Microsoft Access

Vikipediya, azad ensiklopediya
Naviqasiyaya keçin Axtarışa keçin
Microsoft Access
Loqonun şəkli
Tipi özəl proqram təminatı, relyasiyalı verilənlərin idarəolunması sistemi
Tərtibatçı Microsoft
Əməliyyat sistemi Windows 7, Windows 10, Windows 11
Yayımlanma tarixi noyabr 1992
Sonuncu versiya
Sayt microsoft.com/en-us/micr…
Vikianbarın loqosu Vikianbarda əlaqəli mediafayllar

Microsoft Accessverilənlər bazasının yaradılması və idarə edilməsi üçün nəzərdə tutulmuş proqramdır.

İmkanları[redaktə | mənbəni redaktə et]

Microsoft Access müxtəlif növ informasiyanı toplamağa və sistemləşdirməyə, verilmiş şərtlərə əsasən obyektlərin axtarışı və sıralanmasını təşkil etməyə, verilənlərin daxil edilməsi üçün formalar tərtib etməyə və hesabatlar hazırlamağa imkan verir. Microsoft Access geniş diapazonda informasiyanın idarəetmə effektivliyini artıran güclü tətbiqi proqramdır. Access həm sadə həm də mürəkkəb verilənlər bazası ilə işləməyə imkan verir. Bu proqram relyasiya verilənlər bazası (VB) ilə işləyir. Relyasiya VB-da müxtəlif tipli verilənlər cədvəllərdə saxlanılır və bu cədvəllər arasındakı əlaqələr yaradılir. Nəticədə VB-da müxtəlif tipli dəyişənlərlə işləmək mümkün olur.

İşləmə qaydası[redaktə | mənbəni redaktə et]

Microsoft Access proqramını işə salmaq üçün: Start → Programs → Microsoft Access. Proqramla bərabər eyni adlı pəncərə açılır. Üç rejimdən biri seçilir:

  1. Blank Database (Новая база данных) – yeni boş bazanın təşkili.
  2. Database Wizard (Мастера,…) – bazanın master vasitəsilə təşkili.
  3. Open an Existing Database (Открыть базу данных) – təşkil olunmuş bazalardan birinin açılması.

Microsoft şirkətinin yaratdığı bütün proqramlarda olduğu kimi, Microsoft Access pəncərəsinin yuxarı hissəsində proqramın adı, onun yanında isə verilənlər bazasının adı yazılır. Başlığın altında menyu sətri, bu sətrin altında isə alətlər paneli yerləşir. Alətlər vasitəsilə yerinə yetirilən əməliyyatlar, menyu bəndlərinin müəyyən sətrinin seçilməsi ilə də yerinə yetirilə bilər.

Obyektlər[redaktə | mənbəni redaktə et]

Access VB-nın obyektlər panelində cədvəllər, sorğular, formalar, hesabatlar, makroslar, səhifələr və modullar düymələri görsənir. Bu düymələr vasitəsilə istənilən obyektə keçmək olur:

  1. Cədvəllər (Tables)VB-nın əsas obyektidir. Müxtəlif tipli verilənlərdən təşkil olunmuş sətr (yazı) və sütunlardan (sahə) ibarətdir. Bir VB-da çoxlu cədvəl yaradıla və saxlanıla bilər. Açar sahə vasitəsilə cədvəllər arasında əlaqə yaradılır.
  2. Sorğular (Queries) – dəyişənləri verilən şərt əsasında seçməyə və dəyişməyə imkan verir.
  3. Formalar (Forms)informasiyaya baxmağa və redaktə etməyə imkan verir.
  4. Səhifələr (Page)faylları HTML formatında olan Access dəyişənlərinə İnternet Exrlorer veb brauzerinin (veb səyyahının) köməyi ilə baxmağa imkan verir.
  5. Hesabatlar (Reports)informasiyaları ümumiləşdirməyə və çap etməyə imkan verir.
  6. Makroslar (Macros) – əmrlər vasitəsilə bir neçə əməliyyatı avtomatik yerinə yetirməyə imkan verir.
  7. Modullar – iş prosesində bəzi əməliyyatları Access-in makrokomandaları vasitəsilə yerinə yetirmək mümkün olmur. Bu halda Visual Basic for Applications (VBA) dilində proseduralar təşkil etmək olar. Belə əməliyyatlar modullar şəklində təşkil olunur.

Access VB bir və ya bir neçə cədvəldə saxlanılır. Cədvəllərdə hər sətr bir yazı (запис), hər sütun isə sahə (поле) adlanır. Сədvəllərdə yazılan verilənlər сədvəllər haqqında informasiya ilə birgə VB faylında saxlanılır. Bu fayl .mdb genişləndiricisinə malikdir.

Versiyalar[redaktə | mənbəni redaktə et]

  • 1993 Access 2.0 — Windows (Office 4.3)
  • 1995 Access 7 — Windows 95 (Office 95)
  • 1997 Access 97 (Microsoft Office 97)
  • 1999 Access 2000 (Microsoft Office 2000)
  • 2001 Access 2002 (Microsoft Office XP)
  • 2003 Access 2003 (Microsoft Office 2003)
  • 2007 Microsoft Office Access 2007 (Microsoft Office 2007)
  • 2010 Microsoft Office Access 2010 (Microsoft Office 2010)
  • 2012 Microsoft Office Access 2013 (Microsoft Office 2013)
  • 2015 Microsoft Office Access 2016 (Microsoft Office 2016)
  • 2018 Microsoft Office Access 2019 (Microsoft Office 2019)

Mənbə[redaktə | mənbəni redaktə et]

  • S.Robinson, MICROSOFT ACCESS 2000 – M. 2000 il.
  • İsmayıl Calallı (Sadıqov), "İnformatika terminlərinin izahlı lüğəti", 2017, "Bakı" nəşriyyatı, 996 s.
  • "Microsoft Access History". Retrieved March 13, 2016.
  • "Microsoft Access Version Releases, Service Packs, Hotfixes, and Updates History". FMS. Retrieved July 20, 2015.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]