Maps (Lesli Roy mahnısı)
| Mahnı | |
| Maps | |
|---|---|
| İfaçı | Lesli Roy |
| Yayımlanıb | 26 fevral 2021 |
| Janr | pop musiqisi |
| Müddət | 172 san. |
"Maps" (azərb. Xəritələr) — İrlandiyalı ifaçı Lesli Royun mahnısı. Mahnı İrlandiyanı Niderlandın Rotterdam şəhərində keçirilən sayca 65-ci Avroviziya Mahnı Müsabiqəsində təmsil etmişdir.
Mahnı[redaktə | mənbəni redaktə et]
Pop janrında olan "Maps" mahnısının sözləri və bəstəsi, Filip Strend, Emeli Eriksson, Lukas Hollqrin və mahnını səsləndirən ifaçı Lesli Roy tərəfindən ərsəyə gətirilmişdir.
Mahnının sözləri insan həyatı üçün mühüm olan müsbət ruhani təsirlərə səbəbdir. Həyatın hər enişini "Məğlubiyyət" deyil, İlahi iradəyə əsaslanaraq, tam əksinə bir "Qələbə" kimi göstərmişdir. O, hər alçalmanın mütləq bir yüksəlmə ilə əvəz olunacağına inanır. Mahnının əsas hissəsindəki: "Bəli, mən iki dəfə yıxıldım. Lakin, indi ikiqat güclüyəm" ifadələri bunu isbatlayır. İfaçı öz timsalında, insan ruhunu "Xəritə", qəlbini "Kompas" və həyatın özünü isə bitmək bilməyən "Uzun bir yol"-a bənzətmişdir.
Buraxılış tarixi[redaktə | mənbəni redaktə et]
| Ərazi | Tarix | Müddət | Format | Etiket |
|---|---|---|---|---|
| Dünya üzrə | 26 Fevral 2021 | 2:52 | Rəqəmsal yükləmə | Universal Denmark |
Beynəlxalq arenada[redaktə | mənbəni redaktə et]
Avroviziya Mahnı Müsabiqəsi 2021
17 dekabr 2020-ci il tarixində İrlandiyanın milli yayımçısı - RTÉ, ölkəni Avroviziya 2021 Mahnı Müsabiqəsində Lesli Royun təmsil edəcəyini, daxili seçim üsulu vasitəsilə təsdiqləmişdir. Müsabiqədə Lesli Royun ifa edəcəyi sözügedən mahnının təqdimatı 26 fevral 2021-ci il RTÉ 2fm səhər yeməyi proqramında olmuşdur. Mahnı üçün Uiklou dağlarında Ayis Bredi tərəfindən lentə alınan musiqi videosu da, elə həmin gün yayımlandı.
18 may 2021-ci il tarixində sayca 65-ci Avroviziya Mahnı Müsabiqəsinin birinci yarımfinal mərhələsi baş tutdu.16 ölkənin böyük finala vəsiqə qazanmaq uğrunda mübarizə apardığı yarışmada, "Maps" mahnısı ilə ölkəsini təmsil edən Lesli Roy, Şimali Makedoniyadan sonra və Kiprdən əvvəl səhnədə yeddinci nömrə altında yer almış və yekun səsvermə nəticələrinə əsasən 20 xalla ilk yarımfinalın sonuncusu olmuşdur. Müsabiqədə, "Maps" mahnısına təqdim olunan xallar sistemi(Münsiflər heyəti və Telesəsvermə əsasında) aşağıdakı cədvəldə göstərilmişdir.
"Maps" mahnısına təqdim edilən xallar:[1][redaktə | mənbəni redaktə et]
| Xal | Telesəsvermə | Jüri |
|---|---|---|
| 12 xal | ||
| 10 xal | ||
| 8 xal | ||
| 7 xal | ||
| 6 xal | ||
| 5 xal | ||
| 4 xal | ||
| 3 xal | ||
| 2 xal |  Avstraliya
|
|
| 1 xal |
.svg){kind=small}
Çartlarda[redaktə | mənbəni redaktə et]
| Çart (2021) | Zirvə nöqtəsi |
|---|---|
| İrlandiya (IRMA)[2] | 76 |
| Litva (AGATA)[3] | 96 |
| Niderland (Single Tip)[4] | 30 |
İstinadlar[redaktə | mənbəni redaktə et]
- ↑ "Results of the First Semi-Final of Rotterdam 2021". European Broadcasting Union. 28 May 2021 tarixində arxivləşdirilib. İstifadə tarixi: 28 May 2021.
- ↑ "Irish Singles chart | Top 100 by IRMA". IRMA. 26 February 2021. 10 March 2021 tarixində arxivləşdirilib. İstifadə tarixi: 5 March 2021.
- ↑ "2021 21-os SAVAITĖS (gegužės 21-27 d.) SINGLŲ TOP100" (litva). AGATA. 28 May 2021. 28 May 2021 tarixində arxivləşdirilib. İstifadə tarixi: 28 May 2021.
- ↑ "Lesley Roy – Maps". dutchcharts.nl. 5 June 2021 tarixində arxivləşdirilib. İstifadə tarixi: 2 June 2021.