Məni cəhənnəmə sürüklə (film, 2009)

Vikipediya, açıq ensiklopediya
Jump to navigation Jump to search
Məni cəhənnəmə sürüklə
ing. Drag Me to Hell
Məni cəhənnəmə sürüklə (film, 2009).jpg
Filmin rəsmi posteri
Janr Qorxu
Triller
Rejissor Sem Reimi
Prodüser Qrant Kartis
Robert Tapert
Ssenari müəllifi Sem Reimi
İvan Reimi
Baş rollarda Elison Lohman
Castin Lonq
Loma Raver
Dilep Rao
Devid Paymer
Adriana Barraza
Operator
  • Peter Deming[d]
Bəstəkar Kristofer Yanq
İstehsalçı Ghost House Pictures
Filmin növü Qorxu filmi
Vaxt 99 dəqiqə
Büdcə $30,000,000
Gəlir $90,842,646
$13,900,000
(DVD satışından)[1][2]
Ölkə ABŞ ABŞ
Dil İngiliscə
İspanca
İl 29 may 2009

Məni cəhənnəmə sürüklə (ing. Drag Me to Hell) — Amerika istehsalı olan qorxu/triller filmidir. Sem Reiminin rejissorluq etdiyi bu film 2009-cu ildə nümayiş olunub.

Məzmun[redaktə | əsas redaktə]

Los-Ancelesdə yaşayan və bir bankda işləyən Kristin Braun öz həyatından çox məmnundur. Klayton Dalton adlı professor ən yaxın dostu olan Kristin öz həyatını yaşamaqdadır. Lakin bu sakitçilik elə də uzun çəkmir. Belə ki, bir gün Silvia Qanuş adlı yaşlı qadın müştəri banka gələrək Kristindən müəyyən şərtlər altında kredit istəyir. Kristin bu məsələnin ona aid olmadığını lakin müdür ilə danışa biləcəyini deyir. Müdür isə ona onu göndərməsini deyərək razılıq vermir. Buna bərk əsəbiləşən Silvia bunun Kristinin ucbatından olduğunu fikirləşərək ona dəhşətli cadu edir. Kristinin pencəyinin qol düyməsini lənətləyərək ona verir. Ya Kristin bu cadudan xilas olacaq, ya da cəhənnəmə gedəcək.

Kristin çıxış yolu kimi cadugər Riamın yanına gedərək ondan kömək istəyir. Riam cadunun çox güclü olduğunu deyir və onu güclü cadugər Şaunun yanına aparır. Müəyyən ayinlər edərək lənəti pozmağa çalışırlar və bunu bacardıqlarını fikirləşirlər.

Lakin sonradan bunun belə olmadığı aydın olur. Riam Kristinə Silvianın qəbrinə gedərək (Silvia Qanuş artıq ölüdür) qəbri açıb həmin düyməni ora qoymasını məsləhət görür. Kristin qəbirstanlığa gedir, qəbri açır və çətinliklə də olsa zərfi qəbirə qoyaraq yorğun halda evə qayıdır.

Hər şeyin qurtardığını fikirləşən Kristin əşyalarını toplayaraq başqa şəhərə gedir. Dəmir yolu vağzalında sevgilisi onu gözləyir. Artıq ayrılan vaxt birdən ən yaxın dostu cibindəki zərfi çıxararaq onu maşındakı digər zərflərlə qarışdırdığını deyir və zərfi Kristinə uzadır. Bu həmin düymənin olduğu zərfdir. Kristin ən yaxın dostunun maşınındaykən onu əlindən salmış və digər zərflərlə qarışdırmışdı. Daha sonra isə tapdığını fikirləşmişdi. Qəbrə qoyduğu zərf isə boş zərfdir. Bunları xatırlayan Kristin qorxu ilə ağlayaraq geri çəkilməyə başlayır və bu vaxt yıxılaraq dəmir relslərinin üstünə düşür. Ən yaxın dostu Klayton dərhal əyilərək ona kömək etməyə çalışır. Lakin bu vaxt qatar gəlir. Ondan əvvəl dəmir relslər aralanaraq arasında Silvianın əlləri görünür. O Kristini alovlu cəhənnəmə aparır. Klayton isə dəhşətlər içərisində həmin relslərə və daha sonra isə əlində tutduğu düyməyə baxır.

Rollarda[redaktə | əsas redaktə]

  • Elison Lohman / Kristin Braun - Bankda işləyən gənc xanım
  • Castin Lonq / Klayton Dalton - Kristinin ən yaxın dostu
  • Lorna Raver / Silvia Qanuş - Kristini lənətləyərək öldürməyə çalışan
  • Boyana Novakoviç / İlenka Qanuş - Silvianın nəvəsi
  • Dilep Rao / Riam Cas - Cadugar. Kristin Silvianın lənətindən xilas olmaq üçün ondan kömək istəmişdi
  • Reqi Li / Stu Rubin - Bankda Kristinin iş yoldaşı
  • Adriana Barraza / Şaun Sen Dena - Güclü cadugar. Kristin Riamla birgə ondan kömək istəmişdi
  • Çelçi Rous / Leonard Dalton - Klaytonun atası
  • Moli Çek / Tradi Dalton - Klaytonun anası
  • Devid Paimer / Cim Caks - Kristinin müdürü
  • Oktavia Spencer / Bank işçisi

Gəlir[redaktə | əsas redaktə]

Film ABŞ-da kinoteatrlarda 29 may 2009-cu ildə təqdim olunub.[3] İlk həftə ərzində $15,825,480 dollar toplayan film ikinci həftədə $7,040,550 dollar topladı.[4] Təkcə ABŞKanadada $42,100,625 dollar toplayan film ümumilikdə dünya üzrə $90,842,646 dollar qazana bilib.

Ev üçün buraxılış[redaktə | əsas redaktə]

Filmin ev üçün buraxılış diski Birləşmiş Ştatlarda 13 oktyabr 2009-cu ildə satışa çıxarıldı.[5] DVD-də eyni zamanda filmdən silinmiş səhnələr də yer alıb. İlk iki həftədə 459,217 nüsxə ilə satılan film $7.98 milyon gəlir qazanıb. Ümumilikdə isə filmin DVD buraxılışı $104,822,032 gəlir qazandırıb.[6]

İstinadlar[redaktə | əsas redaktə]

Xarici keçidlər[redaktə | əsas redaktə]