Lotu Quli

Vikipediya, azad ensiklopediya
Jump to navigation Jump to search
Lotu Quli
Nadir Nəriman oğlu Səlifov
New photo of Salifov Nadir 2020.jpg
Doğum tarixi 28 avqust 1972(1972-08-28)
Doğum yeri Məmişli, Dmanisi, Gürcüstan SSR, SSRİ
Vəfat tarixi 20 avqust 2020(2020-08-20) (47 yaşında)
Vəfat yeri
Vətəndaşlığı
Atası Nəriman Səlifov
Milliyyəti Azərbaycanlı
Fəaliyyəti Qanuni oğru

Nadir Nəriman oğlu Səlifov (28 avqust 1972, Məmişli, Dmanisi rayonu20 avqust 2020, Antalya) — Qanuni oğru.

Həyatı[redaktə | mənbəni redaktə et]

Nadir Səlifov 1972-ci il avqust ayının 28-də Gürcüstanın Dmanisi rayonunda doğulub. "Quli" gürcü dilində "ürək" deməkdi. Kriminal aləm ona bu ləqəbi ürəkli olduğuna görə verib. "Quli" Marneulidə doğulan azərbaycanlı Otari Bədəlovla ("Otar") yaxın dost olub. "Otar"ın 2003-cü il martın 21-də Moskvadakı "Suşi" barda naməlum şəxslər tərəfindən güllələnməsindən sonra "Lənkəranski"yə "oğru" adı verən "Nardaranlı Mirseymur" da qətlə yetirilir ki, bunu da indiyədək "Quli"nin qisas cavabı hesab edənlər var. İllərdir bu qarşılıqlı qətllər davam edir və son olaraq bu ilin fevralında Moskvada kı "Abşeron" restoranında baş vermiş atışmada da "Quli" və "Lənkəranski" tərəfdarları arasında itkilər olub. Gürcüstan doğumlu azərbaycanlı "qanuni oğru"lar və kriminallar bu davada əsasən "Quli"ni dəstəkləyir. Vaxtilə onlar bu dəstəyi Rusiya kriminalının "xaç atası" sayılan, Gürcüstan doğumlu Aslan Usoyandan da ("Ded Xasan") alıblar. "Quli"nin Gürcüstana ekstradisiyası məsələsi bir neçə dəfə gündəmə gəlsə də, bu da hansısa səbəbdən mümkün olmayıb. Azərbaycanda qətl hadisəsində suçlu bilinərək 15 il müddətinə azadlıqdan məhrum edilən "Quli"nin vəkillərinin sözlərinə görə, o həbs edildiyi zaman Gürcüstanda verilən keçmiş SSRİ-nin pasportunu daşıyıb. İddiaya görə, "Quli" həbsxanada olduğu bu illərdə Azərbaycan vətəndaşlığı alması ilə bağlı rəsmi müraciət etməyib.

Vəkillərindən birinin "Quli"yə istinadən dediyi bir cümlə də maraqlıdır: "Məni azad etsinlər, Azərbaycanda 1 saat belə qalmaram…" "Quli"nin həbs müddəti azaldığı bir vaxtda qardaşı Müşfiq Səlifovu da həbs etdilər. Voleybol oyununa baxmağa gələn universitet tələbəsi M.Səlifovun üstündən rəsmi məlumata görə, "tapança tapılmışdı". M.Səlifovun həbsindən sonra Azərbaycanın bir neçə həbsxanasında "qiyama cəhd" oldu ki, bu işdə də rəsmilər nədənsə, "Quli"ni məsul tuturdular.[1]


" Siyasətlə məşğul deyiləm, mənim öz ideyam var: ədalət və təmizlik. Bu məhkəmə prosesinin qapalı keçməsinin əleyhinə olmuşam. Çünki mənim gizlədiləsi heç nəyim yoxdur və mən düzəm. Mən bu gün Azərbaycanda yeganə ”qanuni oğru"yam ki, Azərbaycan həbsxanalarındakı sözübütöv dustaqların və gənclərin taleyi mənim üçün əhəmiyyətsiz deyil. Bu ilin payızında mənim “zon”lara bütün növ narkotikdən istifadənin qadağan olunması barədə “proqonum” olub. Və hər şey də bundan sonra başlayıb... Çünki mən həbsxanalarda narkotik satışında külli miqdarda pul əldə edənlərin biznesi üçün əngəl yaratmışam. Mən “qanuni oğru”yam və mənim üçün “oğru” şərəfi hər şeydən üstündür. Mən siyasətlə məşğul deyiləm, mənim öz ideyam var: ədalət və təmizlik... "


20 avqust 2020-ci ildə gecə saatlarında Türkiyənin Antalya şəhərində güllələnərək qətlə yetirilmişdir.

İstinadlar[redaktə | mənbəni redaktə et]

  1. "Qanundan kənar qanuni oğrular". 2012-03-02 tarixində orijinalından arxivləşdirilib. İstifadə tarixi: 2012-03-02.

Həmçinin bax[redaktə | mənbəni redaktə et]