Məmlan ibn Yəzid

Vikipediya, azad ensiklopediya
Jump to navigation Jump to search
Məmlan ibn Yəzid
Şəxsi məlumatlar
Vəfat tarixi 24 fevral 1067(1067-02-24)
Dəfn yeri Şamaxı
Sülalə Kəsranilər
Atası Yəzid ibn Əhməd

Məmlan ibn Yəzid — Şirvanşah şahzadəsi, Şirvan taxtına iddiaçı.

Həyatı[redaktə | əsas redaktə]

Şirvanşah Yəzid ibn Əhmədin oğlu idi. 22 noyabr 1066-cı ildə oğuz sərkərdəsi Qaratəkin ilə birlikdə Şamaxıya yürüşə başlamış və taxta iddia edirdi. Şirvanşah I Fəribürz əmisini məhv etmək üçün sultanın hacibinə gizlincə 6000 dinar verərək onu öz tərəfinə çəkmişdi.[1] "Tarix-i əl-Bab"da Məmlan ibn Yəzidin öldürülməsinin təfərrüatı nəql olunur:

"Hacib buna razılıq verib Qalabad qalasında oturan Məmlanı ziyafətə dəvət etdi. Məmlan ziyafətə gəldi. Onlar Məmlan sərxoş olana qədər yeyib – içdikdən sonra hacib onun Qalabada qayıtmasına icazə verdi. Bu vaxt Şirvanşah özünün saray adamlarından üç nəfəri – dayısı oğlu Ləşkəristanı, xidmətçisi Şadtəkini və hacibi Namdar ibn Müzəffəri yolda pusqu qurmağa göndərdi. Onlar sərxoş halda yanlarından keçən Məmlanın üstünə atılaraq, h.459-cu ilin rəbiülaxir ayında cümədən şənbəyə keçən gecə onu qəddarcasına qətlə yetirdilər. Məmlanın meyiti Yəzidiyyəyə gətirilərək orada dəfn edildi"

İstinadlar[redaktə | əsas redaktə]

  1. V.Minorski, Şirvan və Dərbəndin tarixi, 58-59