Mariya Kallas

Mariya Kallas yun. Μαρία Κάλλας
Sənətçi məlumatları
Doğum adı	Sofiya Seseliya Kalos
Doğum tarixi	2 dekabr 1923(1923-12-02)
Doğum yeri	Nyu-York, ABŞ
Vəfat tarixi	16 sentyabr 1977 (53 yaşında)
Vəfat yeri	Paris, Fransa
Ləqəbi	La Divina
Səs tembri	soprano
Fəaliyyət illəri	1942-1974
Albom şirkəti	EMI
IMDb	ID 0006568
VikiAnbarda audio, foto və videofayllar

Mariya Kallas (yun. Μαρία Κάλλας, doğum şəhadətnaməsindəki adı - Sofiya Seseliya Kalos, ing. Sophia Cecelia Kalos, xaç suyuna çəkilərkən aldığı ad Anna Mariya Sesiliya Sofiya Kaloqeropulos, yun. Άννα Μαρία Καικιλία Σοφία Καλογεροπούλου) — yunan əsilli Amerika opera müğənnisi, soprano. XX əsrin ən məşhur opera müğənnilərindən biri. O, ifadəli belkanto texnikasına, geniş səs diapazonuna və böyük artistlik istedadına sahib idi. Onun repertuarına klassik operalardan tutmuş Donizetti, Bellini, Rossini, Verdi və Puççininin bel-kanto operaları daxil idi.

O, özünün nəzərəçarpan musiqi və artistik qabiliyyətlərinə görə La Divina (tərc. İlahə) ləqəbinə layiq görülmüşdü.

Həyatının son illərini Parisdə yaşamış və 16 sentyabr 1977-ci ildə miokard infarktından vəfat etmişdir. Daha bir versiyaya əsasən isə Kallas gizli şəkildə qətlə yetirilmişdir. Cəsədi kremasiya olunaraq külü Parisdəki Per-Laşez qəbiristanlığında yerləşdirilmiş, daha sonra öz vəsiyyətinə uyğun olaraq Egey dənizinə səpilmişdir.