Meyci Universiteti Muzeyi
| Meyci Universiteti Muzeyi | |
|---|---|
| Meyci Dayqaku Hakubutsukan (明治大学博物館?) | |
 | |
| Əsası qoyulub |
1929 (kriminal materiallar) 1951 (əmtəələr) 1952 (arxeologiya) |
| Açılış tarixi | aprel 2004 |
| Ölkə |
 Yaponiya |
| Yerləşir |
Oçanomizu,  Tokio |
| 35°41′55″ şm. e. 139°45′42″ ş. u.HGYO | |
| meiji.ac.jp/museum/ | |
 Vikianbarda əlaqəli mediafayllar | |
Meyci Universiteti Muzeyi (明治大学博物館, Meyci Dayqaku Hakubutsukan?) – Yaponiyanın Tokio şəhərinin Oçanomizu məhəlləsində yerləşən, Meyci Universitetinin nəzdində olan muzey.
Tarixi
[redaktə | mənbəni redaktə et]Muzey üç bölmədən ibarətdir: kriminal materiallar, əmtəələr və arxeologiya.[1] Bu bölmələr, müvafiq olaraq, 1929, 1951 və 1952-ci illərdə yaradılmışdır.[2]
Bölmələr
[redaktə | mənbəni redaktə et]Kriminal materiallar bölməsi XVIII əsrin ikinci yarısında cinayətkarları cəzalandırmaq üçün istifadə olunan işgəncə növlərinə həsr olunmuşdur.[1] Bu bölmədə haritsuke, qokumon və işidaki qoqu kimi işgəncə metodlarına dair miniatür nümunələr,[1] Edo dövrünün feodal polisləri tərəfindən istifadə olunan citte və sasumata kimi silahlar və Kamakura dövrünə aid leqal sənədlər sərgilənir.[2] Ənənəvi işgəncə metodlarından əlavə bu bölmədə gilyotin və dəmir gəlin kimi Qərb işgəncə alətlərinin replikalarına da rast gəlmək mümkündür.[1]
Əmtəələr bölməsi yapon əl işlərinə həsr olunmuşdur.[1] Burada dulusçuluq, bambuk, metal və lak məmulatları, vaşi nümunələri, kalliqrafiyada istifadə olunan fırçalar, kokeşi kuklaları, parçalar, mətbəx bıçaqları sərgilənir.[1][3]
Arxeologiya bölməsində Hoşikuso keçidi obsidianı, Yamaqata saxsısı, İvacukuda tapılmış paleolit ox ucluqları kimi Əhəmiyyətli mədəni mülk elan edilmiş eksponatlar sərgilənir.[2] Muzeyin arxeoloji eksponatlarına İvacuku, İzuruhara, Sunqaqava arxeoloji qazıntı yerlərindən və Natsuşima qabıq təpəsindən tapılmış tapıntılar daxildir.[3]
İstinadlar
[redaktə | mənbəni redaktə et]- ↑ 1 2 3 4 5 6 "Meiji University Museum". Time Out Tokyo (ingiliscə). Archived from the original on 2022-09-05. İstifadə tarixi: 5 sentyabr 2022.
- ↑ 1 2 3 "Meiji University Museum's Criminal Materials Department". Atlas Obscura (ingiliscə). 5 avqust 2022. Archived from the original on 2022-09-05. İstifadə tarixi: 5 sentyabr 2022.
- ↑ 1 2 "Meiji University Museum 明治大学博物館". Japan Experience (ingiliscə). Archived from the original on 2022-09-05. İstifadə tarixi: 5 sentyabr 2022.
Xarici keçidlər
[redaktə | mənbəni redaktə et]- meiji.ac.jp/museum/index.html — Rəsmi saytı
| Foto, video və audio | |
|---|---|
| Normativ yoxlama |
