Mirbala Səlimli

Vikipediya, azad ensiklopediya
Jump to navigation Jump to search
Mirbala Səlimli
Mirbala Səlimli.jpg
İlk adı Mirbala Seyidəsgər oğlu Səlimli
Doğum tarixi 5 aprel 1963 (1963-04-05) (56 yaş)
Doğum yeri Qubalı, Hacıqabul rayonu
Vətəndaşlığı
Peşəsi kinorejissor
Təhsili
mirbala.com

Səlimli Mirbala Seyidəsgər oğlu — teatr və kino rejissoru, ssenarist, 1990-cı ildən ATXİ –nın, 2005-ci ildən Kinematoqrafiya İttifaqları Konfederasiyasının və AKİ-nın, 2006-cı ildən isə Rusiya Kinorejissorları Gildiyasının üzvü.

Həyatı[redaktə | əsas redaktə]

Mirbala Səlimli 1963-cü il aprelin 5-də indiki Hacıqabul rayonunun Qubalı kəndində anadan olmuşdur. 1985-ci ildə M.A.Əliyev adına Azərbaycan Dövlət İncəsənət İnstitutunun kino və dram aktyorluğu şöbəsini, 1995-ci ildə B.V.Şukin adına Moskva Ali Teatr Məktəbinin teatr rejissorluğu şöbəsini və 2001-ci ildə isə Moskva Ali Ssenaristlər və Rejissorlar kursunun kino rejissorluğu şöbəsini fərqlənmə diplomları ilə bitirmişdir. Məşhur rus kinorejissoru Aleksey Germanın tələbəsidir və onun çəkdiyi "Allah olmaq çətindir" filmində təcrübə keçmişdir. 2003-2004-cü illərdə AVANTI proqramı (İsveçrə) çərçivəsində kinorejissor K.Zanussi (Polşa) və kinodramaturq D.Benkedən (Almaniya) və 2006-2007-ci illərdə İFA-SC proqramı (İsveçrə) çərçivəsində kinodramaturq Kler Daunzdan (Böyük Britaniya) ustad dərsləri almışdır. 1985-ci ildən S. Rəhman adına Şəki Dövlət Dram Teatrında işləyir və hazırda bu teatrın baş rejissorudur.

Teatr rejissoru kimi Azərbaycan və dünya dramaturgiyasının incilərindən sayılan 20-dən çox dram əsərinə quruluş vermişdir. 2002-ci ildə rejissor və senarist kimi "Debüt" studiyasında "Odla qol-boyun" adlı qısametrajlı bədii film çəkmişdir. Bir çox beynəlxalq festival (Fransa, Macarıstan, Rusiya, Tacikstan və s.) və Kinoforumların iştirakçısı olmuşdur.

2007-ci ildə "Yaddaş" sənədli filmlər studiyasında "Şəki — tarixin naxışları" adlı sənədli film çəkmişdir. Film beynəlxalq festivalların (Fransa, Türkiyə) iştirakçısı olmuşdur.

2000-ci ildən "Mir iskusstva" (Moskva) Yaradıcılıq birliyi ilə əməkdaşlıq edir və rejissor və operator kimi burada 15-ə qədər sənədli film çəkmiş, beynəlxalq festivalların diplomlarını almışdır.

2009-cu ildə Jan Batist Molyerin "Xəsis" komediyasının quruluşuna görə Azərbaycan Teatr Xadimləri İttifaqının təsis etdiyi "Qızıl Dərviş" mükafatına layiq görülmüşdür. 9 may 2012-ci il tarixdə Əməkdar incəsənət xadimi fəxri adına layiq görülmüşdür. 2009-cu ildə, 30 aprel 2014-cü ildə,[1] 6 may 2015-ci ildə[2], 6 may 2016-cı ildə[3], 1 may 2017-ci ildə[4], 9 may 2018-ci ildə[5]10 may 2019-cu ildə[6] Prezident Mükafatına layiq görülmüşdür.

Filmoqrafiya[redaktə | əsas redaktə]

  1. İnsan və milçək". Rejissor və ssenarist. "ÜmidTV", 1999.
  2. Allah olmaq çətindir" A.Germanın filmi. Təcürbə keçən rejissor. "Lenfilm" k/s.
  3. Vəsiyyət". Sənədli film. Operator. "Mir İskusstva" k/s., 2000.
  4. Etimad telefonu R.İbrahimbəyovun filmi. Rejissor, montaj rejissoru, aktyor. "İbrus" k/s., 2001.
  5. Avropanın oğurlanması". Sənədli film. Operator. "Mir İskusstva" k/s., 2002.
  6. Odla qol-boyun". Rejissor və ssenarist. "Debut – Azərbaycanfilm" k/s., 2002.
  7. Mayakovskinin şən ili". Sənədli film. Operator. "Mir iskusstva" k/s., 2003.
  8. Anastasiya Svetayevanın axrıncı günü". Operator. "Mir iskusstva" k/s., 2004.
  9. Sergey Yesenin". Sənədli film. Operator. "Mir iskusstva" k/s., 2005.
  10. Canlı Mayakovski. Sənədli film. Operator. "Mir İskusstva" k/s., 2005.
  11. Üç tac qoyma mərasiminin marşalı". Sənədli film. Operator. "Mir İskusstva" k/s., 2005.
  12. Danil Xarmsın möcüzəsi". Sənədli film. Operator. "Mir İskusstva" k/s., 2005.
  13. İki qat ulduz". Operator. "Fişka Film" k/s., 2006.
  14. Moskvanın heykəltaraşlıq səlnaməsi". Sənədli film. Rejissor və ssenarit, operator. "Mir İskusstva" k/s., 2006.
  15. Natürmort kralı İlya Maşkov" " Sənədli film. Operator. "Mir İskusstva" k/s., 2006.
  16. Qara Lala". Operator. "Fişka Film" k/s., 2007.
  17. Petrov-Vodkinin məhəbbəti". Operator. "Fişka Film" k/s., 2007.
  18. Şəki – tarixin naxışları". Sənədli film. Rejissor və senarist. "Yaddaş" k/s., 2007.
  19. Mənim məktəbim". Sənədli film. Rejissor və ssenarist. "Narimanfilm" k/s. 2008.
  20. Olvia – xoşbəxtlik misteriyası". Rejissor və operator. "Savonarola" k/s. 2010.
  21. Qırmızı bağ (film, 2016)‎[7]

İstinadlar[redaktə | əsas redaktə]

  1. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  3. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  4. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-05-03. Check date values in: |date= (kömək); External link in |publisher= (kömək)
  5. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-10. Check date values in: |date= (kömək); External link in |publisher= (kömək)
  6. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10. Check date values in: |date= (kömək); External link in |publisher= (kömək)
  7. “Qırmızı bağ” montaj olunur: [“Azərbaycanfilm” və Rusiyanın “Vaytmedia” şirkətinin ortaq layihəsi Mirbala Səlimlinin quruluşunda] //Mədəniyyət.- 2015.- 8 iyul.- S.3.

Xarici keçidlər[redaktə | əsas redaktə]