Müseyib Müseyibov

Vikipediya, azad ensiklopediya
Jump to navigation Jump to search
Müseyib Müseyibov
Müseyib Ağababa oğlu Müseyibov
Müseyib Müseyibov.jpg
Doğum tarixi
Doğum yeri Qaraxanlı, Tovuz
Vəfat tarixi (84 yaşında)
Vəfat yeri Bakı
Vətəndaşlığı
Elm sahəsi Geomorfologiya
Elmi dərəcəsi Coğrafiya elmləri doktoru
Elmi adı professor
İş yeri BDU

Müseyib Müseyibov (azərb. Müseyib Ağababa oğlu Müseyibov ‎; d.5 may 1927, Tovuz, Qaraxanlı k. - ö. 4 sentyabr 2011, Bakı) — coğrafiya elmləri doktoru, professor, əməkdar elm xadimi.[1]

Həyatı[redaktə | mənbəni redaktə et]

Müseyib Müseyibov 1927-ci il may ayının 5-də Tovuz rayonunun Qaraxanlı kəndində anadan olmuşdur. Orta və ali məktəbi İkinci dünya müharibəsi illərində bitirmişdir. 1949-cu ildə Azərbaycan Dövlət Universitetində (indiki BDU) aspiranturaya daxil olmuş, 1954-cü ildə "Ceyrançölün geomorfologiyası" mövzusunda namizədlik dissertasiyasını müvəffəqiyyətlə müdafiə edib, 27 yaşında coğrafiya elmləri namizədi elmi dərəcəsi almışdır.

Fəaliyyəti[redaktə | mənbəni redaktə et]

1954-cü ildən ADU-nun Fiziki coğrafiya kafedrasında çalışmış, 1955-ci ildə dosent vəzifəsinə seçilmiş və 1960-cı ildən həmin kafedraya rəhbərlik etməyə başlamışdır. Müəllimləri Heydər Əfəndiyev, Məmmədəmin Salayev, Hadı Əliyev, Abdulla Şahbazov və başqalarının əhatəsində elmi fəaliyyətini davam etdirərək, 1963-cü ildə "Orta Kür əyilməsinin geomorfologiyası" mövzusunda doktorluq dissertasiyasını müdafiə etmiş, 1964-cü ildə professor elmi adı almışdır. Ötən əsrin 70-ci illərindən keçmiş SSRİ Ali Təhsil Nazirliyinin Ali Coğrafiya Təhsili elmi-metodik şurasının (hazırda Rusiya Federasiyasında) üzvü, Azərbaycan SSR Ali Təhsil, sonralar Təhsil Nazirliyi elmi-metodik şurasının sədri kimi fəaliyyət göstərmişdir. 1990-cı ildən BDU-nun Coğrafiya fakültəsinin dekanıdır. Azərbaycan Respublikası Prezidenti yanında Ali Attestasiya Komissiyasının Yer elmləri üzrə ekspert şurasının üzvüdür. Onun rəhbərliyi ilə 20-dən artıq elmlər doktoru və elmlər namizədi yetişmişdir.

Coğrafiya elmi və onun aparıcı sahələrindən olan landşaftşünaslıq, geomorfologiya və neotektonik hərəkətlərin tədqiqi sahəsində apardığı araşdırmalar təkcə Azərbaycanda deyil, keçmiş SSRİ-nin bir çox respublikalarında, həmçinin Almaniya, Fransa və s. ölkələrdə öyrənilmişdir. 400-dən artıq məqalənin, 9 monoqrafiyanın, 25 kitabın müəllifidir.[1]

Beynəlxalq konfranslarda iştirakı[redaktə | mənbəni redaktə et]

Dəfələrlə beynəlxalq simpozium, konqres və konfranslarda iştirak etmişdir. 1972-ci ildə Kanadada, 1976-cı ildə isə Moskvada keçirilən Beynəlxalq Coğrafiya Konqresinin, 1980-ci ildə "Palecoğrafiyaya aid sovet" Amerika simpoziumunun, SSRİ Coğrafiya Cəmiyyətinin Qurultaylarının (Lvov, Tbilisi, Bişkek, Leninqrad, Moskva və s.) iştirakçısı olmuşdur. Beynəlxalq məzmunlu elmi-tədqiqatlarını davam etdirmiş, Almaniya, Fransa, Rusiya, Gürcüstan alimlər ilə birgə "Qafqazın geosiyasi xəritəsi" üzərində işləmişdir.

Seçilmiş əsərləri[redaktə | mənbəni redaktə et]

  • Altıağac Təcrübə Bazasında tələbələrin çöl tədris təcrübəsinin təşkili.

Kitabları[redaktə | mənbəni redaktə et]

  • География (учебное пособие для фбитуриентов, учашихя старших классов и предподавателей) Аbiturient, Dtqk, 2008
  • Антропогенное трансформация природной среды Южного Кавказа (Tbilisi, Sovstor),
  • Türk dünyasının coğrafiyası. XI sinif. Bakı: Təhsil, 2008
  • Coğrafiya (abiturientlər üçün proqram toplusu)

Vəfatı[redaktə | mənbəni redaktə et]

Professor 2011-ci il 4 sentyabr tarixində vəfat etmişdir.

İstinadlar[redaktə | mənbəni redaktə et]

  1. 1 2 "Müseyib Müseyibov". 23 January 2018 tarixində arxivləşdirilib. İstifadə tarixi: 2019-02-28.