Marta Çumalo

Vikipediya saytından
Naviqasiyaya keç Axtarışa keç
Marta Çumalo
Vətəndaşlığı SSRİ SSRİ
 Ukrayna
Təhsili
Fəaliyyəti gender studies scholar, psixoloq, feminist[d]
Mükafatları Olof Palme Mükafatı

Marta Stepanovna Çumalo (ukr. Марта Чумало) — Ukraynalı feminist, hüquq müdafiəçisi, gender eksperti və psixoloq. Qadın Perspektivləri təşkilatının həmtəsisçisi və sədr müavini. Olof Palme mükafatı laureatı (2023).

Marta Çumalo 1993-cü ildə fizika ixtisası üzrə İvan Franko adına Lvov Milli Universitetini bitirib. Ardınca o, Regionlararası Personal İdarəetmə Akademiyasında psixoloq, ali təhsil müəssisələrində psixologiya müəllimi ixtisası üzrə təhsil alıb (2013).[1]

Tələbə olarkən Marta müəllimi tərəfindən cinsiyyətçilik və cinsi təcavüz halları ilə üzləşib. Daha sonra o, nəqliyyat şirkətində işləyərkən əmək bazarında qadınlar arasında bərabərsizlik olduğu qənaətinə gəlib. 1996-cı ildə o, kiçik biznesin inkişafı üzrə qadınlar üçün təlimçilər hazırlamaq üçün Britaniya-Ukrayna layihəsində təlimi tamamlayıb. Təhsil aldığı müddətdə özü ilə həmfikir qadınlarla tanış olub, onlarla birlikdə İrina Vilde adına Qərbi Ukrayna Regional Qadın Resursları və İnformasiya və Sosial-İqtisadi Uyğunlaşma Mərkəzini yaradıb.[2]

1998-ci ildə Lvovda digər qadınlarla birlikdə 20 ildən çox çalışdığı “Qadınların Perspektivləri” ictimai təşkilatını təsis edib. Təşkilatda Marta Çumalo sədr müavini vəzifəsini tutur və layihə rəhbəridir.[2] "Qadınların Perspektivləri" təşkilatı təsis edildiyi gündən o, məişət zorakılığı və insan alveri ilə mübarizə məsələləri üzərində işləyir. O, feminizm tərəfdarıdır və Ukraynada gender bərabərliyinin yaradılmasını dəstəkləyir.[3]

Marta Çumalo 2017-ci ildən o, Ukrayna qadınlarının hüquqlarının təmin edilməsi üzrə Avropa Qadın Lobbisinin (ing. European Women's Lobb) köşə yazarıdır. Marta Çumalo Ukrayna CBT Terapevtləri Assosiasiyasının və Ayrı-seçkiliklə Mübarizə Koalisiyasının üzvüdür. O, Avropa Şurası, BMT İnsan Hüquqları ŞurasıATƏT-in sertifikatlı təlimçisidir. Marta Çumalo “Şərq Tərəfdaşlığı Vətəndaş Cəmiyyəti Forumunun Milli Platformalarında İstifadə üçün Gender Auditlərinin aparılmasına dair Bələdçi”nin həmmüəllifidir.[2]

2014-cü ildə Rusiya-Ukrayna müharibəsi başlayandan və 2022-ci ildə Rusiyanın Ukraynaya genişmiqyaslı işğalından başlayaraq Marta Çumalo müharibənin nəticələri haqqında cəmiyyəti məlumatlandırmaq və onun qurbanlarının reabilitasiyası ilə məşğuldur.[4]

2020-ci ildə o, “insan hüquqları uğrunda mübarizədə görkəmli nailiyyətlərə” görə Hollandiya səfirliyindən İnsan Hüquqları Laləsi Mükafatını alıb.[3]

2023-cü ildə Marta Çumalo Ukraynadan bu mükafatın ilk qalibi olmaqla, Olof Palme Mükafatına layiq görülüb.[5]

  1. "Чумало Марта". expertky.povaha.org.ua (ukrayna). Archived from the original on 2019-04-11. İstifadə tarixi: 2023-03-13.
  2. 1 2 3 Марценюк Тамара. "Інтерв'ю з Мартою Чумало про підтримку жінок і феміністичний активізм у Львові". Гендер в деталях (ukrayna). 2018-09-11. 2019-04-03 tarixində arxivləşdirilib. İstifadə tarixi: 2023-03-13.
  3. 1 2 "Правозахисниці Тетяна Печончик та Марта Чумало отримали премію від посольства Нідерландів". LB.ua (ukrayna). 2020-12-11. 2023-03-13 tarixində arxivləşdirilib. İstifadə tarixi: 2023-03-13.
  4. Лебедина Оксана. "Украинка Марта Чумало стала лауреатом шведской премии имени Улофа Пальме в области прав человека". zn.ua (rus). 2023-01-09. 2023-03-13 tarixində arxivləşdirilib. İstifadə tarixi: 2023-03-13.
  5. "Марта Чумало – лауреатка премії Олафа Пальми". Центр гендерної культури (ukrayna). 2023-01-10. 2023-03-13 tarixində arxivləşdirilib. İstifadə tarixi: 2023-03-13.

Xarici keçidlər

[redaktə | mənbəni redaktə et]