Lyuis Hatçinson

Vikipediya, azad ensiklopediya
Naviqasiyaya keçin Axtarışa keçin
Lyuis Hatçinson
Doğum tarixi 1733
Doğum yeri
Vəfat tarixi 16 mart 1773(1773-03-16)
Vəfat səbəbi asılma[d]
Fəaliyyəti seriyalı qatil

Lyuis Hatçinson (ing. Lewis Hutchinson; 1733, Şotlandiya16 mart 1773) — Yamaykada yaşamış şotland immiqrant, Yamayka tarixində qeydə alınmış ilk seriyalı qatil.[1]

Həyatı[redaktə | mənbəni redaktə et]

Edinburq qalasının Dəli Ustası və Dəli Doktoru kimi daha yaxşı tanınan Hatçinson 1733-cü ildə Şotlandiyada anadan olmuşdur. Onun burada tibb təhsili aldığı güman edilir.[1]

1760-cı illərdə Edinburq qalası adlı mülkə rəhbərlik etmək üçün Yamaykaya getmişdir. Deyilənə görə, o, evi qanuni yolla əldə etmişdir, lakin öz mal-qarasını qonşulardan oğurluq yolu ilə saxlamışdır.[2]

Hatçinson Yamaykaya gəldikdən qısa müddət sonra səyahətçilər yoxa çıxmağa başlamışdır. Edinburq qalası uzun illər Sent-Enn körfəzindən gedən yolda yerləşən yeganə məntəqə idi. Səyahətçilər bu qalada dincəlirdi, ancaq Hatçinson tərəfindən öldürüldülər. Onun qurbanları bütün irqlərdən, formalardan, ölçülərdən və iqtisadi siniflərdən idilər. [3]

Hatçinsonun törətdiyi qətllər ilə bağlı nəyin doğru olduğu mübahisəlidir. O, tək səyahətçiləri güllələyirdi və deyilənə görə, qurbanlarının qanı ilə qidalanır, həm də onları =n bədənlərini parçalayırdı. Bəzi mənbələrə görə, o, öz qurbanlarının qalıqlarını heyvanların ziyafəti üçün pambıq ağacına və ya çuxura atırdılar. Həmin çuxur Hatçinson çuxuru kimi tanınmışdır.[1]

Edamı[redaktə | mənbəni redaktə et]

Hatçinsonun şöhrəti onu diqqət altına almışdı, çünki bir çoxları qorxusundan ondan qaçırdılar. Qurbanlarına olan rəftarı haqqında nağıllar və qətllərin təfərrüatları onu əfsanəvi etmişdi. Buna görə Hatçinson bir müddət səlahiyyətlilərdən yayınmışdır. Hatçinson onu tutmağa cəhd edən Con CKlendar adlı britaniyalı əsgəri vurandan sonra Köhnə limana doğru hərəkət etmiş və gəmiyə minmişdir. Admiral Rodninin komandanlıq etdiyi Kral Donanması Hatçinsonu qaça bilməmişdən əvvəl tutmuşdur.[1][2]

Yaxalandıqdan qısa müddət sonra mühakimə olunmuş və təqsirli bilinmişdir. 1773-cü ildə İspan Şəhər meydanında asılmışdır. Son pul məbləği məlum olmasa da, həbs edildikdən sonra Hatçinsonun mülkündə axtarış aparıldıqdan sonra təxminən 43 saat və külli miqdarda paltar tapılmışdır.[3][4]

İstinadlar[redaktə | mənbəni redaktə et]

  1. 1 2 3 4 Tortello, Dr. Rebecca. "Lewis Hutchinson: The Mad Master". Jamaica Gleaner. Pieces of the Past. 6 noyabr 2002. 27 yanvar 2015 tarixində orijinalından arxivləşdirilib. İstifadə tarixi: 13 noyabr 2012.
  2. 1 2 "Edinburgh Castle". Jamaica National Heritage Trust. 2011. 3 April 2013 tarixində arxivləşdirilib. İstifadə tarixi: 13 November 2012.
  3. 1 2 Gilman, Dennis. Jamaica's Count Dracula. Gather Inc. 23 October 2009.
  4. C.V. Black, History of Jamaica (London: Collins, 1975), p. 115.

Əlavə ədəbiyyat[redaktə | mənbəni redaktə et]

  • Cundall, Frank, 1915, Historic Jamaica p. 295ff, Institute of Jamaica. Archive.org
  • Black, C.V., 1966, Tales of Old Jamaica, Longman Caribbean Ltd.
  • Black, C.V., 1983, The History of Jamaica, Longman Caribbean Ltd.