Məryəm Əlizadə
| Məryəm Əlizadə | |
|---|---|
| Məryəm Əli qızı Əlizadə | |
 | |
| Doğum tarixi | 14 aprel 1950 |
| Doğum yeri |
Bakı.svg){kind=small} Azərbaycan SSR |
| Vətəndaşlığı |
 SSRİ→ Azərbaycan |
| Elm sahəsi | teatr |
| Elmi dərəcəsi | sənətşünaslıq doktoru |
| Elmi adı | professor |
| İş yeri | Azərbaycan Dövlət İncəsənət İnstitutu teatr tarixi kafedrasında baş müəllim |
| Mükafatları |
Cəfər Cabbarlı mükafatı "Qızıl Dərviş" mükafatı "Haldun Taner" mükafatı |
Əlizadə Məryəm Əli qızı — teatr tənqidçisi, teatrşünas, sənətşünaslıq doktoru (1998), professor (1999), 1986-cı ildən Azərbaycan Yazıçılar Birliyinin üzvü. Əməkdar incəsənət xadimi.[1].Azərbaycan Dövlət Mədəniyyət və İncəsənət Universitetinin Elm və yaradıcılıq işləri üzrə prorektoru
Həyatı[redaktə | əsas redaktə]
Məryəm Əlizadə 1950-ci il aprelin 14-də Bakı şəhərində fəhlə ailəsində anadan olmuşdur. Burada 31 saylı orta məktəbi bitirdikdən sonra Mirzağa Əliyev adına Azərbaycan Dövlət İncəsənət İnstitutunun Teatrşünaslıq fakültəsində təhsil almışdır (1967-1972).
Professor Əbdül Əlizadənin bacısıdır.
Fəaliyyəti[redaktə | əsas redaktə]
Əmək fəaliyyətinə Azərbaycan EA Memarlıq və İncəsənət İnstitutunun Teatr və Kino şöbəsində baş laborant kimi başlamışdır (1972-1975). Bakı Kitabxanaçılıq Texnikumunda müəllimlik etmiş (1976-1978), M.A.Əliyev adına Azərbaycan Dövlət İncəsənət İnstitutuna dəyişilmiş, teatr tarixi kafedrasında müəllim (1978-1985), baş müəllim (1985-?), sonra isə dosent və professor vəzifəsində çalışmışdır.
Ədəbi fəaliyyəti[redaktə | əsas redaktə]
Ədəbi fəaliyyətə 1972-ci ildən "Qobustan" toplusunda teatr tənqidi barədə dərc olunan məqalələrlə başlamış, bundan sonra dövri mətbuatda teatr tənqidinə və teatrşünaslığa dair məqalələrlə müntəzəm çıxış etmişdir. "Əhməd Ağdamski" və "Həbibbəy Mahmudbəyov" elmi-ədəbi oçerkləri "Unudulmaz səhnə ustaları" kitabında (1981, Yazıçı) dərc olunmuşdur. Azərbaycan Yazıçılar İttifaqı dramaturgiya şurasının sədri, M.Əzizbəyov adına Azərbaycan Dövlət Akademik Dram teatrında bədii şuranın üzvü (1987-ci ildən), Azərbaycan SSR Teatr Xadimləri İttifaqı idarə heyətinin üzvüdür (1988-ci ildən).
"SSRİ və Yunan Teatr Əlaqələri. Ənənə və novatorluq" simpoziumunda (Afina – 1986, oktyabr) Sovet nümayəndə heyətinin tərkibində Yunanıstanda olmuşdur.
2015-ci ildə Cəfər Cabbarlı mükafatına layiq görülmüşdür.[2] 23 dekabr 2015-ci ildə TÜRKSOY-un "Haldun Taner" mükafatına layiq görülmüşdür.[3]
Məqalələri[redaktə | əsas redaktə]
- 1. XXI əsr dünya teatr prosesi və Azərbaycan milli teatr sənətinin çağdaş məqsəd və vəzifələri (Müasir teatrda ənənə və novatorluq məsələləri). "Mədəni maarif", 2006, N2, s.5-8.
- 2. Müasir teatr sorağında (Ədalət Vəlıyevin "Teatr sənətimiz: dünən, bu gün, sabah..." adlı kitabı haqqında). "Mədəni maarif", 2006, N3, s.7-9.
- 3. Ondan içəri... (Azərbaycan Dövlət Mədəniyyət və İncəsənət Universitetinin rektoru Timuçin Əfəndiyevin 60 illiyi). "Qobustan", 2006, N2, s.20-25.
İstinadlar[redaktə | əsas redaktə]
- ↑ Əlizadə, M. Teatra sevgi nağılı: “Mən bu gün də tələbələrimə öyrədirəm ki, teatrşünas teatr barədə hökmlər verən adam deyil. Tənqidi də sevgi ruhunda etməlisən”: [Əməkdar incəsənət xadimi Məryəm Əlizadə ilə müsahibə] /müsahibəni apardı Həmidə Nizamiqızı //Mədəniyyət.- 2015.- 29 iyul.- S. 7; Kaspi.- 2015.- 31 iyul.- S.11.
- ↑ “Cəfər Cabbarlı” mükafatı təqdim olundu
- ↑ Teatr xadimlərinə “Haldun Taner” mükafatı verildi