Lyubov Qakkebuş

Vikipediya, azad ensiklopediya
Naviqasiyaya keç Axtarışa keç
Lyubov Qakkebuş
Doğum tarixi 14 (26) sentyabr 1888
Doğum yeri
Vəfat tarixi 28 may 1947(1947-05-28) (58 yaşında)
Vəfat yeri
Dəfn yeri
  • Lukyanovski qəbiristanlığı[d]
Fəaliyyəti aktrisa
Mükafatları Ukrayna SSR xalq artisti
Vikianbarın loqosu Vikianbarda əlaqəli mediafayllar

Lyubov Mixaylivna Qakkebuş (ukr. Любов Михайлівна Гаккебуш; 14 (26) sentyabr 1888, Nemirov[d], Podolsk quberniyası[d] – 28 may 1947, Kiyev) — Ukraynalı səhnə aktrisası, müəllim və tərcüməçi, Ukrayna SSR xalq artisti (1943).[1] O, 80-dən çox aparıcı və köməkçi rolu, o cümlədən Vilyam Şekspirin "Makbet" pyesində Ledi Makbet və Henrik İbsenin "Kabuslar" pyesində Fru Alvinq rollarını ifa edib.[2]

Erkən həyat və təhsil[redaktə | mənbəni redaktə et]

Lyubov Qakkebuş 26 sentyabr 1888-ci ildə Rusiya İmperiyasının Nemirov şəhərində anadan olub.[3] O, Moskva Kamerni teatrında oxuyub və Moskvada Ukraynanın Kobzar klubunun səhnələşdirdiyi həvəskar tamaşalarda çıxış edib.[4]

Karyera[redaktə | mənbəni redaktə et]

Qakkebuş 1917-ci ildə Kiyevdəki Ukrayna Xalq Teatrının səhnəsində Miss (Aleksandr Olesin "Payız" əsəri) rolunda debüt edib.[1] O, 1919–1921-ci illərdə Kiyevdə Ukrayna Sovet Respublikasının Şevçenko adına Birinci Teatrında, 1921–1922-ci illərdə isə Vinnitsada İvan Franko adına Milli Akademik Dram teatrında oynamışdır.[5]

Qakkebuş 1922-ci ildən 1926-cı ilə qədər Berezil teatrında çalışmış[1] və 1926-cı ildə əri Vasil Vasilko Qakkebuş ilə birlikdə Odessaya köçmüşdür.[3] O 1926–1928-ci illərdə Odessanın Ukrayna Dram Teatrında işləyib.[4] 1928-ci ildə Qakkebuş və Vasilko Xarkova köçdülər və burada Qakkebuşun əri Çervonozavodsk Ukrayna Dram Teatrının bədii rəhbəri oldu.[3][6] Qakkebuş 1933-cü ilə qədər Xarkovdakı Çervonozavodsk Ukrayna dram teatrında,[5] 1933–1938-ci illərdə isə Donetsk Tatrında işləmişdir.

Qakkebuş İkinci Dünya Müharibəsi illərində evakuasiyada olan Şevçenko adına Xarkov Ukrayna teatrının truppasına qatılıb.[5] O, 1943-cü ildə Ukrayna SSR xalq artisti adına layiq görülüb.[1]

Qakkebuş aktyorluqdan başqa teatrlarda, Kiyev Lısenko Musiqi və Dram İnstitutunda (1922–1926), Odessa (1926–1928) və Xarkovdakı (1929–1933) musiqi və dram institutlarında, həmçinin Kiyev Teatr İncəsənəti İnstitutunda (1944–1947) aktyorluq sənətindən dərs demişdir.[4]

1944-cü ildən etibarən Qakkebuş Kiyevdə məskunlaşdı və tərcümə işi ilə məşğul olmağa başladı. O, Molyer, Qorki ("Burjua"), Trenyov, Afinogenov və Romaşovun Ukrayna dilinə tərcümələrinin müəllifidir.[7]

Lyubov Qakkebuş 28 may 1947-ci ildə Kiyevdə vəfat etmişdir.[4]

1970-ci ildə Lyubov Qakkebuşun 1938–1947-ci illərdə Kiyevin Velyka Jitomıska küçəsi, 17-də yaşadığı evin fasadına qranitdən xatirə lövhəsi vurulmuşdur.[7]

İstinadlar[redaktə | mənbəni redaktə et]

  1. ↑ 1 2 3 4 "Гаккебуш Любов Михайлівна — Енциклопедія Сучасної України". esu.com.ua (ukrayna). 2021-11-27 tarixində arxivləşdirilib. İstifadə tarixi: 2021-11-27.
  2. ↑ Makaryk, Irene Rima. Shakespeare in the Undiscovered Bourn: Les Kurbas, Ukrainian Modernism and Early Soviet Cultural Politics (ingilis). University of Toronto Press. 2004-01-01. 10. ISBN 978-0-8020-8849-9. 2024-03-16 tarixində arxivləşdirilib. İstifadə tarixi: 2024-03-16.
  3. ↑ 1 2 3 "Гаккебуш Любовь Михайловна". odessa-memory.info (rus). 2021-11-27 tarixində arxivləşdirilib. İstifadə tarixi: 2021-11-27.
  4. ↑ 1 2 3 4 "Hakkebush, Liubov". www.encyclopediaofukraine.com (ukrayna). 2021-11-27 tarixində arxivləşdirilib. İstifadə tarixi: 2021-11-27.
  5. ↑ 1 2 3 "Любовь Гаккебуш". Кино-Театр.Ру (rus). 2021-11-27 tarixində arxivləşdirilib. İstifadə tarixi: 2021-11-27.
  6. ↑ "ГАККЕБУШ". leksika.com.ua (ukrayna). 2016-11-20 tarixində arxivləşdirilib. İstifadə tarixi: 2021-11-27.
  7. ↑ 1 2 "Гаккебуш Любовь Михайловна. Мемориальная доска". КИЕВФОТО (rus). İstifadə tarixi: 2021-11-27.[ölü keçid]
Mənbə — "https://az.wikipedia.org/w/index.php?title=Lyubov_Qakkebuş&oldid=7590896"