Mikayıl Mirzə

Mikayıl Mirzə
Digər adı	Mikayıl Mirzəyev
Doğum tarixi	1 yanvar 1947
Doğum yeri	Şamaxı, Talış kəndi
Vəfat tarixi	3 iyun 2006 (59 yaşında)
Dəfn yeri	II Fəxri Xiyaban
Uşaqları	Mətin Mirzə - 1996 -cı ildən Diplomat. 2001-2007- cı illərdə Xarici İşlər Nazirliyinin mətbuata açıq olan ilk Mətbuat Katibi. İxtisası beynəlxalq jurnalist. Publisistik məqalələrin, televiziya verilişlərinin müəllifi. "Od Tayası" hekayə və povest kitabının müəllifi. Bədii qiraət üzrə "Məmməd Araz" mükafatçısı.
Atası	Mirzəyev Şahvələd
Anası	Mirzəyeva Susay
Fəaliyyəti	Aktyor, bədii qiraətçi, rejissor.
Fəaliyyət illəri	1992-93 və illərdə Bakı Mədəni Maarif Texnikumunun direktoru 1995-2000 Ağsu, 2000-2005 Şirvan şəhəri Millət Vəkili
Mükafatları
IMDb	ID 2957281
mikayilmirze.tk

Mikayıl Mirzə (tam adı: Mikayıl Şahvələd oğlu Mirzəyev; 1 yanvar 1947, Ağsu – 3 iyun 2006 — Azərbaycan aktyoru, arxiv kadrlarda iştirak edən, ssenari müəllifi, qiraətçi, Azərbaycan romantik aktyor məktəbinin istedadlı nümayəndəsi, Azərbaycan Respublikasının Xalq artisti (1991).

Həyatı

Mikayıl Şahvələd oğlu Mirzəyev 1947-ci il yanvarın 1-də Şamaxının (indiki Ağsu rayonunun) ərazisində yerləşən Talış kəndində anadan olub. 1969-cu ildə ADİİ-nin (indiki ADMİU) Dram və kino aktyorluğu fakültəsini bitirib. Mirzəyev SSRİ Xalq artisti, professor Mehdi Məmmədovun kursunda dərs alıb.

Fəaliyyəti

Teatr fəaliyyəti

Mikayıl Mirzə institutu bitirdikdən sonra bir müddət Tədris Teatrında işləyib. 1976-cı ildən isə 2000-ci ilə qədər fasilələrlə Akademik Milli Dram Teatrında fəaliyyət göstərib.

Mikayıl Mirzə teatrda Qoca (L. Frank, "Yad adam"), Eyvaz, Muratov (İ. Əfəndiyev "Tənha iydə ağacı", "Qəribə oğlan"), Kürd Musa, Fərhad ("Vaqif" və "Fərhad və Şirin", Səməd Vurğun), Muratov, Eyvaz ("Qəribə oğlan" və "Bizim qəribə taleyimiz", İlyas Əfəndiyev), İxtiyar (H. Cavid "İblis"), Aslan ("Kəndçi qızı", Mirzə İbrahimov), Zahid ("Fəryad", Bəxtiyar Vahabzadə), Elxan ("Od gəlini" Cəfər Cabbarlı), Cinli Mustafa ("Dəli yığıncağı", Cəlil Məmmədquluzadə), İxtiyar ("İblis", Hüseyn Cavid), Mirzə Ələkbər Sahir, Tərs Tahir (Anar "Sizi deyib gəlmişəm", "Adamın adamı"), Zahid, Şair (B. Vahabzadə "Fərhad", "Yollara iz düşür"), Bəxtiyar (A. Şaiq "Fitnə") rollarını ifa edib.

Siyasi fəaliyyəti

Mikayıl Mirzə Azərbaycanın ictimai-siyasi həyatında da fəal rol oynayıb.1990- cı illərdə Meydan Hərəkatında Mikayıl Mirzənin xüsusi rolu olub. O, 80 -ci illərdən başlayaraq Sovet quruluşuna qarşı mübarizə aparanlardan olub. Bu mübarizə poeziya salonlarında, poeziya gecələrində aparılıb. O, iki çağırış 1995-2000-ci və 2002-2005-ci illərdə Milli Məclisin deputatı seçilib. Akademik Milli Dram Teatrındakı aktyor fəaliyyəti ilə yanaşı, 1992-1995-ci illərdə həm də Bakı Mədəni-Maarif Texnikumunun direktoru vəzifəsində işləyib.

Mikayıl Mirzə bir müddət Azərbaycan Demokratik Sahibkarlar Partiyasının üzvü olmuşdur.

Filmoqrafiya

1. Ağlar-güləyən (film, 1988)
2. Anın quruluşu (film, 1980)(tammetrajlı bədii film)-rol: Eyvaz
3. Babək (film, 1979)
4. Dədə Qorqud (film, 1975)
5. Ənvər Həsənov. Yeddi oğuldan biri (film, 2007)
6. Faydalı qazıntılar (film, 1981)
7. Günahsız Abdulla (film, 1984)
8. Qatır Məmməd (film, 1974)
9. Təbəssüm (film, 1992)
10. Üzeyir ömrü (film, 1981)
11. Yeddi oğul istərəm... (film, 1970)
12. Topal Teymur (film, 1983)
13. Türkün ulusu. Xəlil Rza Ulutürk (film, 2015)
14. Min birinci söz (film, 1997)
15. Uzun ömrün akkordları

Mono-tamaşalar

1. "Motsart və Salyeri" (A.S.Puşkin)
2. "Qaraçılar",
3. "Azər" (H.Cavid)
4. "Məhəbbət dastanı" (X.Rza)
5. "Saz" (M.İsmayıl)
6. "Qızılgül olmayaydı..." (R.Rza)
7. "Qərbi Berlin" (C.Novruz)

Vəfatı

Mikayıl Mirzə 2006-cı il iyun ayının 3-də dünyasını dəyişib. İkinci Fəxri Xiyabanda dəfn olunub.

Mükafatları

• 1987-ci ildə Azərbaycan SSR-in "Əməkdar artist" fəxri adına layiq görülüb.
• 22 may 1991-ci ildə "Xalq artisti" fəxri adı ilə mükafatlandırılıb.

Ədəbiyyat

• Mirzə, M. İstiqlal sənətkar: Mikayıl Mirzə65 /Mətin Mirzə //Yeni Azərbaycan.- 2012. - 13 noyabr.- S.8.

Xarici keçidlər

• Mikayil Mirze Xelil Rzanin seirini deyir - Shamaxi 1988