Mübariz Zeynalov

Vikipediya, azad ensiklopediya
Jump to navigation Jump to search
Mübariz Zeynalov
Mubariz Zeynalov.jpg
Ümumi məlumatlar
Ləqəbi Bol[1]
Doğum tarixi 18 mart 1945(1945-03-18)
Doğum yeri SSRİ, Azərbaycan SSR, Kirovabad
Vəfat tarixi 8 avqust 2015 (70 yaşında)
Vəfat yeri Azərbaycan Azərbaycan, Bakı
Vətəndaşlığı SSRİ SSRİ
Azərbaycan Azərbaycan
Boyu 172 sm[2] sm
Çəkisi 70 kq[2] kq
Mövqeyi yarımmüdafiəçi
Karyerası
Peşəkar karyerası[* 1]
"Alüminium Zavodu" (Kirovabad) ? (?)
"Dinamo" (Kirovabad) 1963-1966 ? (?)
"Neftçi" (Bakı) 1966-1972 ? (?)
"Dinamo" (Kirovabad) 1972-1974 ? (?)
Milli yığma[* 2]
Azərbaycan Azərbaycan 1992-1993
Məşqçisi olduğu klublar
"Kəpəz" (Gəncə) 1993 ? (?)

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Mübariz Zeynalov (d. 18 mart 1945, Kirovabad, Azərbaycan SSR, SSRİ – ö. 8 avqust 2015, Bakı, Azərbaycan) — Azərbaycan futbolçusu. "Neftçi"nin əfsanəvi 1960-cı illər nəslinin nümayəndələrindən biri.[3] Karyerası ərzində yarımmüdafiəçi mövqeyində çıxış etmişdir.[3]

Həyatı[redaktə | əsas redaktə]

Mübariz Zeynalov 1945-ci il martın 18-də Kirovabad şəhərində anadan olmuşdur.[3]

Uşaq yaşlarından futbola böyük həvəsi olan Zeynalov bu idmanı o zamanlar doğma şəhərin daşlı, qəmbərli küçələrində öyrənib.[3] 15-16 yaşlarında ikən qonşuluğunda yaşayan Ağa Abbasovun təklifi ilə onun oynadığı "Alüminium Zavodu" komandasında meydana çıxır.[1] Bir müddət orada oynadıqdan sonra onu 17 yaşında ikən "Dinamo" (Kirovabad) komandasının hazırlıq qrupuna götürdülər və bir il də orada oynayır.[1] 1964-cü ildə komandanın əsas heyətinə qəbul edilir.[1] 1965-ci ildə "Dinamo" "Klas B"-də çempion olaraq "A qrupu"na vəsiqə qazanır və Mübariz Zeynalov da SSRİ İdman Ustası adını qazanır.[2]

1966-cı ildən "Neftçi"nin heyətində çıxış edir.[1] 1968-ci ildə dizindən ciddi zədə alır və Moskvada əməliyyat olunur.[1] Bu səbəbdən də 1 il oynamır.[1] 1969-cu il mövsümünün yarısından yenidən oynamağa başlayır.[1] Ümumilikdə "Neftçi"də 130-a yaxın görüş keçirmişdir.[1]

Həmin vaxtlarda Kirovabadda Kənd Təsərrüfatı İnsitutunda oxuyurdu, amma onu oyunlar səbəbindən smesterlərə gedə bilmədiyi üçün təhsildən xaric etmişdilər.[1] Elə bu vaxtlarda Bakıda yataqxana liftində təsadüfən Kirovabadın ikinci katibi Tofiq Kazımov ilə qarşılaşır. Hansı ki, o, institutlara nəzarət edirdi.[1] Mübariz ona İnstitutdan çıxarıldığını deyir və ondan köməklik istəyir.[1] Tofiq Kazımov bildirdi ki, onu instituta bərpa etmək çox asandır.[1]

"Amma bir şərtim var. Gəl Kirovabadda oyna, səni İnstitutuna qaytarım və bir ev verəcəm".[1]

Beləliklə 1972-ci ildə Kirovabada qayıdır, İnstitutun 3-cü kursuna bərpa edilir[2] və iki il orada oynadıqdan sonra 1974-cü ildə 29 yaşında ikən futbolçu karyerasını başa vurur.[1] Bu haqda sonralar o, belə demişdir:

"Bəzi şeylərə görə peşmanam. Karyeramı erkən bitirdiyimə görə, futboldan uzun illər kənarlaşdığıma görə peşmanam. Nə etmək olar, həyat davam edir, qismət belə imiş.".[2]

1992-1993-cü illərdə Ruslan AbdullayevAğasəlim Mircavadovla birlikdə Azərbaycan milli futbol komandasında məşqçi, 1993-cü ildə "Kəpəz"də baş məşqçi kimi fəaliyyət göstərib.[1]

Uzun bir müddət futboldan kənar qaldıqdan sonra, 2010-cu ildən AFFA-da seleksiyaçı-məşqçi kimi çalışmışdır.[1]

Ömrünün sonunda – 31 mart 2015-ci ildən[4] "Neftçi" PFK-nın Müşahidə Şurasının üzvü idi.[5]

Vəfatı[redaktə | əsas redaktə]

Mübariz Zeynalov 2015-ci ilin avqust ayının 8-də vəfat etmişdir.[5] O, uzun müddət müalicə aldığı Mərkəzi Neftçilər Xəstəxanasında dünyasını dəyişmişdir.[6] Ömrünün son aylarda 2 dəfə ürəktutma diaqnozu ilə xəstəxanaya yerləşdirilmişdir.[6] Sonuncu dəfə veteran futbolçunun vəziyyəti ölümündən bir ay öncə pisləşmiş və o, komadan ayılmamışdır.[6]

Ailəsi[redaktə | əsas redaktə]

1970-ci ildən nişanlı olmuş və karyerasını başa vurduqdan sonra 1974-cü ildə ailə qurmuşdur.[1] Onların 2 qız və bir oğlu dünyaya gəlmişdir.[1]

Uğurları[redaktə | əsas redaktə]

SSRİ çempionatı
  • "A qrupu":
    • Bürünc medal (1): 1966
  • "Klas B":
    • Qızıl medal (1): 1965

İstinadlar[redaktə | əsas redaktə]

  1. 1 2 3 4 5 6 7 8 9 10 11 12 13 14 15 16 17 18 19 Aygün İlqarqızı. "II Taym" layihəsi: “Dedim ki, bu qız mənim qismətimdir” – Azərbaycanın Bolu – FOTOLAR. publika.az, 19.10.2013  (azərb.)
  2. 1 2 3 4 5 "FUAD MUSAYEVİN BUNU NİYƏ ETDİYİ BU GÜNƏ KİMİ MƏNƏ QARANLIQ QALIR". supersport.az  (azərb.)
  3. 1 2 3 4 AFFA “bürünc” veteranı təbrik etdi. publika.az, 14.03.2015  (azərb.)
  4. Çingiz Abdullayev "Neftçi"nin Müşahidə Şurasının sədri seçildi (ƏLAVƏ OLUNUB-2) (FOTO). trend.az, 31.03.2015  (azərb.)
  5. 1 2 Azərbaycanın veteran futbolçusu vəfat etdi. qafqazinfo.az, 09.08.2015  (azərb.)
  6. 1 2 3 "Neftçi"nin bürünc heyətinə daha bir ağır itki. sportnet.az, 09.08.2015  (azərb.)