Məleykə Əsədova

Vikipediya, açıq ensiklopediya
Keçid et: naviqasiya, axtar
Məleykə Əsədova
Məleykə Əsədova.jpg
portret
Doğum tarixi: 23 aprel 1967 (1967-04-23) (50 yaş)
Doğum yeri: Neftçala, Flag of the Azerbaijan Soviet Socialist Republic.svg Azərbaycan SSR
Vətəndaşlıq:Flag of Azerbaijan.svg Azərbaycan
Milliyyəti:azərbaycanlı
Mükafatları:
Azərbaycan Respublikasının Xalq artisti
Rəsmi veb saytı

Məleykə Əlifağa qızı Əsədova — Azərbaycan aktrisası, Azərbaycan Respublikasının Xalq artisti (2000)[1]

Həyatı[redaktə | əsas redaktə]

Məleykə Əlifağa qızı Əsədova 1967-ci il aprel ayının 23-də Neftçala rayonunda anadan olub.

1983-cü ildə Mirzağa Əliyev adına Azərbaycan Dövlət İncəsənət İnstitutuna daxil olub. Məleykə Əsədova 1989-cu ildə Dövlət Gənclər Teatrının truppasına daxil olub. Bu kollektivdə çalışan aktrisa teatrın beş tamaşasında rol oynayıb. Həmin səhnə obrazları aşağıdakılardır:

  • Gültəkin ("Aydın", Cəfər Cabbarlı),
  • Nəzifə ("Dağ tikirik", Vaqif Səmədoğlu),
  • Tamara ("Dadaşbala əməliyyatı", Rəhman Əlizadə),
  • Sədəf (Sultanqulu körpüsü, İsi Məlikzadə),
  • Leyli ("Leyli və Məcnun", Məhəmməd Füzulinin eyniadlı poeması əsasında dramatik kompozisiya).

1993-cü ildə Akademik Milli Dram Teatrının truppasına daxil olub. Onun səhnə rolları bioqrafiyasına Akademik teatrda ifa etdiyi aşağıdakı rollar daxildir:

  • Dilarə ("Əcəb işə düşdük", Şıxəli Qurbanov),
  • Zərifə ("Nişanlı qız", Sabit Rəhman),
  • Nübar ("Məhəbbət yaşadır", Nahid Hacızadə),
  • Şahanə ("Ana intiqamı", Vidadi Babanlı),
  • Kordeliya ("Kral Lir", Uilyam Şekspir),
  • Şirin ("Fərhad və Şirin", Səməd Vurğun),
  • Selcan ("Özümüzü kəsən qılınc", Bəxtiyar Vahabzadə),
  • Çılğın ("Dar ağacı", Bəxtiyar Vahabzadə),
  • Arzu ("İkinci səs", Bəxtiyar Vahabzadə),
  • Gültəkin ("Aydın", Cəfər Cabbarlı),
  • Züleyxa və Kleopatra ("Misir gecələri", Məmməd Səid Ordubadi, Nazim Hikmət, Uilyam Şekspir),
  • Nurcahan ("Mənim günahım", İlyas Əfəndiyev),
  • Qadın ("Cəhənnəm sakinləri", Elçin).

Azərbaycan Dövlət Televiziyasında hazırlanmış teletamaşalarda müxtəlif obrazlar yaratmışdır:

  • Jalə ("Yad qızı", Orxan Kamal),
  • Əfsanə ("İtkin gəlin" Əlibala Hacızadə),
  • Cavidan ("Dodaqdan qəlbə", Rəşad Nuri Güntəkin),
  • Sara ("Apardı sellər Saranı", Kəmalə Ağayeva),
  • Xurşidbanu Natəvan ("Güllələnmiş heykəllər", Hüseynbala Mirələmov)

Məleykə Əlifağa qızı Əsədova 1998-ci ildə Azərbaycan Respublikasının Əməkdar Artisti, 2000-ci ildə Xalq Artisti fəxri adı ilə təltif olunub. Prezident mükafatçısıdır. 2014-cü ildə Cəfər Cabbarlı adına Mükafata layiq görülüb. Həmçinin aktrisamızın rol aldığı tamaşalar hər zaman xalqımız tərəfindən yüksək qiymətləndirilmiş və hal- hazırda da sevilməkdədir. 30 aprel 2014-cü ildə,[2] 6 may 2015-ci ildə[3], 6 may 2016-cı ildə[4]1 may 2017-ci ildə[5] Prezident Mükafatına layiq görülmüşdür.

Ailə həyatı[redaktə | əsas redaktə]

Azərbaycan Dövlət Akademik Milli Teatrının aktrisası, xalq artisti, eyni zamanda müğənnilik edən Məleykə Əsədovanın iş adamı ilə ailə həyatı qurması böyük səs-küy yaratmışdı. Qeyd edək ki, xalq artistinin həyat qurduğu şəxs ondan əvvəl ailəli olub və övladları var. M.Əsədova da ailə qurarkən bundan xəbərdar olub. Çox qısa müddət davam edən bu evlilikdən M.Əsədovanın bir qızı dünyaya gəlib. Aktrisa ailə həyatının sona çatmasını uzun müddət gizlətsə də, sonradan bunu təsdiqləyib.[6]

Filmoqrafiya[redaktə | əsas redaktə]

  1. Gənc qadının kişisi (film, 1988)
  2. Yad qızı (film, 1990)
  3. İtkin gəlin (film, 1994)
  4. Apardı sellər Saranı (film, 1996)
  5. Taleyin qisməti (film, 1996-1997)
  6. Qırmızı qar (film, 1998)
  7. Güllələnmiş heykəllər (film, 2002)

İstinadlar[redaktə | əsas redaktə]

  1. "Azərbaycan Respublikasının mədəniyyət xadimlərinə fəxri adların verilməsi haqqında" Azərbaycan Respublikası Prezidentinin 28 oktyabr 2000-ci il tarixli, 414 nömrəli Fərmanı  (azərb.)
  2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  3. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  4. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  5. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az). President.az. http://president.az/articles/23481. İstifadə tarixi: 2017-05-02.
  6. Şou-biznesimizin boşanmış tanınmışları