Mezoterapiya

Vikipediya, azad ensiklopediya
Jump to navigation Jump to search

Mezoterapiya (yun. μέσοςortayun. θεραπείαmüalicə sözlərindən) — mikro iynələr vasitəsilə dərinin daxilinə və alt təbəqələrinə vitamin, mineral, ferment və digər lazımi maddələrin yerləşdirilməsi prosesi. Mütəxəssislərin fikirlərinə əsasən, krem və ya digər qidalandırıcı maskalardan fərqli olaraq, mezoterapiyanın tətbiqi zamanı qidalandırıcı maddələr dərinin alt qatlarına yeridilir və buna görə də daha effektiv təsir alaraq arzu olunan nəticələri daha tez bir zamanda əldə etmək mümkün olur. Mezoterapiyanın tətbiqi insan dərisini lazımi təbii maddələrlə təmin edərək cavanlaşmasına və öz təbii estetikliyini qorumasına gətirib çıxarır.[1]

Mezoterapiyadan istifadə tam təhlükəsizdir və həkim məsləhətilə, cinsindən aslı olmayaraq, hər kəs istənilən yaşda bu təbii metoddan yararlana bilər. Ancaq burada bəzi istisnalar da vardır: belə ki, hamilə qadınlar, şəkərli diabet xəstələri, iflic keçirmiş insanlar, qanın laxtalanması problemindən əziyyət çəkənlər, ürək xəstəliyi olanlar və xərçəng xəstələri mezoterapiyadan istifadə edə bilməzlər. Qeyd edilmiş istisnalar xaric, həkimlər mezoterapiyanı dəri problemlərindən əziyyət çəkən hər bir insan üçün əvəz olunmaz müalicə vasitəsi hesab edir.[2]

Faydaları[redaktə | mənbəni redaktə et]

Nəzərə alsaq ki, bu proses dərinin ancaq bəzi arzu olunan yerlərinə tətbiq olunur, bu səbəbdən də vitamin və təbii maddələrin lazım olduğundan daha artıq istifadəsinin qarşısı alınır. Bu müalicəvi proses bədənin ancaq bəzi hissələrinə tətbiq olunduğundan, vitamin və dərmanların bədənin müalicəyə ehtiyacı olmayan digər hissələrinə lazımsız təsirinin qarşısı alınmış olunur.

Həmçinin, qan dövranının sürətləndirilməsi və dəri hüceyrələrinin fəaliyyətinin asanlaşdırılması da mezoterapiyanın əsas faydalarındandır. Əlavə olaraq, mezoterapiya bədən hüceyrələrin balansına müsbət təsir göstərərək, qida maddələrinin uzun müddət bədəndə qalmasını təmin edir. Müalicə zamanı dəri altına yeridilən maddələr təbii və orqanik olduğundan, dərinin cavanlaşma və hamarlanma prosesləri daha da stimullaşdırılır.[3]

Növləri[redaktə | mənbəni redaktə et]

Mezoterapiyanın tətbiq edilmə dairələrinə əsasən bir neçə növə bölmək olar. Bunlara daxildir: üz mezoterapiyası, saç mezoterapiyası və mezoterapiyayla arıqlama. İlk olaraq, bu üsul üz dərisinin cavanlaşması və təravətləndirilməsində geniş istifadə olunur. Bundan əlavə, haqqında danışılan proses saç tökülməsi probleminin qarşısının alınmasında çox effektiv bir vasitədir. Həkimlər mezoterapiyanın köməyilə saçın köklərinə lazımi maddələri ötürərək, nazik saçların qalınlaşmasını və daha da möhkəmlənməsini stimullaşdırır. Mezoterapiya zamanı, bədənə mikro iynələr vasitəsilə xüsusi tərkibli maddələr ötürülür, bununla da piy yaradan və artıq çəkilərə səbəb olan piqmentlər məhv edilir.[4]

İstinadlar[redaktə | mənbəni redaktə et]

  1. "What is mesotherapy, how does it work and what are the different treatments?" (ingilis). İstifadə tarixi: December 5, 2019.
  2. "Mezoterapiya Nədir və Hansı Faydaları vardır?". Anti Age (azərb.). İstifadə tarixi: December 5, 2019.
  3. "What is mesotherapy?" (ingilis). İstifadə tarixi: December 5, 2019.
  4. "Mezoterapiya" (azərb.). February 25, 2017 tarixində orijinalından arxivləşdirilib. İstifadə tarixi: December 5, 2019.