||||
| Elmi təsnifat | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Elmi adı | |||||||||||||||
| Yucca filamentosa | |||||||||||||||
| |||||||||||||||
Lifli yukka (lat. Yucca filamentosa) — quşqonmazkimilər fəsiləsinin yukka cinsinə aid bitki növü.
Mündəricat
Təbii yayılması[redaktə | əsas redaktə]
Şimali Amerikada Missisipi, Cənubi Karolina və Floridada geniş yayılmışdır.
Botaniki təsviri[redaktə | əsas redaktə]
Hündürlüyü 2-4 m-ə qədərdir. Gövdəsi yoxdur və ya çox zəif inkişaf etmişdir. Yarpaqları göyümtül-yaşıl rəngli, uzunluğu 70 sm-ə qədər, eni 4 sm olub, ucu biz xətvaridir, kənarlarında şoxsaylı ağ, nazik, buruq saplaqları, çoxlu yarpaq rozetləri vardır. Sarı və ya ağ yarpaqları olan alabəzək yarpaqlı formaları vardır. Çiçək süpürgəsinin hündürlüyü 1-3 m-ə çatır, süpürgə oxu çılpaqdır. Çiçəkləri sallaq, sarımtıl-ağ rəngdədir, 5-7 sm uzunluqdadır. Çiçəkləmə dövründə dekorativ görünür. Abşeronda iyun-iyul aylarında çiçək açır. Meyvəsi yumru qutucuqdur, diametri 5 sm-ə çatır. Süni tozlanma nəticəsində cücərmə qabiliyyətli toxumlar almaq olar. Bölünmüş gövdə ilə çoxaldılır.
Ekologiyası[redaktə | əsas redaktə]
Quraqlığa və istiyə davamlı kol bitkisidir. Kök sistemi torpağın dərinliyinə daxil olur. Tərkibində kalsium olan məhsuldar torpaq tələb edir. Abşeronun qısamüddətli şaxtalarına dözür.
Azərbaycanda yayılması[redaktə | əsas redaktə]
Lənkəran, Gəncə, Abşeron,Kür-Araz düzənliyi və Zaqatalada mədəni şəraitdə becərilir.
İstifadəsi[redaktə | əsas redaktə]
Bağlarda və parklarda dekorativ bitki kimi becərilir.
