Masatoşi İto
| Masatoşi İto | |
|---|---|
| yap. 伊藤 雅俊 | |
| Doğum tarixi | 30 aprel 1924 |
| Doğum yeri | |
| Vəfat tarixi | 10 mart 2023[1] (98 yaşında) |
| Vəfat səbəbi | qocalıq[d] |
| Fəaliyyəti | sahibkar, iş adamı |
Masatoşi İto (伊藤 雅俊, İto Masatoşi?, 30 aprel 1924, Tokio – 10 mart 2023[1]) – Yaponiya biznesmeni. ABŞ-nin "7-Eleven" mağazalar şəbəkəsini Yaponiyada tanıtmış və bir çox filialını açdıraraq Yaponiyada öz pərakəndə satış imperiyasını qurmuşdur. "Seven & I" pərakəndə satış şirkətinin qurucusudur.
İlk illəri
[redaktə | mənbəni redaktə et]Masatoşi İto 30 aprel 1924-cü ildə Yaponiyanın Tokio şəhərində Senzo və Yuki İto cütlüyünün ailəsində doğulmuşdur. Ailəsi "Yokado" adlı quru mallar dükkanı işlədirdi. 1944-cü ildə liseydən məzun olduqdan sonra qısa müddət Yaponiya ordusunda xidmət göstərmişdir. Daha sonra "Yokado"ya qoşulmuş, 1956-cı ildə böyük qardaşının ölümündən sonra mağazanın sahibi olmuşdur.[2]
Karyerası
[redaktə | mənbəni redaktə et]
1958-ci ildə "Ito-Yokado" mağazalar şəbəkəsini qurmuşdur. 1961-ci ildə ABŞ-yə səyahət etmiş və Amerikanın istehlak mədəniyyətindən təsirlənmişdir. ABŞ-yə mütəmadi ziyarətlər etməyə davam etmişdir. Bu müddət ərzində "Ito-Yokado" Yaponiyanın qabaqcıl pərakəndə satış şirkətlərindən birinə çevrilmişdir. 1973-cü ildə ABŞ-nin "7-Eleven" mağazalar şəbəkəsini Yaponiyaya gətirməyə qərar vermişdir. İlk filial 1974-cü ildə Tokionun Toyosu bölgəsində açılmışdır. Tezliklə Yaponiyanın müxtəlif yerlərində yeni filialların açılışı baş tutmuş, Yaponiyanın pərakəndə satış dünyasında və istehlak mədəniyyətində böyük inqilaba səbəb olmuşdur. Mağazalar şəbəkəsinin 1978-ci ildə təqdim etdiyi hazır düyü küftələri ölkənin fastfud mədəniyyətinin populyar təamlarından birinə çevrilmişdir.[2]
İtonun başçılığı altında "7-Eleven Japan" sürətlə böyüyərək əsas şirkəti belə qabaqlamışdır. 1991-ci ildə "Ito-Yokado" ABŞ şirkətinin qiymətli kağızlarının bir hissəsini satın alaraq onu Yaponiya şirkətinə çevirmişdir. Lakin şirkət bir neçə icraçı direktorunun yakuzalara pul ödəməsi barədə olan ittihamlardan sonra 1992-ci ildə istefa vermişdir. 2005-ci ildə qurduğu "Seven & I" şirkətinin fəxri sədri seçilmiş, şirkətin əməliyyatlarında vacib rol oynamağa davam etmişdir. 10 mart 2023-cü ildə ölmüşdür.[2]
İstinadlar
[redaktə | mənbəni redaktə et]- ↑ 1 2 Masatoshi Ito, Founder of Japan Retailer Ito-Yokado, Dies at 98.
- ↑ 1 2 3 "Masatoshi Ito, 98, the King of Convenience Stores in Japan, Dies". The New York Times (ingiliscə). 13 mart 2023. 27 mart 2023 tarixində arxivləşdirilib. İstifadə tarixi: 9 oktyabr 2023.
Xarici keçidlər
[redaktə | mənbəni redaktə et] Lüğətlər və ensiklopediyalar | ||||
|---|---|---|---|---|
| Şəcərə və nekropolistika | ||||
| ||||
