Məryəm Ananın Fərziyyəsi Kilsəsi (Hrubeşov)
| Məryəm Ananın Fərziyyəsi Kilsəsi | |
|---|---|
 | |
| Ölkə | |
| Üslubu | yeni rus memarlığı[d] |
| Materialı | kərpic |
|
|
|
| Saytı | |
| cerkiew.hrubieszow.info | |
 Vikianbarda əlaqəli mediafayllar | |
Hrubeşovda Məryəm Ananın Fərziyyəsi Kilsəsi (pol. Cerkiew Zaśnięcia Najświętszej Maryi Panny w Hrubieszowie) – Polşanın Hrubeşov şəhərində yerləşən pravoslav kilsəsi. Polşa kilsələri içərisində ən monumental kilsə hesab olunur.[1]
Tarixi
[redaktə | mənbəni redaktə et]Hrubeşovda pravoslav kilsəsinə aid ən qədim yazılı mənbə 1510-cu ilə aiddir. İndiki kilsənin yerində yerləşən kilsə 1520-ci illərdə tikilmişdir. Kilsənin qurucusu və sponsoru Sofroniy Kozula adlı yerli sakin olmuşdur.[2] Bu kilsə 1785-ci ildə sökülmüşdür.[1]
İndiki kilsə binası 1873–1875-ci illərdə tikilmişdir.[1] Binanın təməli 11 may 1883-cü ildə atılmışdır. Kilsə 13 may 1876-cı ildə Xelm-Varşava arxiyepiskopu Leontis tərəfindən təqdis olunmuşdur. 1915-ci ilə qədər kilsənin beffruasında 5 zəng olsa da, Birinci Dünya müharibəsində zənglər itmişdir.[2]
Memarlığı
[redaktə | mənbəni redaktə et]Kilsə memarlıq quruluşu baxımından dövrünün pravoslav kilsələrindən fərqlənmir və rus-bizans üslubundadır. Lakin həmin kilsələrə nisbətən daha detallı tikilmişdir. 13 günbəzli bu kilsə yunan xaçı memarlıq planı üzrə tikilmişdir və üçhissəli struktura malikdir.[1] Günbəzlər və zəng qülləsi qızılı rənglə bəzədilmişdir.[2]
Kilsənin ziyarətgahı yarımdairəvi formada olan apsida və ona bitişik olan koridorla əhatə olunmuşdur. İçəridəki palıd ikonostas koridor ilə altar arasındakı yerləşir.[1]
Populyar mədəniyyətdə
[redaktə | mənbəni redaktə et]2023-cü ildə Polşada buraxılmış poçt markalarından birində Məryəm Ananın Fərziyyəsi Kilsəsi təsvir olunmuşdur.[3]
İstinadlar
[redaktə | mənbəni redaktə et]- ↑ 1 2 3 4 5 Malecki, Pawel; Wiciak, Jerzy; Nowak, Damian. "Acoustics of Orthodox Churches in Poland" (PDF). Archives of Acoustiscs (ingiliscə). 42 (4). 2017: 583–584. 2024-02-20 tarixində arxivləşdirilib (PDF). İstifadə tarixi: 20 fevral 2024.
- ↑ 1 2 3 Pelica, G.J. "Historia: Hrubieszów – Zaśnięcia Najświętszej Marii Panny". lublin.cerkiew.pl (polyakca). 2024-02-20 tarixində arxivləşdirilib. İstifadə tarixi: 20 fevral 2024.
- ↑ "Szczebrzeszyn: Poczta Polska zaprezentowała nowe znaczki emisji „Piękno Polski"". Poczta Polska (polyakca). 14 iyul 2023. 2024-02-20 tarixində arxivləşdirilib. İstifadə tarixi: 20 fevral 2024.
Xarici keçidlər
[redaktə | mənbəni redaktə et]- cerkiew.hrubieszow.info — Rəsmi saytı