Mərkəz Qacar

Mərkəz Qacar
Mərkəz Qacar
	Mərkəz Mikayıl oğlu Qacar
Doğum tarixi	14 fevral 1948
Doğum yeri	Qaryagin, Qaryagin rayonu, Azərbaycan SSR, SSRİ;
Vəfat tarixi	4 noyabr 2013 (65 yaşında)
Vəfat yeri	Bakı, Azərbaycan;
Vətəndaşlığı	Azərbaycan
Milliyyəti	Azərbaycanlı
Təhsili	Bakı Dövlət Universitetinin Hüquq fakültəsi;
Fəaliyyəti	şair

Quliyev Mərkəz Mikayıl oğlu (Mərkəz Qacar) (14 fevral 1948, Qaryagin – 4 noyabr 2013, Bakı) — hüquqşünas, şair.

Həyatı

Mərkəz Quliyev 14 fevral 1948-ci ildə Füzuli şəhərində ruhani ailəsində anadan olub. Bakı Dövlət Univetsitetinin Hüquq fakültəsini bitirib. 1976-cı ildən prokurorluq orqanlarında çalışır, Yardımlı və Səlyan rayonlarında müstəntiq, 1991-ci ildən isə Bakı Şəhər Prokurorluğunda şöbə prokuroru kimi əmək fəaliyyətini davam etdirib. Azərbaycan Yazıçılar Birliyinin və Azərbaycan Jurnalistlər Birliyinin üzvüdür. M. Qacarın indiyə qədər 30-dan artıq kitabı çap olunmuşdur. Bu kitablara 20 minə yaxın təmsil, 2000-dən artıq rübai, 3000-dən artıq lirik şeir, 500-dən çox bayatı, 1000-dən artıq qəzəl, 10 alleqorik pyes, 8 tarixi dram və 9 poema daxil edilmişdir.

Əsərləri ingilis, alman, ispan, rus, fars, kürd və başqa dillərə tərcümə edilmişdir. Dram əsərləri respublikanın müxtəlif teatrlarında tamaşaya qoyulmuş, ssenariləri üzrə çəkilmiş filmlər Azərbaycan televiziyasında dəfələrlə nümayiş etdirilmişdir.

Mükafatları

Mərkəz Qacar "Araz" Ali ədəbi və "Qızıl Qələm" yaradıcılıq mükafatlarının laureatıdır.

Əsərləri

Qarışqadan filədək. Bakı: Azərnəşr, 1997, 88 səh.

Filmoqrafiya

Qeybdən gələn səs (film, 2002)

Mənbə

Çingizoğlu Ə. Qacarlar və Qacar kəndi. Bakı: “Şuşa” nəşriyyatı. 2008. səh. 336+32.