Məmmədəmin Əfəndiyev (professor)
| Məmmədəmin Əfəndiyev | |
|---|---|
| Doğum tarixi | 23 sentyabr 1897 |
| Doğum yeri | |
| Vəfat tarixi | 1984 |
| Vəfat yeri | |
| Elm sahəsi | tibb |
| Elmi dərəcəsi | |
| Elmi adı | |
| Mükafatları |
  |
Məmmədəmin Mustafa oğlu Əfəndiyev (23 sentyabr 1897, Şamaxı rayonu – 1984, Bakı) — Tibb elmləri doktoru, professor, Azərbaycan Terapevtlər Cəmiyyətinin sədri.[1][2]
Haqqında[redaktə | mənbəni redaktə et]
Məmmədəmin Mustafa oğlu Əfəndiyev 1897-ci il sentyabr ayının 23-də Şamaxı rayonunda anadan olmuşdur. M. M. Əfəndiyev 1934-cü ildə tibb elmləri doktoru elmi dərəcəsini, 1936-cı ildə professor elmi adını almış, Azərbaycan Dövlət Tibb İnstitutunun (indiki ATU) 1-ci müalicə-profilaktika fakültəsinin Daxili xəstəliklər propedevtikası kafedrasının professoru vəzifəsində işləmişdir.
Professor M. M. Əfəndiyevin elmi tədqiqatları, əsasən kurortologiya, neft sənayesi işçilərinin peşə xəstəlikləri və tibb tarixi problemlərinə həsr edilmişdir. Rus dilindən bir neçə daxili xəstəliklər dərsliyini (müəllifləri: M. V. Çernorudski, M. P. Konçalovski, A. L. Myasnikov) tərcümə etmiş, Azərbaycan dilində tibb termin-lərinin işlənib hazırlanmasında böyük xidməti olmuşdur.
Respublikada malyariya xəstəliyinin aradan qaldırılmasında böyük işlər həyata keçirmişdir. O, neftçilər arasında təsadüf edilən peşə xəstəliklərinin profilaktika və müalicə üsullarını öyrənmişdir. Əfəndiyevin ixtisaslı kadrlar hazırlanmasında xidmətləri var. Professor M. M. Əfəndiyev 1944-cü ildən ömrünün sonuna qədər Azərbaycan Tibb İnstitutu I Daxili xəstəliklər propedevtikası kafedrasının müdiri olmuşdur. 1954-cü ildən ömrünün sonuna qədər Azərbaycan Terapevtlər Cəmiyyətinin sədri olmuşdur.
M. M. Əfəndiyevin xidmətləri layiqincə qiymətləndirilmişdir. O, 1957-ci ildə Azərbaycan SSR-in "Əməkdar elm xadimi" fəxri adına layiq görülmüşdür. "Lenin" ordeni və bir neçə orden və medallarla təltif edilmişdir.
Görkəmli alim Məmmədəmin Əfəndiyev Mustafa oğlu 1984-cü ildə Bakı şəhərində vəfat etmişdir.[1][2]
İstinadlar[redaktə | mənbəni redaktə et]
- ↑ 1,0 1,1 ƏFƏNDİYEV Məmmədəmin Mustafa oğlu Arxivləşdirilib 2022-01-17 at the Wayback Machine — Şamaxı ensiklopediyasının rəsmi veb saytı. Arxivləşdirilib 2022-06-28 at the Wayback Machine
- ↑ 2,0 2,1 ASE, IV cild, Bakı, 1980, s. 245