Məhərrəm Zülfüqarlı

Vikipediya, azad ensiklopediya
Jump to navigation Jump to search
Məhərrəm Zülfüqarlı
Doğum tarixi 19 avqust 1955(1955-08-19) (66 yaş)
Doğum yeri

Məhərrəm Paşa oğlu Zülfüqarlı (19 avqust 1955, Ucar) — tarix üzrə elmlər doktoru, professor

Həyatı[redaktə | mənbəni redaktə et]

19 avqust 1955-ci ildə Azərbaycan Respublikasının Ucar rayonunda anadan olmuşdur. 1978-ci ildə Bakı Dövlət Universitetinin tarix fakültəsi əyani şöbəsini, 1986-cı ildə həmin universitetin aspiranturasını bitirmişdir.

Evlidir, 2 övladı var

1977–1980-ci illərdə dövlət təyinatı ilə Saatlı rayonu Nərimankənd orta məktəbində müəllim işləmişdir. 1980–1981-ci illərdə Azərbaycan SSR EA Tarix İnstitutunda baş laborant vəzifəsində çalışmışdır.

1981–1992-ci illərdə Azərbaycan Neft və Kimya İnstitutunun Sumqayıt filialında əvvəlcə müəllim, sonra isə baş müəllim vəzifələrində işləmişdir. 1990-cı ildə Bakı Dövlət Universitetinin Elmi Şurasında dissertasiya müdafiə edərək tarix elmləri namizədi alimlik dərəcəsini almışdır1998–2001-ci illərdə Bakı Dövlət Universitetində baş müəllim işləmişdir.

2000–2001-ci illərdə Bakı Biznes Universitetində baş müəllim, magistratura şöbəsinin müdiri vəzifələrində işləmişdir.

2007-ci ildən Azərbaycan Turizm və Menecment Universitetində çalışır. Hazırda həmin universitetin "İctimai fənlər " kafedrasının professorudur.

Universitetdə nəşr olunan. AAK-ın elmi nəşrlər üçün tövsiyyə etdiyi “ Turizm və otelçilik tədqiqatları” jurnalının məsul katibidir.

Elmi fəaliyyəti[redaktə | mənbəni redaktə et]

1990-cı ilədə BDU-nun tarix fakültəsində olan Müdafiə Şurasında dissertasiya müdafiə edərək tarix elmləri namizədi adını alıb.

2010-cu ildən dosentdir. 27 yanvar 2018-ci iltarixdə BDU-nun tarix fakültəsinin müdafiə şurasında müvəffəqiyyətlə elmlər doktoru elmi dərəcəsi almaq üçün dissertasiya müdafiə etmiş, Azərbaycan Respublikası Prezidenti yanında Ali Attestasiya Komissiyasının Rəyasət Heyətinin 04 iyul 2018-ci il tarixli qərarı ilə tarix üzrə elmlər doktoru elmi dərəcəsi almışdır.

AMEA Tarix İnsititutunun nəzdində tarix üzrə elmlər doktoru və fəlsəfə doktoru elmi dərəcələri almaq üçün təşkil olunmuş Müdafiə Şurasının üzvüdür.

185 elmi əsərin, o cümlədən 76 kitabın, 101 elmi məqalənin, 8 medodik işin, 600-dən artıq qəzet məqaləsinin müəllifidir.

"Фальсифицированная история Азербайджана с советскими памятниками"     və  "Роль татаро-монголов в истории Азербайджана  (Альтернативный подход к истории XIII-XIV веков)" kitabları rus, ingilis, fransız, alman, italyan, ispan, portuqal dillərində LAP LAMBERT ACADEMIC PUBLISHING nəşriyyatı tərəfindən nəşr olunub.

İctimai-siyasi fəaliyyəti[redaktə | mənbəni redaktə et]

1992–1993-cü illərdə Sumqayıt şəhər İcra Hakimiyyəti başçısı aparatında humanitar məsələlər üzrə şöbə müdiri vəzifəsində çalışmışdır.

1994–1995-ci illərdə Sumqayıt şəhər Mənzil Təsərrüfat Birliyində baş metodist işləmişdir. 1995–1996-cı illərdə Sumqayıt Texnologiya Texnikumunda müəllim işləmişdir.

1997-ci ilin aprel-dekabr aylarında "Vətəndaş Cəmiyyəti Uğrunda" Müstəqil Məsləhət və Yardım Mərkəzində jurnalist vəzifəsində işləmişdir.

2004–2005-ci illərdə Azərbaycan Milli Araşdırma Assosiasiyasının icraçı direktor vəzifəsində çalışmışdır.

2005-ci ilin May-Oktyabr aylarında "İctimai Liderlər" seçki blokunun rəhbəri olmuşdur. 2005-ci ilin Dekabr ayından İctimai Problemlərin Tədqiqi Assosiasiyasının sədridir.

2007-ci ilin Sentyabr ayından Azərbaycanda Vətəndaş Cəmiyyətinə Yardım Assosiasiyası (AVCİYA) Seçki Qərargahının rəhbəri, 2020-ci ildən AVCİYA-nın Vitse prezidentidir.

Milli QHT Forumu İdarə Heyətinin üzvüdür.

Mükafatları[redaktə | mənbəni redaktə et]

Azərbaycan Respublikası Prezidentinin 27 may 2019-cu il 1205 nömrəli sərancamı ilə "Azərbaycan Xalq Cümhuriyyətinin 100 illiyi (1918–2018)" Yubley Medalı ilə təltif olunub.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Fəxri Fərmanı,

Millli QHT Forumunun İdarə Heyətinin Fəxri Fərmanı, Azərbaycan Turizm və Menecment Universiteti Rektorunun Fəxri Fərmanı,

Şah İsmayıl Xətainin fəaliyyətinə həsr olunmuş beynəlxal elmi konfransın (İİR Ərdəbil şəhəri 06 avqust 2014) qızıl nişanı, stolüstü medalı ilə təltif olunub.

İstinadlar[redaktə | mənbəni redaktə et]