Metyu Perri

Vikipediya, azad ensiklopediya
Jump to navigation Jump to search
Metyu Perri
Matthew Perry 2013 lighting and color corrected.jpg
Doğum adı Matthew Langford Perry
Doğum tarixi (52 yaş)
Doğum yeri Uilyamstoun, Massaçusets
Vətəndaşlığı
Fəaliyyəti televiziya aktyoru, kinorejissor[d], yazıçı, kino prodüseri, kino aktyoru, ssenarist
Fəaliyyət illəri 1994-indiyə kimi
Boyu 1,83 m
IMDb ID 0001612
Vikianbarın loqosu Vikianbarda əlaqəli mediafayllar

Metyu Lenqford Perri (ing. Matthew Langford Perry) — amerikalı-kanadalı aktyor, komik, icraçı prodüser, ssenaristdramaturq. 1994-2004-cü illlərdə yayımlanan NBC televiziya sitkomu Dostlar serialında canlandırdığı Çendler Binq roluna görə bütün dünyada şöhrət qazanmışdır.[2][3]

Həyatı[redaktə | mənbəni redaktə et]

Perri 19 avqust 1969-cu ildə Massaçusets ştatının Uilyamstoun şəhərində anadan olub.[4] Anası Suzen Morrison kanadalı jurnalistdir. Atası Con Bennet Perri amerikalı aktyor və keçmiş modeldir.[5][6] Valideynləri onun bir yaşında ayrılıblar və anası onu Ottava şəhərində böyüdüb. Məktəb illərində tennisə maraq göstərdi və üst səviyyəli oyunçu oldu.[7]

Perrinin həm Kanada, həm də Amerika vətəndaşlığı var.

Ulduz olmasına baxmayaraq, Metyu çoxlarının həsəd aparmayacağı bir həyat yaşayıb. Reaktiv xizək sürərkən keçirdiyi qəzadan sonra Perri həblərə aludə oldu.[8] Çəkisi qarşıdan gələn bir neçə il ərzində şiddətli dərəcədə artıb-azaldı. 2000-ci ildə serialın 7-ci mövsümünün ilk bölümündə, 20 kilo çəki itirdiyinə görə xarici görkəminin dəyişməsi tamaşaçılarda xeyli təəccüb yaratdı. İzləyicilər üçün bu qədər gülüş mənbəyi olmasına baxmayaraq, Perrinin şəxsi həyatı heç də gülüş doğurmurdu. “Qıraqdan baxıldığında hər şeyə sahib olduğumu düşünürlər. Amma alkoqolizmdən əziyyət çəkdiyim üçün, çox tənha zamanlar keçirdim” – deyə qeyd etmişdi.[9] Perri daha sonralar BBC kanalına müsahibəsi zamanı, Dostlar serialında oynadığı üç ilini (üçüncü və altıncı sezonlar arasını) həmin vaxtlarda aludəçilik problemləri olması səbəbiylə xatırlamadığı dedi.[10]

Karyerası[redaktə | mənbəni redaktə et]

15 yaşında olarkən Perri aktyorluq etmək üçün Ottavadan Los-Ancelesə köçür.[11] Bir neçə seriallarda kiçik rollarda və qonaq aktyor kimi oynayır. Daha sonra, 1994-cü ildə ABŞ sitkomu Dostlar serialında oynamağa başladı. Serial olduqca uğurlu alındı və aktyorların hər birinin şöhrətini artırdı. Metyu aktyor Mett LeBlenk ilə birlikdə "Komediya serialında ən yaxşı baş rol" nominasiyası üçün Emmi namizədliyi qazandı.[12] İlk mövsümdə, baş rol ifaçıları bir seriya üçün 22.5 min dollar, üçüncü mövsümdə 75 min dollar qazandılar, 9 və 10-cu mövsümlərdə hər bölüm üçün gəlirləri 1 milyon dollara qədər yüksəldi.[13]

Perri 2011-ci il fevral ayından aprel ayına qədən yayımlanan ABC sitkomu "Cənab Sanşayn" serialının həmmüəllifi, icraçı produseri və aktyoru idi.[14]

Aktyor bir neçə ekran işində atası ilə birlikdə işləmişdir. Atası Con Perri Axmaqlar tələsir (1997) filmində[15][16]Ağ xalatlılar serialının 4-cü mövsümünün “Mənim təkbuynuzum” adlı 11-ci bölümündə (2004) onun atası xarakterini canlandırmışdı.[17] Həmçinin, Dostlar serialında 4-cü mövsümün “Reyçelin yeni geyimi” adlı 18-ci bölümündə qonaq aktyor rolu ifa etmişdir.[18]

2018-ci ildə Business Insider Perrinin sərvətinin təxminən 80 milyon olduğunu bildirdi.[19]

İstinadlar[redaktə | mənbəni redaktə et]

  1. 1 2 3 4 https://newsfeed.time.com/2013/08/21/they-live-among-us-10-canadians-who-became-americans/slide/matthew-perry/.
  2. https://web.archive.org/web/20091108123636/http://movies.msn.com/celebrities/celebrity-biography/matthew-perry.1/ Movies.msn.com.
  3. https://archive.today/20130125135926/http://www.hollywood.com/celebrity/191213/Matthew_Perry_Credits Hollywood.com.
  4. https://www.tvguide.com/celebrities/matthew-perry/bio/165367 TV Guide
  5. http://www.filmreference.com/film/19/Matthew-Perry.html Filmreference.com.
  6. https://news.google.com/newspapers?nid=2194&dat=19680923&id=lboyAAAAIBAJ&sjid=5ewFAAAAIBAJ&pg=4626,2377310 Ottawa Citizen.
  7. http://articles.orlandosentinel.com/1995-10-15/entertainment/9510090598_1_matthew-perry-noah-wyle-sliders Orlando Sentinel. 15 oktyabr, 1995
  8. https://www.biography.com/news/matthew-perry-addiction-friends#:~:text=In%20May%202000%2C%20he%20was,as%20a%20wake%2Dup%20call.
  9. https://www.biography.com/news/matthew-perry-addiction-friends#:~:text=In%20May%202000%2C%20he%20was,as%20a%20wake%2Dup%20call.
  10. https://www.bbc.com/news/entertainment-arts-45111752
  11. http://www.eonline.com/news/58519/my-reunion-with-matthew-perry E! Online. 21 may, 2007
  12. http://www.emmys.com/celebrities/matthew-perry Television Academy.
  13. https://www.businessinsider.com/cast-of-friends-ranked-by-net-worth-2018-9 Business Insider.
  14. https://web.archive.org/web/20101208220459/http://tvbythenumbers.zap2it.com/2010/12/06/abcs-mr-sunshine-will-bump-cougar-town-temporarily-plus-premiere-dates-for-happy-endings-off-the-map/74516 TV by the Numbers. 6 dekabr, 2010
  15. https://web.archive.org/web/20120118125023/http://movies.yahoo.com/movie/contributor/1800018621/bio Yahoo! Movies.
  16. https://web.archive.org/web/20120118125023/http://movies.yahoo.com/movie/contributor/1800018621/bio
  17. https://screenrant.com/great-matthew-perry-roles-besides-friends/
  18. https://www.digitalspy.com/tv/ustv/a28196577/friends-matthew-perry-real-life-dad-starred-show/ 26 iyun, 2019
  19. https://www.businessinsider.com/cast-of-friends-ranked-by-net-worth-2018-9 Business Insider.

Həmçinin bax[redaktə | mənbəni redaktə et]