Loğman Həkim Universiteti

Vikipediya, azad ensiklopediya
Naviqasiyaya keç Axtarışa keç
Loğman Həkim Universiteti
Lokman Hekim Üniversitesi[1]
Loqonun şəkli
Xəritə
39°54′36″ şm. e. 32°47′24″ ş. u.
Əsası qoyulub 2017
Rektor Fatih Gültəkin
Tələbə sayı 4.800
Ölkə
Sayt lokmanhekim.edu.tr
Vikianbarın loqosu Vikianbarda əlaqəli mediafayllar

Loğman Həkim Universiteti — Ankarada yerləşən özəl Türkiyə universiteti. Sevgi Vəqfi tərəfindən 2017-ci ildə vəqf universiteti olaraq yaradılıb. 2018–2019-cu tədris ilində akademik fəaliyyətə başlayıb. Loğman Həkim Universiteti 1996-cı ildə yaradılmış Loğman Həkim Sağlamlıq Qrupunun bir hissəsidir. Universitet iki dildə, türk və ingilis dillərində təhsil verir.

Tarixi[redaktə | mənbəni redaktə et]

Loğman Həkim Universiteti 1996-cı ildə Ankarada yaradılan Loğman Həkim Sağlamlıq Qrupunun bir hissəsidir. Universitet 2017-ci ildə Sevgi Vəqfi tərəfindən vəqf universiteti kimi yaradılıb.[2] 2018–2019-cu tədris ilində isə akademik fəaliyyətə keçib.

2008-ci ildə xidmətə başlayan Loğman Həkim Ankara Xəstəxanası, 1 yanvar 2020-ci il tarixindən etibarən "Loğman Həkim Universiteti Ankara Xəstəxanası" olaraq müalicə xidmətləri ilə yanaşı akademik fəaliyyətlərlə də məşğul olmağa başlayır. 2021-ci ildə Loğman Həkim Sağlamlıq Qrupu, "Loğman Həkim Universiteti Söğütözü Diş Xəstəxanası"nı istifadəyə verib.[3]

Universitet 12 avqust 2020-ci ildə Səhiyyə Xidmətləri Peşə Məktəbi daxilində İlk və Təcili Yardım Texniki və Anesteziya Texniki Proqramları ilə ilk məzunlarını verib.[4]

Hazırda universitetin rektoru Fatih Gültəkindir.

Akademik[redaktə | mənbəni redaktə et]

Loğman Həkim Universiteti Tibb fakültəsi, Stomatologiya fakültəsi, Əczaçılıq fakültəsi, Sağlamlıq Elmləri fakültəsi, İdman Elmləri fakültəsi olmaqla 5 fakültə üzrə tədris verir. Universitet daxilində Sağlamlıq Xidmətləri Peşə Məktəbi, Səhiyyə Elmləri İnstitutu fəaliyyət göstərir. Universitetdə 4800-ə yaxın tələbə təhsil alır.[4] Universitetin Tətbiq və Tədqiqatlar Mərkəzinin tərkibində 16 mərkəz fəaliyyət göstərir.[5]

Səhiyyə elmləri sahəsində milli və beynəlxalq işləri dərc edən universitetə bağlı Lokman Hekim Health Sciences beynəlxalq jurnalı fəaliyyət göstərir. Hər il aprel, avqust və dekabr aylarında 3 buraxılışı dərc olunur.[6]

İstinadlar[redaktə | mənbəni redaktə et]

  1. ↑ https://web.archive.org/web/20230815060630/https://uye.ankos.org.tr/uyeler/.
  2. ↑ "Lokman Hekim Üniversitesi kuruluyor". www.ntv.com.tr (türk). İstifadə tarixi: 2024-04-16.
  3. ↑ Grubu, Lokman Hekim Sağlık. "Hakkımızda – Lokman Hekim Sağlık Grubu – Lokman Hekim Sağlık Grubu". https://www.lokmanhekim.com.tr/ (türk). 2022-07-07 tarixində arxivləşdirilib. İstifadə tarixi: 2024-04-16.
  4. ↑ 1 2 "About Our University – Lokman Hekim Üniversitesi". www.lokmanhekim.edu.tr. 2024-04-18 tarixində arxivləşdirilib. İstifadə tarixi: 2024-04-16.
  5. ↑ "Research and Application Centers – Lokman Hekim Üniversitesi". www.lokmanhekim.edu.tr. 2024-04-18 tarixində arxivləşdirilib. İstifadə tarixi: 2024-04-16.
  6. ↑ "Aims & Scope". www.lokmanhekimhs.com. 2023-09-27 tarixində arxivləşdirilib. İstifadə tarixi: 2024-04-16.
Mənbə — "https://az.wikipedia.org/w/index.php?title=Loğman_Həkim_Universiteti&oldid=7590815"