Liza Dmitriyevanın ölümü

Vikipediya, azad ensiklopediya
Jump to navigation Jump to search
Liza Dmitriyeva
Liza Dmitriyeva 2022-ci ilin iyun-iyul aylarında
Liza Dmitriyeva 2022-ci ilin iyun-iyul aylarında
Doğum tarixi 6 mart 2018(2018-03-06)
Doğum yeri
Vəfat tarixi 14 iyul 2022(2022-07-14) (4 yaşında)
Vəfat yeri
Vətəndaşlığı

Liza Dmitriyeva (tam adı: Yelizaveta Dmitriyeva; 6 mart 2018, Vinnitsa14 iyul 2022, Vinnitsa) — 2022-ci ildə Rusiya-Ukrayna müharibəsi zamanı Rusiya Ordusunun hücumu nəticəsində öldürülən 4 yaşlı qız.

Həyatı[redaktə | mənbəni redaktə et]

Tam adı Yelizaveta Dmitriyeva olan Liza Dmitriyeva 2018-ci il martın 6-da Vinnitsa vilayətinin Vinnitsa şəhərində anadan olub. Lizada anadangəlmə Daun sindromu var idi. Diaqnoz hələ doğuşdan əvvəl məlum idi və tibb işçiləri uşağı abort eləməyə düşünürdülər. Amma ailə uşağı saxlamaqda israrlı idi. Loqopedin dediyinə görə, Liza ağıllı və bacarıqlı idi. Liza 6 aylıq olanda çətin əməliyyatdan uğurla çıxdı. Lizanın anası İrina Dmitriyeva mütamadi olaraq instagramda uşağın həyat uğurundan yazırdı və bənzər məsələlərdə başqa valideynlərə məsləhətlər verirdi.

Lizan valideynləri ilə birgə Kiyev şəhərində yaşayırdı. 2019-cu ilin iyununda Liza oturmağı öyrəndi. 15 aylıq qız üçün bu ciddi proqres idi. 2021-ci ilin noyabrında Liza COVID-19 (Koronavirus) virusuna yoluxdu və nəticədə qızda revmatoid artrit əmələ gəldi. 2021-ci ildə Ukraynanın birinci xanımı Olena Zelenskanın Milad bayramı ilə bağlı olan video-çarxında yer aldı. 2022-ci il fevralın 24-də başlanan Rusiya-Ukrayna müharibəsindən sonra ailə Kiyev şəhərindən beş saatlıq məsafədə olan Vinnitsa şəhərində yaşamağa başladı.

2022-ci il iyulun 14-də Liza və anası loqoped dərsindən qayıdırdı. Hücumdan bir müddət əvvəl anasının instagramda paylaşdığı videoda Liza çəhrayı rəngdə olan uşaq arabasını ilə bağda gedirdi. Həmin gün günorta saatlarında Rusiya Ordusunun Vinnitsa şəhərinə olan hücumundan sonra uşaq arabası və yanında olan uşaq meyidini fotoları internetdə yayıldı və qısa müddət ərzində bu hadisə bütün dünyada paylaşılaraq ciddi qınağa səbəbə oldu. Rusiya Ordusunun hücumu nəticəsində 4 yaşlı Liza öldü, anası İrina Dmitriyeva isə yaralandı.

İyulun 17-də Vinnitsa Kafedralında Liza ilə vida mərasimi oldu. Mərasimə gələnlər oyuncaqlar və güllər gətirmişdi. 4 yaşlı Liza "Çernova Kalina" mahnısının sədaları altında Sabarov qəbirstanlığında dəfn edildi. Lizanın anası ağır vəziyyətdə xəstəxanada olduğu üçün yeganə qızının vidasına gələ bilməmişdi.

2022-ci il iyulun 20-də ABŞ Konqresində Lizanın ölümü ilə bağlı video-çarx təqdim olundu.[1]

İstinadlar[redaktə | mənbəni redaktə et]

  1. British Broadcasting Corporation (BBC). "Олена Зеленська виступила у Конгресі США та попросила більше зброї, щоб зупинити Росію". www.bbc.com (ukrayna). 2022-08-31. 2022-08-15 tarixində arxivləşdirilib. İstifadə tarixi: 31.08.2022.